ជាតិ
សិស្សសាលារៀន អន្តរទ្វីប អាមេរិកាំង ស្វែងយល់វិធីបង្ការ ជំងឺមហារីកមាត់ស្បូនពីក្រុមហ៊ុនជីអេសខេ (GSK)
×![]()
ដោយ: ថ្មីៗ
សាលារៀន អន្តរទ្វីប អាមេរិកាំង បានសហការជាមួយក្រុមហ៊ុនជីអេសខេ (GSK) បើកសិក្ខាសាលាស្តីពីការបង្ការជំងឺមហារីកមាត់ស្បូន ជូនដល់សិស្សថ្នាក់ទី១០ និងទី១១ ចំនួន៦៨០នាក់ នៅសាខាម៉ៅសេទុង (ការិយាល័យកណ្តាល) និងសាខាទួលគោក រយៈពេលពីរថ្ងៃកាលពីចុងសប្តាហ៍កន្លងទៅថ្មីៗនេះ។
លោកស្រី សាឯម កម្រង ប្រធានចាងហ្វាងសាលាសាខាទួលគោក បានឱ្យអ្នកយកព័ត៌មានដឹងថា សិក្ខាសាលានេះត្រូវបានសហការរៀបចំឡើងក្នុងគោលបំណងដើម្បីឱ្យសិស្សានុសិស្សបានយល់ដឹងបន្ថែមលើបញ្ហាសុខភាពស្ត្រី និងមានបម្រុងប្រយ័ត្ន ជាពិសេសគឺដឹងច្បាស់ពីវិធីបង្កាទុកជាមុនចំពោះជំងឺមហារីកដ៏កាចសាហាវ និងគ្មានថ្នាំព្យាបាលនេះ។ លោកស្រីបានលើកឡើងថា បច្ចុប្បន្នស្ត្រីមួយចំនួននៅមានភាពខ្មាសអៀន និងមិនក្លាហានចំពោះការទៅពិនិត្យបញ្ហារោគស្ត្រីផ្ទាល់ខ្លួននៅមន្ទីរពេទ្យ តែផ្ទុយទៅវិញការទៅពិនិត្យសុខភាពឱ្យបានទៀងទាត់ គឺជាវិធីសាស្ត្រដ៏សំខាន់បំផុតក្នុងការទប់ស្កាត់នូវហានិភ័យចំពោះសុខភាព ហើយថែមទាំងកាត់បន្ថយការចំណាយព្យាបាល មានវិធានការទាន់ពេល ចំណេញពេលវេលា ទទួលបានសុខភាពល្អ ពោលគឺការពារប្រសើរបំផុតជាងព្យាបាល។ លោកស្រីបានអរគុណផងដែរចំពោះក្រុមហ៊ុនជីអេសខេ ដែលកន្លងមកបានសហការរៀបចំសិក្ខាសាលាជាឧត្តមប្រយោជន៍ដ៏ល្អបំផុតសម្រាប់សុខភាពសិស្សានុសិស្ស និងគ្រួសារ ហើយសង្ឃឹមថាក្រុមហ៊ុននឹងបន្តសហការរៀបចំសិក្ខាសាលាទាក់ទងនឹងសុខភាពផ្សេងៗទៀតដល់សិស្សានុសិស្ស លោកគ្រូ អ្នកគ្រូ ក៏ដូចជាបុគ្គលិកសិក្សា។
