មេក្រូរបស់អ្នកយកព័ត៌មានដែលរ៉ូណាល់ដូគប់ចោល នឹងត្រូវដាក់ឲ្យដេញថ្លៃ

កីឡាជាតិ

អន្តរជាតិ

មេក្រូរបស់អ្នកយកព័ត៌មានដែលរ៉ូណាល់ដូគប់ចោល នឹងត្រូវដាក់ឲ្យដេញថ្លៃ

05, Jul 2016 , 9:19 am

រូបភាព

ដោយ: ធីតា

មេក្រូមួយក្លាយទៅជាវត្ថុមានតម្លៃ ដោយសារឆ្លងកាត់ដៃរបស់កីឡាករដ៏ល្បីល្បាញ គ្រីស្ទីណូ រ៉ូណាល់ដូ។ វានឹងត្រូវដាក់ឲ្យដេញថ្លៃក្នុងពេលឆាប់ៗនេះ។

នៅក្នុងអំឡុងពេលហ្វឹកហាត់នៅពហុកីឡដ្ឋានមួយដែលស្ថិតនៅជិតទីក្រុង Lyon ប្រទេសបារាំង សម្រាប់ព្រឹត្តិការណ៍បាល់ទាត់អឺរ៉ុប កាលពីពីរសប្តាហ៍មុន កីឡាករលំដាប់ពិភពលោក គ្រីស្ទីណូ រ៉ូណាល់ដូ បានបញ្ចេញកំហឹងរបស់ខ្លួន ដោយគ្រវែងមេក្រូរបស់អ្នកយកព័ត៌មានម្នាក់របស់ទូរទស្សន៍ជាតិប៉ទុយហ្កាល់ CMTV ដែលខំរត់មកសម្ភាសកីឡាករឆ្នើមរូបនេះ ចូលទៅក្នុងទឹកបឹង។ កាយវិការនេះគឺជាការប្រមាថចំពោះប៉ុស្តិ៍ទូរទស្សន៍ជាតិរបស់ខ្លួន ដែលបានបញ្ជូនអ្នកយកព័ត៌មាន ដើម្បីមកសាកសួរព័ត៌មានជុំវិញការរៀបចំខ្លួនរបស់ក្រុមកីឡាករជម្រើសជាតិប៉ទុយហ្កាល់ សម្រាប់ការប្រកួតដែលត្រូវប៉ះជាមួយនឹងប្រទេសហុងគ្រី។

ថវិកាដែលនឹងបានពីការលក់ដេញថ្លៃមេក្រូនេះនឹងត្រូវប្រគល់ជូនសមាគមជួយសង្គ្រោះកុមារនៃទីក្រុង Funchal ដែលជាទីកំណើតរបស់កីឡាករពាក់អាវលេខ ៧ នេះ៕

វីដេអូ