ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ជើងឯកថ្នាក់ជាតិសីប៉ាក់តាក្រឆ្នាំនេះខេត្តព្រៃវែងគ្រងតំណែងក្របខណ្ឌក២ទាំងខ្លួនមិនមានគ្រូបង្វឹក
30, Jun 2016 ,
10:19 pm
រូបភាព
×
ដោយ:
ការប្រកួតកីឡាសីប៉ាក់តាក្រជ្រើសរើសជើងឯថ្នាក់ជាតិប្រចាំឆ្នាំ២០១៦ ដែលធ្វើឡើងនៅវិមានពហុកីឡដ្ឋានជាតិតាំងពីថ្ងៃទី២៥ ខែមិថុនា បានបញ្ចប់ដោយយ៉ាងជោគជ័យកាលពីព្រឹកមិញ ដោយក្រុមមន្ទីរអប់រំកាយ និងកីឡាខេត្តព្រៃវែង បានគ្រងដំណែងជើងឯកលើវិញ្ញាសាក្របខណ្ឌក២ទាំងខ្លួនមិនមានគ្រូបង្វឹក។ ការប្រកួតនេះមាន១៥ក្លិប និង៦ប្រភេទវិញ្ញាសាចូលរួម ដោយមានកីឡាករសរុបចំនួន៤០២នាក់។
ទោះបីជាបច្ចុប្បន្នក្រុមមន្ទីរអប់រំ យុវជន និងកីឡាខេត្តព្រៃវែង១ មិនមានគ្រូបង្វឹកប្រចាំក្លិបក៏ពិតមែន ប៉ុន្តែក្រុបនេះបានបង្ហាញភាពខ្លាំងរបស់ខ្លួនតាមរយៈការគ្រងដំណែងជើងឯកនៃការប្រកួតកីឡាសីប៉ាក់តាក្រជើងឯកថ្នាក់ជាតិប្រចាំឆ្នាំ២០១៦ លើវិញ្ញាសា២ទល់នឹង២ក្រមខណ្ឌក២(បុរស) និង៣ទល់៣ក្រមខណ្ឌក២(បុរស)។ ការគ្រងតំណែងនេះបន្ទាប់ពីក្រុមនេះបានយកឈ្នះក្រុមមន្ទីរអប់រំ យុវជន និងកីឡាខេត្តកណ្តាល១ និងក្រុមមន្ទីរអប់រំ យុវជន និងកីឡាខេត្តព្រៃវែង២ នៅវគ្គផ្តាច់ព្រ័ត្រ។
សម្រាប់ការប្រកួតជើងឯកថ្នាក់ជាតិឆ្នាំនេះក្លិបមន្ទីរអប់រំ យុវជន និងកីឡាខេត្តព្រៃវែង បានបញ្ជូន៧ក្រុមឲ្យចូលរួមហើយក្នុងចំណោមក្រុមទាំងនេះ មានក្របខណ្ឌក១ចំនួនមួយក្រុម ប៉ុន្តែមិនទទួលបានចំណាត់ថ្នាក់អ្វីនោះទេ ដោយសារកត្តាគ្រូបង្វឹក និងការឧបត្ថម្ភ។ គួរបញ្ជាក់ថា កាលពីឆ្នាំមុនសម្រាប់វិញ្ញាសាក្របខណ្ឌក២ ក្រុមនេះទទួលបានមេដាយមាស១គ្រឿង និងសំរឹទ្ធ១គ្រឿងផងដែរ។
ពាក់ព័ន្ធទៅនឹងបញ្ហានេះប្រធានប្រតិភូដឹកនាំក្រុមនេះបានបញ្ជាក់ថា៖«ខ្ញុំមានក្រមខណ្ឌក១មួយក្រុមដែរសម្រាប់ការចូលរួមលើកនេះ ប៉ុន្តែមិនទទួលបានចំណាត់ថ្នាក់អ្វីនោះទេ ដោយសារខ្វះគ្រូបង្វឹក និងខ្វះអ្នកឧបត្ថម្ភ។ ម្យ៉ាងទៀតដោយសារការហ្វឹកហាត់យើងតិចតួចមិនដូចកីឡាករអាជីព។ យើងដឹងហើយការប្រមូលផ្តុំរបស់យើងនៅតាមខេត្តទទួលបានការឧបត្ថម្ភតិចតួច ហើយប្រាក់បៀវត្សយើងអត់មានទេ ការចូលរួមហ្វឹកហាត់គឹជាការស្ម័គ្រចិត្តនោះទេ»។
លោកប្រធានប្រតិភូរូបនេះបានបន្ថែមថា ដើម្បីពង្រឹងសមត្ថភាព និងបច្ចេកទេកកីឡាករតាមបណ្តាខេត្តឲ្យកាន់តែរីកចម្រើនសម្រាប់ត្រៀមចូលរួមប្រកួតស៊ីហ្គេមឆ្នាំ២០២៣ ថ្នាក់ដឹកនាំក្រសួង ឬសហព័ន្ធគួរមានការបើកវគ្គបណ្តុះបណ្តាលតាមបណ្តាខេត្តតាមរយៈការបញ្ជូនគ្រូបង្វឹកល្អមកចែករំលែកនូវបទពិសោធន៍ ជាពិសេសការជួយផ្តល់ការឧបត្ថម្ភ ព្រោះតាំងពីដើមមកលោកមិនដែលឃើញថ្នាក់ដឹកនាំក្រសួង ឬសហព័ន្ធបញ្ជូនចុះមកបើកវគ្គបណ្តុះបណ្តាលនោះទេ។
