ជាតិ
សង្គមជាតិ
តើការកាន់ព្រះពុទ្ធសាសនា នាំឲ្យប្រជាជនខ្មែរក្រឬ?
× មតិមួយចំនួន បានលើកឡើងថា មូលហេតុដែលនាំឲ្យប្រជាជនខ្មែរក្រ ដោយសារតែប្រជាជនខ្មែរភាគច្រើនគោរពព្រះពុទ្ធសាសានា។ តែព្រះតេជគុណ សាន សុជា ធម្មថិកដ៏ល្បីនៅកម្ពុជា បានបដិសេធនឹងទស្សនៈនេះ។ ព្រះអង្គមានថេរដីកាថា រឿងពលរដ្ឋខ្មែរក្រ មិនមែនមកពីកត្តាកាន់សាសនានោះទេ តែវាអាស្រ័យទៅលើបុគ្គលម្នាក់ៗខ្លួនឯងផ្ទាល់។ ព្រះអង្គ បានលើកពីព្រះពុទ្ធដីកាថា បុគ្គលប្រឹងប្រែងធ្វើការងារ ដោយមិនប្រើលេសថា ក្តៅពេក ត្រជាក់ពេក ឬពិបាកពេក ពោលគឺប្រឹងឲ្យអស់ពីសមត្ថភាព អ្នកនោះនឹងអាចរកទ្រព្យបានមិនខាន។
លើសពីនេះទៅទៀត ធម្មកថិកអង្គនេះ ក៏បន្ថែមថា ព្រះពុទ្ធជាម្ចាស់មិនដែលបង្រៀនឲ្យមនុស្ស ឬពុទ្ធបរិស័ទចាំតែទៅបន់ស្រន់ ដើម្បីបានទ្រព្យនោះឡើយ តែព្រះពុទ្ធបង្រៀនឲ្យខំប្រឹងប្រែងធ្វើការ។ ព្រះតេជគុណសាន សុជា មានដីកាថា ពលរដ្ឋខ្មែរខ្លះ សមតែក្រទេ ពីព្រោះមួយថ្ងៃៗ ពួកគេគ្មានធ្វើការងារអ្វី ក្រៅតែពីលេងតែបៀ និងជល់មាន់។
សូមទស្សនា និងស្តាប់ការពន្យល់របស់ព្រះតេជគុណ សាន សុជា ខាងក្រោម៖
Tag:
សាន សុជា
ធម៌
ព្រះពុទ្ធ
© រក្សាសិទ្ធិដោយ thmeythmey.com