លោកស្រីវេជ្ជបណ្ឌិត អែល បូរ៉ាវី អ្នកគ្រប់គ្រងផ្នែកកិច្ចការវេជ្ជសាស្ត្រក្រុមហ៊ុន និងជាវាគ្មិនបានបង្ហាញដល់សិស្សានុសិស្សថា ជំងឺមហារីកមាត់ស្បូនគឺជាជំងឺកាចសាហាវបំផុតដែលជាប់ចំណាត់ថ្នាក់លេខ២ ក្នុងចំណោមជំងឺមហារីកដែលបានកើតលើស្ត្រីនៅលើពិភពលោក និងជាប់លេខ១ នៅប្រទេសកំពុងអភិវឌ្ឍ។ ជំងឺមហារីកមាត់ស្បូនជាឃាតករសម្ងាត់សម្លាប់ជីវិតស្ត្រី។ នៅរៀងរាល់២នាទីម្តងមានស្ត្រីម្នាក់ត្រូវសម្លាប់ដោយសារជំងឺមហារីកនេះ។ វាបង្កឡើងដោយវីរុស HPV (Human Papilloma Virus) ដែលអាចកើតលើស្ត្រីគ្រប់វ័យ។ មូលហេតុចម្បងនៃជំងឺនេះគឺបណ្តាលមកពីកត្តា ការរួមភេទមានដៃគូច្រើន ឬនៅវ័យក្មេងពេក ការមានជំងឺកាមរោគ ឬជំងឺអេដស៍ ការជក់បារី ស្ដ្រីដែលចូលចិត្ដទទួលទានស្រាច្រើនហួសកម្រិត ការប្រើថ្នាំគ្រាប់ពន្យារកំណើតយូរអង្វែង កង្វះអាហារូបត្ថម្ភ ការមិនបានចាក់វ៉ាក់សាំងប្រឆាំងនឹងមេរោគ និងមិនបានទៅពិនិត្យមាត់ស្បូនឱ្យបានទៀងទាត់។ លោកស្រីវេជ្ជបណ្ឌិតបានបញ្ជាក់ថា ជំងឺមហារីកមាត់ស្បូនមិនមែនជាជំងឺតំណពូជឡើយ តែវាអាចចម្លងតាមរយៈស្បែកប៉ះនឹងស្បែកមានមេរោគរបស់សមាជិកគ្រួសារជាស្ត្រីដែលមានជំងឺរស់នៅផ្ទះជាមួយគ្នា ហើយអាចការពារបានដោយទៅពិនិត្យមាត់ស្បូនឱ្យបានទៀងទាត់ និងចាក់វ៉ាក់សាំងបង្ការជំងឺនេះ។ ចំពោះអ្នកកើតជំងឺមហារីកមាត់ស្បូននេះវិញ ត្រូវចំណាយថវិកាច្រើនក្នុងថែទាំ ហើយអត្រានៃការស្លាប់មានកម្រិតខ្ពស់។ ដំណាក់កាលនៃជំងឺមហារីមាត់ស្បូនរីករាលដាលជាការស៊ីរាលដាលទៅសរីរាងផ្សេងៗដែលនៅក្បែរនោះ ហើយធ្វើឱ្យអ្នកជំងឺទទួលរងនូវទុក្ខវេទនាសព្វបែបយ៉ាងដោយសារតែជំងឺនេះរីករាលដាលកាន់តែខ្លាំងឡើងៗ។ នៅដំណាក់កាលនេះ ការព្យាបាលគឺគ្មានប្រសិទ្ធិភាពឡើយ ដោយគ្រាន់តែអាចប្រើប្រាស់ថ្នាំសម្រាប់ពន្យារអាយុជីវិតរយៈពេលខ្លីតាមទំហំនៃដុំមហារីកតែប៉ុណ្ណោះ។
ដូចនេះ ស្ត្រីដែលមានអាយុចាប់ពី៩ឆ្នាំឡើង ស្ត្រីនៅលីវ ជាពិសេសស្ត្រីជាភរិយាគ្រប់រូបគប្បីមានការប្រុងប្រយ័ត្នចំពោះជំងឺមហារីកមាត់ស្បូន ត្រូវទៅពិនិត្យមាត់ស្បូនធ្វើតេស្តរកមេរោគ HPV ឬចាក់វ៉ាក់សាំងបង្ការជំងឺនេះនៅមន្ទីរពេទ្យជំនាញឱ្យបានត្រឹមត្រូវ និងទៀងទាត់តាមការណែនាំ ព្រោះការព្យាបាលជំងឺមហារីកមាត់ស្បូនអាចមានប្រសិទ្ធភាពជាដាច់បានប្រសិនបើស្ដ្រីទៅតាមដានជំងឺនៅមុនដំណាក់កាលឈានដល់ការកើតមហារីកនេះបានទាន់ពេលវេលា៕
