កីឡាជាតិ
ជាតិ
លោក Sam ខកចិត្តជាបន្តបន្ទាប់ដោយសារបាល់ប៉េណាល់ទីក្នុង Euro និង Hun Sen Cup
×![]()
គ្រូបង្វឹកក្លិបភ្នំពេញក្រោន Sam Schweingruber ដែលទើបទទួលបានសញ្ជាតិកម្ពុជា ក្រោមឈ្មោះថា «សេម សំណាង» បានខកចិត្តជាបន្តបន្ទាប់ៗ បន្ទាប់ពីក្រុមជម្រើសជាតិស្វ៊ីសរបស់លោកធ្លាក់ចេញពី Euro 2016 ដោយចាញ់ប៉ូឡូញ ក្លិបភ្នំពេញក្រោនទទួលបានផលដូចគ្នា ដោយចាញ់ព្រះខ័នរាជស្វាយរៀង នាការប្រកួតវគ្គ១/២ផ្តាច់ព្រ័ត្រ ដោយសារការទាត់បាល់ប៉េណាល់ទីសម្រេចក្តី ដូចគ្នា។
គ្រូបង្វឹករបស់ក្លិបភ្នំពេញក្រោនបានសម្តែងការសោកសា្តយ និងខកចិត្តយ៉ាងខ្លាំងដែលមិនអាចដឹកនាំក្រុមរបស់ខ្លួនឡើងទៅកាន់វគ្គផ្តាច់ព្រ័ត្រនៃពានរង្វាន់សម្តេច ហ៊ុន សែន ប្រចាំឆ្នាំ២០១៦ ក្រោយពីក្រុមនេះបានចាញ់ក្រុមព្រះខ័នរាជស្វាយរៀង ៣-២ ដោយការស៊ុតប៉េណាល់ទីនៅវគ្គពាក់កណ្តាលផ្តាច់ព្រ័ត្រ កាលម្សិលមិញនៅក្នុងពហុកីឡដ្ឋានជាតិ។
ជាមួយគ្នានេះ ការខកចិត្តមួយទៀតរបស់គ្រូបង្វឹកម្នាក់នេះ គឺប្រទេសស្វីសដែលជាប្រទេសកំណើតបានធ្លាក់ចេញពីពានរង្វាន់ EURO Cup ប្រចាំឆ្នាំ២០១៦ បន្ទាប់ពីចាញ់ក្រុមប៉ូឡូញ ៥-៤ ដោយការទាត់ប៉េណាល់ទីនៅវគ្គ១៦ក្រុមចុងក្រោយបន្ទាប់ពីក្រុមទាំងពីររក្សាលទ្ធផលស្មើ ១-១។ មានន័យថា ក្នុងរយៈពេល២សប្តាហ៍នេះគ្រូបង្វឹករបស់ក្លិបភ្នំពេញក្រោនត្រូវខកចិត្តទាំងនៅកម្ពុជា និងប្រទេសស្វីស ដោយសារការស៊ុតប៉េណាល់ទីដូចគ្នា។
នាសន្និសីទសារព័ត៌មានក្រោយបញ្ចប់ការប្រកួតកាលពីយប់មិញ លោក Sam Schweingruber គ្រូបង្វឹករបស់ក្លិបភ្នំពេញក្រោនបានបញ្ជាក់ថា៖«ខ្ញុំមានអារម្មណ៍សោកស្តាយយ៉ាងខ្លាំងចំពោះរឿងមួយចំនួនដែលយើងមិនអាចទទួលលទ្ធផលល្អ ខ្ញុំជាជនជាតិស្វីសខ្ញុំអន់ចិត្តពីព្រោះកាលពីសប្តាហ៍មុនស្វីសយើងចាញ់ប៉េណាល់ទីប៉ូឡូញម្តងហើយសប្តាហ៍នេះយើងចាញ់ប៉េណាល់ទីទៀត ខ្ញុំសោកស្តាយខ្លាំងមែនទែន»។