ជាមួយគ្នានេះ លោក បានអំពាវនាវដល់ថ្នាក់ដឹកនាំក្រសួង ប្រធាននាយកដ្ឋានកីឡា និងថ្នាក់ដឹកនាំសហព័ន្ធ ជួយពង្រឹងថ្នាក់ខេត្តតាមរយៈការជួយឧបត្ថម្ភ ឬបើកវគ្គបណ្តុះបណ្តាលបច្ចេកទេសផ្សេងៗ។ ការអំពាវនាវបែបនេះដោយសារលោកគិតថា គ្រឹះរឹងមាំដោយសារថ្នាក់ក្រោមប្រសិនបើមានការចុះទៅពង្រឹងបែបនេះលោកគិតវិស័យកីឡាសីប៉ាក់តាក្រ និងកាន់តែរីកចម្រើន ជាពិសេសសំបូរទៅដោយធនធានល្អៗថែមទៀតផង។
ទន្ទឹមនឹងនេះ លោក មាស សារិន ប្រធានសហព័ន្ធកីឡាសីប៉ាក់តាក្របានមានប្រសាសន៍ថា លោកនឹងស្នើដាក់វិញ្ញាសាសីប៉ាក់តាក្រទៅក្នុងកម្មវិធីសិក្សារបស់ក្រសួងក្នុងឆ្នាំ២០១៧ ខាងមុខនេះ។ ហើយលោកនឹងបើកឲ្យមានវគ្គបណ្តុះបណ្តាលគ្រូបង្វឹកជាតិ និងអន្តរជាតិជាបន្តបន្ទាប់ចាប់ពីឆ្នាំ២០១៧ តទៅ ជាពិសេសគឺការចុះទៅពង្រឹងសមត្ថភាពបានបណ្តាខេត្តរហូតដល់ការប្រកួតស៊ីហ្គេមមកដល់។
លោកបានបន្ថែមថា ការលេងកីឡានាំមកនូវសុខភាពល្អទាំងផ្លូវកាយ និងចិត្ត សាមគ្គីភាព មិត្តភាព និងសេចក្តីថ្លៃថ្នូរ ជាពិសេសវាជួយជំរុញដល់សេដ្ឋកិច្ចសង្គមជាតិ និងសេដ្ឋកិច្ចគ្រួសារ ម្យ៉ាងទៀតវាជួយកាត់បន្ថយនូវភាពងសកម្មមួយចំនួននៅក្នុងសង្គមថែមទៀតផង។
គួរបញ្ជាក់ថា សម្រាប់ការប្រកួតជើងឯកថ្នាកជាតិសីប៉ាក់តាក្រប្រចាំឆ្នាំ២០១៦ ម្ចាស់ជើងឯកវិញ្ញាសា២នាក់ទល់២នាក់ផ្នែកនារីបានទៅក្រសួងការពារជាតិ ខណៈលេខ២ ព្រះខ័នរាជ១ និងលេខ៣ព្រះខ័នរាជ២។ វិញ្ញាសា៣នាក់ទល់៣នាក់នារីក្រសួងការពារជាតិទទួលបានចំណាត់ថ្នាក់លេខ១ ឬឯព្រះខ័នរាជលេខ២ និងមន្ទីរអប់រំ យុវជន និងកីឡាខេត្តកណ្តាលលេខ៣។
ចំណែកវិញ្ញាសា២នាក់ទល់២នាក់បុរសក្របខណ្ឌក២ម្ចាស់ជើងឯកបានទៅមន្ទីរអប់រំ យុវជន និងកីឡាខេត្តព្រៃវែង១ ខណៈលេខ២បានទៅមន្ទីរអប់រំ យុវជន និងកីឡាខេត្តកណ្តាល១ និងលេខ៣បានទៅមន្ទីរអប់រំ យុវជន និងកីឡាខេត្តព្រៃវែង២។ វិញ្ញាសា៣នាក់ទល់៣នាក់បុរសម្ចាស់ជើងឯកបានទៅមន្ទីរអប់រំ យុវជន និងកីឡាខេត្តព្រៃវែង១ ខណៈលេខ២បានទៅមន្ទីរអប់រំ យុវជន និងកីឡាខេត្តព្រៃវែង២ និងលេខ៣ ទន្លេបាសាក់៣។
ដោយឡែក វិញ្ញាសា២នាក់ទល់២នាក់បុរសក្របខណ្ឌក១ ម្ចាស់ជើងឯកបានទៅ ស្ថាបនា ភីអិលស៊ី ឬឯលេខ២ ក្រសួងការពារជាតិ និងលេខ៣ ព្រះខ័នរាជ។ វិញ្ញាសា៣នាក់ទល់៣បុរសក្របខណ្ឌក១ ជើងឯកបានទៅស្ថាបនាភីអិលស៊ី លេខ២ ព្រះខ័នរាជ និងលេខ៣ ក្រសួងការពារជាតិ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សីប៉ាក់តាក្រ
ជើងឯកថ្នាក់ជាតិសីប៉ាក់តាក្រឆ្នាំ២០១៦
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
3 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
4 ថ្ងៃ
តើពាក្យងារជា «សម្តេច» មានន័យដូចម្តេច?
17 ម៉ោង
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
7 ថ្ងៃ
តើពាក្យ «ដុតដៃដុតជើង» មានន័យដូចម្តេច?
6 ថ្ងៃ
អត្ថបទពេញនិយមបន្ថែម