ពីនេះ ពីនោះ
របៀបប្រើប្រាស់ជើង«ត្ត» និងជើង«ដ្ដ» ដើម្បីកុំឲ្យច្រឡំគ្នា
× ភ្នំពេញ៖ ដោយហេតុថា មានករណីដោយឡែកខ្លះ ដែលពាក់ព័ន្ធទៅនឹងជើងអក្សរព្យញ្ជនៈខ្មែរយើង គឺជើង “ត្ត” និងជើង “ដ្ដ” មានរូបរាងដូចគ្នាអាចច្រឡំ ព្រោះការប្រើប្រាស់កន្លងមក ហាក់ដូចជាច្របូកច្របល់បន្តិច ។ ខាងក្រោមនេះគឺជាចំណុចគួរចងចាំជាមួយការប្រើប្រាស់ជើងទាំងពីរនេះ៖
នៅក្នុងក្បួនវេយ្យាករណ៍ខ្មែរ អ្នកប្រាជ្ញបានកំណត់យ៉ាងច្បាស់អំពីការប្រើប្រាស់ជើង(ត្ត) និងជើង(ដ្ដ)។ ចំពោះការប្រើប្រាស់ជើង «ត្ត» នៅពេលយកទៅផ្ញើពីក្រោមអក្សរ (ន) វាមានសំឡេងជាជើង(ត្ត)ទាំងអស់ដូចជា ប៉ុន្តែ, កន្តែរ៉ែ, កន្តាំង, អន្តរាយ, បន្តិចបន្តួច ។ល។
លើកលែងតែពាក្យ ៤ ម៉ាត់ចេញ ដែលជើង (ត្ត) យកទៅផ្ញើនឹង (ន) បែរជាមានសំឡេងជាជើង“ដ្ដ” នោះគឺពាក្យ សន្តោស, សន្តាន, ចិន្តា, អន្តរធាន ។ ប៉ុន្តែបើជើង (ត្ត) នៅផ្ញើ ពីក្រោមតួព្យញ្ជនៈ (ណ) វិញនោះ វាមានសំឡេងជា “ដ” វិញដូចជា សណ្តែក, សណ្ដាន់, កណ្ដៀវ, កណ្ដុរ, កណ្ដាល, អណ្តូង, អណ្តើក។ល។
ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)],ចំណុចវេយ្យាករណ៍
© រក្សាសិទ្ធិដោយ thmeythmey.com