ជាតិ
សង្គមជាតិ
កម្ពុជាជួយសង្គ្រោះពលករខ្មែរ ៣នាក់ ពីប្រទេសម៉ាឡេស៊ី
× ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានជួយអន្តរាគមន៍ឲ្យពលការិនីខ្មែរ ចំនួន០៣រូប អោយបានវិលត្រឡប់មកកម្ពុជាវិញ។
ក្រសួងការបរទេស និងសហប្រតិបត្តិការអន្តរជាតិ បានបញ្ជាក់ឲ្យដឹងថាពលការិនីដែលចាញ់បោកមេខ្យល់ ០៣រូប នឹងមកដល់អាកាសយានដ្ឋានអន្តរជាតិភ្នំពេញ នៅថ្ងៃទី២២ ខែ កក្កដានេះ តាមជើងយន្តហោះAK៥៣៤ វេលាម៉ោង១៥:៥៥នាទី ។
ពលការិនីខ្មែរទាំង បីនាក់នេះ ត្រូវបានចាញ់បោកមេខ្យល់ តាមរយៈក្រុមហ៊ុន BCLS នៅកម្ពុជា និង ក្រុមហ៊ុន Jaya Baru នៅប្រទេសម៉ាឡេស៊ី ឲ្យទៅធ្វើការជាអ្នកបោសសំអាត បម្រើការតាមផ្ទះ នៅក្នុងប្រទេសម៉ាឡេស៊ី។
ក្រោមមានការអន្តរាគមន៍ ពីស្ថានទូតកម្ពុជាប្រចាំប្រទេសម៉ាឡេស៊ីថៅកែ របស់ពលការិនីទាំងបីរូប បានយល់ព្រមបើកប្រាក់ខែ ប្រគលលិខិតឆ្លងដែន ផ្តល់សំបុត្រយន្តហោះ និងបង់ពិន័យឲ្យការិយាល័យអន្តោប្រវេសន៍ម៉ាឡេស៊ី ជូនពលការនីទាំងបីរូបនេះ៕
© រក្សាសិទ្ធិដោយ thmeythmey.com