កីឡាជាតិ
ជាតិ
អ៊ុំ សេរីរ័ត្ន មានឱកាសចែករំលែកបទពិសោធន៍ និងដឹកនាំបង្វឹកក្រុមកុមារក្រីក្រ
អ៊ុំ សេរីរ័ត្ន អ្នកចាំទីជម្រើសជាតិ និងក្លិបក្រសួងការពារជាតិ។ រូបថត FFC
×![]()
ដោយ: ថ្មីៗ
អ្នកចាំទីក្រុមកីឡាបាល់ទាត់ជម្រើសជាតិ អ៊ុំ សេរីរ័ត្ន ដែលលេងឲ្យក្លិបក្រសួងការពារជាតិ ទទួលបានតួនាទីជាទូតសុឆន្ទៈរបស់ក្រុមហ៊ុនមួយដែលមានឈ្មោះថា ភ្នំពេញស៊ីធីសេនធ័រ ក្នុង «កម្មវិធីចែករំលែកបទពិសោធន៍បាល់ទាត់» និង «កម្មវិធីប្រកួតពានរង្វាន់បាល់ទាត់អាយុក្រោម១៤ឆ្នាំសម្រាប់ក្មេងក្រីក្រ» ចាប់ពីខែកក្កដា ដល់ខែតុលា ខាងមុខ។
សម្រាប់តួនាទីជាទូតសុឆន្ទៈរបស់ក្រុមហ៊ុនភ្នំពេញស៊ីធីសេនធ័រ អ៊ុំ សេរីរ័ត្ន អាយុ២០ឆ្នាំ នឹងធ្វើការជ្រើសរើសយកកុមារអាយុក្រោម១៤ឆ្នាំចំនួន៧២នាក់ពីក្រុមនៅអង្គការក្រៅរដ្ឋាភិបាលចំនួន៤ និងសាលាបឋមសិក្សាចំនួន២នៅរាជធានីភ្នំពេញ ដើម្បីដឹកនាំបង្វឹកបង្ហាត់នូវបច្ចេកទេសមួលដ្ឋាន ក៏ដូចជាការចែករំលែកបទពិសោធន៍។
សម្រាប់ អ៊ុំ សេរីរ័ត្ន តួនាទីជាទូតសុឆន្ទៈ ផ្តល់ឱកាសដល់រូបគេក្នុងការចែករំលែកបទពិសោធន៍ទៅដល់ក្មេងៗ។ អ្នកចាំទីវ័យក្មេងរូបនេះ បានបន្ថែមថា៖ «ខ្ញុំនឹងផ្តល់ក្តីប្រាថ្នា ផ្តល់ក្តីសង្ឃឹម និងលើកទឹកចិត្តពួកគេ ឱ្យតស៊ូជម្នះការលំបាកក្នុងជីវិត»៕
Tag:
អ៊ុំ សេរីរ័ត្ន
© រក្សាសិទ្ធិដោយ thmeythmey.com
