លោក ឡុង បូរ៉ារិទ្ធិ ឱប«ចាប៉ី»ដូចឱបប្រពន្ធ

ជាតិ

បទសម្ភាសន៍

សង្គមជាតិ

លោក ឡុង បូរ៉ារិទ្ធិ ឱប«ចាប៉ី»ដូចឱបប្រពន្ធ

18, Jul 2016 , 10:00 am

រូបភាព

ដោយ: ខន ចំប៉ា

លោក ឡុង បូរ៉ារិទ្ធិ គឺជាវិស្វករអេឡិចត្រូនិក និងអគ្គិសនីមួយរូប ដែលបម្រើការងារនៅ ធនាគារជាតិនៃកម្ពុជា។ ព្រោះតែស្រឡាញ់ ចាប់ចិត្តនឹងឧបករណ៍ចាប៉ីដងវែង លោកបានច្នៃឧបករណ៍បុរាណខ្មែរមួយនេះ ដោយបំពាក់អេឡិចត្រូនិក។ ចាប៉ីអេឡិកត្រូនិកនេះ នឹងស្រូបសំឡេង១០០ភាគរយ ចេញពីឧកបរណ៍ភ្លេងបុរាណខ្មែរមួយនេះ ដូចឧបករណ៍របស់បស្ចិមប្រទេសដែរ។

លោក ឡុង បូរ៉ារិទ្ធិ បញ្ជាក់ប្រាប់សារព័ត៌មានថ្មីៗដោយមិនលាក់លៀមថា លោកស្រឡាញ់ឧបករណ៍«ចាប៉ី» ដូចប្រពន្ធអីចឹង។

បន្ទាប់ពីជោគជ័យក្នុងការផលិត និងច្នៃឧបករណ៍ចាប៉ី ភ្ជាប់អេឡិកត្រូនិកហើយ បុរសវ័យ៣៦ឆ្នាំរូបនេះ គ្រោងច្នៃឧបករណ៍ភ្លេងបុរាណខ្មែរផ្សេងទៀត ឲ្យទៅជាអេឡិចត្រូនិកដូចគ្នាដែរ។ បន្ថែមពីនោះ លោក បូរ៉ារិទ្ធិ នឹងចងក្រងជាឯកសារស្តីពី របៀបបង្កើតចាប៉ីអេឡិកត្រូនិក ផងដែរ ដើម្បីទុកឲ្យអ្នកជំនាន់ក្រោយ។