ទន្ទឹមនឹងការសោកស្តាយនេះដែរ គ្រូបង្វឹករូបនេះបានសរសើរចំពោះសមត្ថភាព និងទម្រង់លេងរបស់កូនក្រុមថា លេងបានល្អ និងមានកម្លាំងខ្លាំងដែលលេងរហូតដល់១២០នាទី មិនមានបញ្ហាអ្វីកើតឡើង។
ទោះបីជាក្រុមព្រះខ័នរាជស្វាយរៀងបានយកឈ្នះលើក្រុមភ្នំពេញក្រោនក៏ពិតមែន ប៉ុន្តែ លោក សំ វ៉ាន់ ដេត គ្រូបង្វឹករបស់ក្លិបស្វាយរៀងក៏សរសើរពីសមត្ថភាព និងទម្រង់លេងរបស់ភ្នំពេញក្រោន ព្រោះសម្រាប់ការប្រកួតជាមួយស្វាយរៀង ភ្នំពេញក្រោនបានដាក់កីឡាករ U19 ឲ្យចូលលេងជាច្រើនរូបនេះជាការបង្ហាញពីភាពខ្លាំងរបស់យុវជនថ្នាលរបស់ភ្នំពេញក្រោន ហើយលោកយល់ឃើញថាទៅថ្ងៃអនាគតភ្នំពេញក្រោននឹងក្លាយជាក្លិបមួយដ៏ខ្លាំងនៅកម្ពុជា។
គួរបញ្ជាក់ថា សម្រាប់ការប្រកួតកាលពីយប់មិញក្រុមព្រះខ័នរាជស្វាយរៀងបានយកឈ្នះលើក្រុមភ្នំពេញក្រោន ៣-២ ដោយការស៊ុតប៉េណាល់ទីនាំឲ្យក្រុមនេះឡើងទៅវគ្គផ្តាច់ព្រ័ត្រ ដើម្បីជួបប្រកួតជាមួយក្រុមក្រសួងការពារជាតិដែលយកឈ្នះក្រុមមជ្ឈមណ្ឌលកំចាត់មីនកម្ពុជា ៣-០ នៅវគ្គពាក់កណ្តាលផ្តាច់ព្រ័ត្រកាលពីយប់មិញ ដើម្បីប្រជែងដណ្តើមពានរង្វាន់សម្តេច ហ៊ុន សែន ប្រចាំឆ្នាំ២០១៦។ ការប្រកួតវគ្គផ្តាច់ព្រ័ត្រនឹងប្រព្រឹត្តទៅនៅថ្ងៃទី២ ខែកក្កដា ខាងមុខនេះ៕
គ្រូបង្វឹករបស់ក្លិបភ្នំពេញក្រោនបានសម្តែងការសោកសា្តយ និងខកចិត្តយ៉ាងខ្លាំងដែលមិនអាចដឹកនាំក្រុមរបស់ខ្លួនឡើងទៅកាន់វគ្គផ្តាច់ព្រ័ត្រនៃពានរង្វាន់សម្តេច ហ៊ុន សែន ប្រចាំឆ្នាំ២០១៦ ក្រោយពីក្រុមនេះបានចាញ់ក្រុមព្រះខ័នរាជស្វាយរៀង ៣-២ ដោយការស៊ុតប៉េណាល់ទីនៅវគ្គពាក់កណ្តាលផ្តាច់ព្រ័ត្រ កាលម្សិលមិញនៅក្នុងពហុកីឡដ្ឋានជាតិ។
ជាមួយគ្នានេះ ការខកចិត្តមួយទៀតរបស់គ្រូបង្វឹកម្នាក់នេះ គឺប្រទេសស្វីសដែលជាប្រទេសកំណើតបានធ្លាក់ចេញពីពានរង្វាន់ EURO Cup ប្រចាំឆ្នាំ២០១៦ បន្ទាប់ពីចាញ់ក្រុមប៉ូឡូញ ៥-៤ ដោយការទាត់ប៉េណាល់ទីនៅវគ្គ១៦ក្រុមចុងក្រោយបន្ទាប់ពីក្រុមទាំងពីររក្សាលទ្ធផលស្មើ ១-១។ មានន័យថា ក្នុងរយៈពេល២សប្តាហ៍នេះគ្រូបង្វឹករបស់ក្លិបភ្នំពេញក្រោនត្រូវខកចិត្តទាំងនៅកម្ពុជា និងប្រទេសស្វីស ដោយសារការស៊ុតប៉េណាល់ទីដូចគ្នា។
