លោក ខៀវ កាញារីទ្ធ ហាមទូរទស្សន៍ និងវិទ្យុ ផ្សាយបទ ស៊ីបានចេះតែស៊ីទៅ និងបទ ទាល់តែយូរទើបស៊ីអូនបាន

ជាតិ

លោក ខៀវ កាញារីទ្ធ ហាមទូរទស្សន៍ និងវិទ្យុ ផ្សាយបទ ស៊ីបានចេះតែស៊ីទៅ និងបទ ទាល់តែយូរទើបស៊ីអូនបាន

07, Jul 2016 , 10:42 am

រូបភាព

ដោយ:

ក្រោយមហាជនរិះគន់យ៉ាងចាស់ដៃនូវបទចម្រៀងពីបទ ដែលទើបចេញថ្មី គឺបទ «ស៊ីបានចេះតែស៊ីទៅ» និងបទ «ទាល់តែយូរទើបស៊ីអូនបាន» លោករដ្ឋមន្ត្រីក្រសួងព័ត៌មាន បានចេញបម្រាមមិនឲ្យបណ្តាម្ចាស់ស្ថានីយ៍ទូរទស្សន៍ និងវិទ្យុទាំងអស់ ចាក់ផ្សាយបទចម្រៀងទាំងនេះ។

រដ្ឋមន្ត្រីក្រសួងព័ត៌មានលោក ខៀវ កាញារីទ្ធ នៅមិនស្ងៀមនោះទេ ក្រោយពីប្រជាជនខ្មែររិះគន់មិនសំចៃមាត់នូវបទចម្រៀងពីរបទ ដែលមានចំណងជើងថា «ស៊ីបានចេះតែស៊ីទៅ» ច្រៀងដោយលោក កែវ វាសនា និងបទ «ទាល់តែយូរទើបស៊ីអូនបាន» ច្រៀងដោយ កញ្ញា ម៉ាលីស។ លោករដ្ឋមន្ត្រី បានចេញសេចក្តីជូនដំណឹងចុះថ្ងៃទី ៦ ខែកក្កដា ដោយប្រាប់ដល់បណ្តាម្ចាស់ស្ថានីយ៍ទូរទស្សន៍ និងវិទ្យុ ទាំងអស់បញ្ឈប់ការចាក់ផ្សាយនូវបទចម្រៀងទាំងពីរបទនេះ ចាប់ពីថ្ងៃនេះតទៅ។

សេចក្តីជូនដំណឹងរបស់លោករដ្ឋមន្ត្រីពន្យល់ថា បទចម្រៀងទាំងពីរបទនេះ មានផលប៉ះពាល់ខ្លាំងដល់តម្លៃវប្បធម៌ជាតិ និងអត្ថន័យប្រាសចាកសីលធម៌ខ្មែរធ្ងន់ៗធ្ងរ។ ហើយជាងនេះទៅទៀត បទចម្រៀងទាំងពីរនេះ ពុំបានបង្កប់នូវអត្ថន័យល្អៗ ដែលមានប្រយោជន៍ដល់ការលើកកម្ពស់ការអប់រំសីលធម៌សង្គមនោះទេ៕