ពីនេះ ពីនោះ
ពាក្យ«លឺ»ប្រែថា«អ្នក» ចំណែកពាក្យ«ឮ»ទើបមានន័យថា«ចាប់យកសូរសព្ទ»
×![]()
ដោយ: ថ្មីៗ
ភ្នំពេញ៖ នៅក្នុងការសរសេរពាក្យថា «ឮ» តែងតែត្រូវបានសាធារណជនសរសេរខុស ដោយពាក្យ«លឺ»ជំនួស។ តែតាមការពិតពាក្យថា«លឺ»មិនមែនសំដៅការទទួលបានសំឡេង ដូចអ្វីដែលសាធារណជនសរសេរកន្លងមកនោះឡើយ។ ចំណែកនៅក្នុងវចនានុក្រម សម្ដេចព្រះសង្ឃរាជ ជួន ណាត បានពន្យល់ពាក្យទាំងនេះដូចខាងក្រោម៖
ពាក្យ«លឺ» មានន័យថា អ្នកជាពាក្យសម្រាប់និយាយក្នុងទីចំពោះមុខទៅរកចិនសុទ្ធ(ចិនឆៅ)។ ឧទាហរណ៍ លឺមកមានការអ្វី? = អ្នកមកមានការអ្វី?
ចំណែក ពាក្យ«ឮ» ជាស្រៈសំស្ក្រឹត ជាទីឃៈ(អ.ថ.លឺ) ជាទន្តជៈមានសំឡេងកើតត្រង់ប្រទល់ធ្មេញ(ដូច ល ដែរ)។ ពាក្យនេះមានថ្នាក់ពាក្យជាកិរិយាសព្ទ មានន័យថា ចាប់យកសូរសព្ទបានឬបានដឹងសូរសព្ទដោយ សោត្រប្រសាទៈ ឮគេនិយាយគ្នា ឮដំណឹង ផ្គរលាន់ឮខ្លាំង ឮឈ្មោះ ឮសូរជជែកប្រកែកគ្នា។ល។
ហេតុនេះ ចំពោះអ្នកដែលធ្លាប់សរសេរពាក្យ«លឺ» ក្នុងន័យថា ចាប់បានសូរសព្ទអ្វីមួយ គួរឈប់សរសេរ ហើយបែរមកសរសេរពាក្យ«ឮ» វិញទើបត្រឹមត្រូវ៕
ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)],ចំណុចវេយ្យាករណ៍
© រក្សាសិទ្ធិដោយ thmeythmey.com