នាសន្និសីទសារព័ត៌មានក្រោយបញ្ចប់ការប្រកួតកាលពីយប់មិញ លោក Sam Schweingruber គ្រូបង្វឹករបស់ក្លិបភ្នំពេញក្រោនបានបញ្ជាក់ថា៖«ខ្ញុំមានអារម្មណ៍សោកស្តាយយ៉ាងខ្លាំងចំពោះរឿងមួយចំនួនដែលយើងមិនអាចទទួលលទ្ធផលល្អ ខ្ញុំជាជនជាតិស្វីសខ្ញុំអន់ចិត្តពីព្រោះកាលពីសប្តាហ៍មុនស្វីសយើងចាញ់ប៉េណាល់ទីប៉ូឡូញម្តងហើយសប្តាហ៍នេះយើងចាញ់ប៉េណាល់ទីទៀត ខ្ញុំសោកស្តាយខ្លាំងមែនទែន»។
ទន្ទឹមនឹងការសោកស្តាយនេះដែរ គ្រូបង្វឹករូបនេះបានសរសើរចំពោះសមត្ថភាព និងទម្រង់លេងរបស់កូនក្រុមថា លេងបានល្អ និងមានកម្លាំងខ្លាំងដែលលេងរហូតដល់១២០នាទី មិនមានបញ្ហាអ្វីកើតឡើង។
ទោះបីជាក្រុមព្រះខ័នរាជស្វាយរៀងបានយកឈ្នះលើក្រុមភ្នំពេញក្រោនក៏ពិតមែន ប៉ុន្តែ លោក សំ វ៉ាន់ ដេត គ្រូបង្វឹករបស់ក្លិបស្វាយរៀងក៏សរសើរពីសមត្ថភាព និងទម្រង់លេងរបស់ភ្នំពេញក្រោន ព្រោះសម្រាប់ការប្រកួតជាមួយស្វាយរៀង ភ្នំពេញក្រោនបានដាក់កីឡាករ U19 ឲ្យចូលលេងជាច្រើនរូបនេះជាការបង្ហាញពីភាពខ្លាំងរបស់យុវជនថ្នាលរបស់ភ្នំពេញក្រោន ហើយលោកយល់ឃើញថាទៅថ្ងៃអនាគតភ្នំពេញក្រោននឹងក្លាយជាក្លិបមួយដ៏ខ្លាំងនៅកម្ពុជា។
គួរបញ្ជាក់ថា សម្រាប់ការប្រកួតកាលពីយប់មិញក្រុមព្រះខ័នរាជស្វាយរៀងបានយកឈ្នះលើក្រុមភ្នំពេញក្រោន ៣-២ ដោយការស៊ុតប៉េណាល់ទីនាំឲ្យក្រុមនេះឡើងទៅវគ្គផ្តាច់ព្រ័ត្រ ដើម្បីជួបប្រកួតជាមួយក្រុមក្រសួងការពារជាតិដែលយកឈ្នះក្រុមមជ្ឈមណ្ឌលកំចាត់មីនកម្ពុជា ៣-០ នៅវគ្គពាក់កណ្តាលផ្តាច់ព្រ័ត្រកាលពីយប់មិញ ដើម្បីប្រជែងដណ្តើមពានរង្វាន់សម្តេច ហ៊ុន សែន ប្រចាំឆ្នាំ២០១៦។ ការប្រកួតវគ្គផ្តាច់ព្រ័ត្រនឹងប្រព្រឹត្តទៅនៅថ្ងៃទី២ ខែកក្កដា ខាងមុខនេះ៕
Tag:
បាល់ទាត់
Sam
Hun Sen Cup 2016
© រក្សាសិទ្ធិដោយ thmeythmey.com