(អត្ថបទសាលា)
លោកស្រី សាឯម កម្រង ប្រធានចាងហ្វាងសាលាសាខាទួលគោក បានឱ្យអ្នកយកព័ត៌មានដឹងថា សិក្ខាសាលានេះត្រូវបានសហការរៀបចំឡើងក្នុងគោលបំណងដើម្បីឱ្យសិស្សានុសិស្សបានយល់ដឹងបន្ថែមលើបញ្ហាសុខភាពស្ត្រី និងមានបម្រុងប្រយ័ត្ន ជាពិសេសគឺដឹងច្បាស់ពីវិធីបង្កាទុកជាមុនចំពោះជំងឺមហារីកដ៏កាចសាហាវ និងគ្មានថ្នាំព្យាបាលនេះ។ លោកស្រីបានលើកឡើងថា បច្ចុប្បន្នស្ត្រីមួយចំនួននៅមានភាពខ្មាសអៀន និងមិនក្លាហានចំពោះការទៅពិនិត្យបញ្ហារោគស្ត្រីផ្ទាល់ខ្លួននៅមន្ទីរពេទ្យ តែផ្ទុយទៅវិញការទៅពិនិត្យសុខភាពឱ្យបានទៀងទាត់ គឺជាវិធីសាស្ត្រដ៏សំខាន់បំផុតក្នុងការទប់ស្កាត់នូវហានិភ័យចំពោះសុខភាព ហើយថែមទាំងកាត់បន្ថយការចំណាយព្យាបាល មានវិធានការទាន់ពេល ចំណេញពេលវេលា ទទួលបានសុខភាពល្អ ពោលគឺការពារប្រសើរបំផុតជាងព្យាបាល។ លោកស្រីបានអរគុណផងដែរចំពោះក្រុមហ៊ុនជីអេសខេ ដែលកន្លងមកបានសហការរៀបចំសិក្ខាសាលាជាឧត្តមប្រយោជន៍ដ៏ល្អបំផុតសម្រាប់សុខភាពសិស្សានុសិស្ស និងគ្រួសារ ហើយសង្ឃឹមថាក្រុមហ៊ុននឹងបន្តសហការរៀបចំសិក្ខាសាលាទាក់ទងនឹងសុខភាពផ្សេងៗទៀតដល់សិស្សានុសិស្ស លោកគ្រូ អ្នកគ្រូ ក៏ដូចជាបុគ្គលិកសិក្សា។
លោកស្រីវេជ្ជបណ្ឌិត អែល បូរ៉ាវី អ្នកគ្រប់គ្រងផ្នែកកិច្ចការវេជ្ជសាស្ត្រក្រុមហ៊ុន និងជាវាគ្មិនបានបង្ហាញដល់សិស្សានុសិស្សថា ជំងឺមហារីកមាត់ស្បូនគឺជាជំងឺកាចសាហាវបំផុតដែលជាប់ចំណាត់ថ្នាក់លេខ២ ក្នុងចំណោមជំងឺមហារីកដែលបានកើតលើស្ត្រីនៅលើពិភពលោក និងជាប់លេខ១ នៅប្រទេសកំពុងអភិវឌ្ឍ។ ជំងឺមហារីកមាត់ស្បូនជាឃាតករសម្ងាត់សម្លាប់ជីវិតស្ត្រី។ នៅរៀងរាល់២នាទីម្តងមានស្ត្រីម្នាក់ត្រូវសម្លាប់ដោយសារជំងឺមហារីកនេះ។ វាបង្កឡើងដោយវីរុស HPV (Human Papilloma Virus) ដែលអាចកើតលើស្ត្រីគ្រប់វ័យ។ មូលហេតុចម្បងនៃជំងឺនេះគឺបណ្តាលមកពីកត្តា ការរួមភេទមានដៃគូច្រើន ឬនៅវ័យក្មេងពេក ការមានជំងឺកាមរោគ ឬជំងឺអេដស៍ ការជក់បារី ស្ដ្រីដែលចូលចិត្ដទទួលទានស្រាច្រើនហួសកម្រិត ការប្រើថ្នាំគ្រាប់ពន្យារកំណើតយូរអង្វែង កង្វះអាហារូបត្ថម្ភ ការមិនបានចាក់វ៉ាក់សាំងប្រឆាំងនឹងមេរោគ និងមិនបានទៅពិនិត្យមាត់ស្បូនឱ្យបានទៀងទាត់។ លោកស្រីវេជ្ជបណ្ឌិតបានបញ្ជាក់ថា ជំងឺមហារីកមាត់ស្បូនមិនមែនជាជំងឺតំណពូជឡើយ តែវាអាចចម្លងតាមរយៈស្បែកប៉ះនឹងស្បែកមានមេរោគរបស់សមាជិកគ្រួសារជាស្ត្រីដែលមានជំងឺរស់នៅផ្ទះជាមួយគ្នា ហើយអាចការពារបានដោយទៅពិនិត្យមាត់ស្បូនឱ្យបានទៀងទាត់ និងចាក់វ៉ាក់សាំងបង្ការជំងឺនេះ។ ចំពោះអ្នកកើតជំងឺមហារីកមាត់ស្បូននេះវិញ ត្រូវចំណាយថវិកាច្រើនក្នុងថែទាំ ហើយអត្រានៃការស្លាប់មានកម្រិតខ្ពស់។ ដំណាក់កាលនៃជំងឺមហារីមាត់ស្បូនរីករាលដាលជាការស៊ីរាលដាលទៅសរីរាងផ្សេងៗដែលនៅក្បែរនោះ ហើយធ្វើឱ្យអ្នកជំងឺទទួលរងនូវទុក្ខវេទនាសព្វបែបយ៉ាងដោយសារតែជំងឺនេះរីករាលដាលកាន់តែខ្លាំងឡើងៗ។ នៅដំណាក់កាលនេះ ការព្យាបាលគឺគ្មានប្រសិទ្ធិភាពឡើយ ដោយគ្រាន់តែអាចប្រើប្រាស់ថ្នាំសម្រាប់ពន្យារអាយុជីវិតរយៈពេលខ្លីតាមទំហំនៃដុំមហារីកតែប៉ុណ្ណោះ។
ដូចនេះ ស្ត្រីដែលមានអាយុចាប់ពី៩ឆ្នាំឡើង ស្ត្រីនៅលីវ ជាពិសេសស្ត្រីជាភរិយាគ្រប់រូបគប្បីមានការប្រុងប្រយ័ត្នចំពោះជំងឺមហារីកមាត់ស្បូន ត្រូវទៅពិនិត្យមាត់ស្បូនធ្វើតេស្តរកមេរោគ HPV ឬចាក់វ៉ាក់សាំងបង្ការជំងឺនេះនៅមន្ទីរពេទ្យជំនាញឱ្យបានត្រឹមត្រូវ និងទៀងទាត់តាមការណែនាំ ព្រោះការព្យាបាលជំងឺមហារីកមាត់ស្បូនអាចមានប្រសិទ្ធភាពជាដាច់បានប្រសិនបើស្ដ្រីទៅតាមដានជំងឺនៅមុនដំណាក់កាលឈានដល់ការកើតមហារីកនេះបានទាន់ពេលវេលា៕
(អត្ថបទសាលា)
© រក្សាសិទ្ធិដោយ thmeythmey.com
