ពីនេះ ពីនោះ
បើមច្ឆាសូន្យ កូនបានអី? រូបថតពី៖ ហ្វេសប៊ុកសម្ដេច ហ៊ុន សែន
× កំណាព្យបទ កាកគតិ
ដោយប៉ាកកាខ្មៅ
-ក្រឹមក្រាញ់រងគ្រោះ ឆ្លូញឆ្លាំងរបួស
អណ្តែងដាច់ព្រុយ ផ្ទោងផ្ទក់ចង្វា
កំពឹសងងុយ ពស់ដាច់កន្ទុយ
អន្ទង់សោកា។
-កង្កែបនៅស្ងៀម ខ្យងខ្ចៅមុខក្រៀម
មើលលៀសឈឺផ្សា អណ្តើកប្រឹងវារ
កន្ធាយដាច់ផ្ងារ ព្រោះតែមនុស្សា
ប្រព្រឹត្តខុសច្បាប់។
-បំផ្ទុះបំពុល អ្នកខ្លះងងុល
គេហាមមិនស្តាប់ គិតតែខ្លួនឯង
ឲ្យអ្នកក្រោយស្លាប់ អូសអួនឆក់ចាប់
សម្លាប់មច្ឆា។
-គួរគិតជាថ្មី បងប្អូនប្រុសស្រី
ក្រុងស្រែចម្ការ បើសិននេសាទ
គួរពិចារណា រក្សាមច្ឆា
កុំឲ្យសាបសូន្យ។
-ក្រុមអ្នកកាន់ច្បាប់ បង្ក្រាបចុះចាប់
កុំគិតបងប្អូន ឃុបឃិតគ្នាឯង
គួរអាណិតកូន បើមច្ឆាសូន្យ
កូនយើងបានអី?
© រក្សាសិទ្ធិដោយ thmeythmey.com