ជាតិ
ដោយ: ថ្មីៗ
ពលករខ្មែរខុសច្បាប់ចំនួន ១២៩នាក់ ដែលស្នាក់នៅនិងធ្វើការងារក្នុងប្រទេសថៃ ត្រូវបាន តម្រួតថៃ បញ្ជូនមកប្រទេសកម្ពុជាតាមច្រកអន្តរជាតិដូង ស្រុកកំរៀង ខេត្តបាត់ដំបង។
បើតាមអគ្គស្នងការរដ្ឋាននបាលជាតិ ពលករខ្មែរ ដែលធ្វើចំណាក់ស្រុកខុសច្បាប់ ដោយពុំមានលិខិតឆ្លងដែន និងគ្មានលិខិតស្នាមត្រឹមត្រូវទៅប្រទេសថៃចំនួន ១២៩នាក់ ត្រូវបានតម្រួតថៃបញ្ជូនមកកម្ពុជាវិញ កាលពីរសៀលថ្ងៃទី២២ ខែកក្កដា ឆ្នាំ២០១៦។
អគ្គស្នងការរដ្ឋាននគរបាលជាតិ បានបញ្ជាក់ផងដែរថា ពលករខ្មែរដែលធ្វើដំណើរឆ្លងដែន ទៅរកការងារធ្វើនៅប្រទេសថៃខុសច្បាប់ ភាគច្រើនធ្វើដំណើរ តាមច្រករបៀងក្នុងភូមិសាស្ត្រខេត្តបាត់ដំបង និងខេត្តបន្ទាយមានជ័យ ដោយមានការឃុបឃិតគ្នាជាមួយសមត្ថកិច្ចការពារព្រំដែនទាំងកម្ពុជានិងថៃ។ ចំពោះការធ្វើចំណាកស្រុកខុសច្បាប់នេះ ពលករខ្មែរតែងតែប្រឈមគ្រោះថ្នាក់ ដូចជា ត្រូវចាញ់បោកការជួញដូរមនុស្ស និងកម្លាំងពលកម្មពីសំណាក់មេខ្យល់ខ្មែរ។ បន្ថែមពីនេះ គឺមានការប្រឈមនិងការចាប់ដាក់គុក ធ្វើទារុណកម្ម និងបាញ់សម្លាប់ ពីសមត្ថកិច្ចថៃផងដែរ។
ក្រោយតម្រួតថៃបញ្ជូនមកកម្ពុជាវិញនោះ ពលករខ្មែរទាំង ១២៩នាក់ នេះត្រូវបានអាជ្ញាធរកម្ពុជា ដែលឈរជើងនៅច្រកអន្តរជាតិដូងបានណែនាំ និងសុំឲ្យបញ្ឈប់ការធ្វើដំណើរទាំងប្រថុយប្រថានទៅរកការងារធ្វើក្នុងប្រទេសថៃខុសច្បាប់តទៅទៀត ។
កាលពីថ្ងៃទី៦ ខែកក្ដដាកន្លងមក ក៏មានពលករខ្មែរចំនួន ១៥៣នាក់ ត្រូវបានតម្រួតថៃបញ្ជូនមកកម្ពុជាតាមច្រកអន្តរជាតិដូង ស្រុកកំរៀងផងដែរ ក្រោយពីអាជ្ញាធរថៃ បានចាប់ផ្ដើមពង្រឹង ត្រួតពិនិត្យលើពលករចំណាកស្រុកខុសច្បាប់ ដែលទៅរស់នៅ និងធ្វើការងារក្នុងប្រទេសថៃ ៕
បើតាមអគ្គស្នងការរដ្ឋាននបាលជាតិ ពលករខ្មែរ ដែលធ្វើចំណាក់ស្រុកខុសច្បាប់ ដោយពុំមានលិខិតឆ្លងដែន និងគ្មានលិខិតស្នាមត្រឹមត្រូវទៅប្រទេសថៃចំនួន ១២៩នាក់ ត្រូវបានតម្រួតថៃបញ្ជូនមកកម្ពុជាវិញ កាលពីរសៀលថ្ងៃទី២២ ខែកក្កដា ឆ្នាំ២០១៦។
អគ្គស្នងការរដ្ឋាននគរបាលជាតិ បានបញ្ជាក់ផងដែរថា ពលករខ្មែរដែលធ្វើដំណើរឆ្លងដែន ទៅរកការងារធ្វើនៅប្រទេសថៃខុសច្បាប់ ភាគច្រើនធ្វើដំណើរ តាមច្រករបៀងក្នុងភូមិសាស្ត្រខេត្តបាត់ដំបង និងខេត្តបន្ទាយមានជ័យ ដោយមានការឃុបឃិតគ្នាជាមួយសមត្ថកិច្ចការពារព្រំដែនទាំងកម្ពុជានិងថៃ។ ចំពោះការធ្វើចំណាកស្រុកខុសច្បាប់នេះ ពលករខ្មែរតែងតែប្រឈមគ្រោះថ្នាក់ ដូចជា ត្រូវចាញ់បោកការជួញដូរមនុស្ស និងកម្លាំងពលកម្មពីសំណាក់មេខ្យល់ខ្មែរ។ បន្ថែមពីនេះ គឺមានការប្រឈមនិងការចាប់ដាក់គុក ធ្វើទារុណកម្ម និងបាញ់សម្លាប់ ពីសមត្ថកិច្ចថៃផងដែរ។
ក្រោយតម្រួតថៃបញ្ជូនមកកម្ពុជាវិញនោះ ពលករខ្មែរទាំង ១២៩នាក់ នេះត្រូវបានអាជ្ញាធរកម្ពុជា ដែលឈរជើងនៅច្រកអន្តរជាតិដូងបានណែនាំ និងសុំឲ្យបញ្ឈប់ការធ្វើដំណើរទាំងប្រថុយប្រថានទៅរកការងារធ្វើក្នុងប្រទេសថៃខុសច្បាប់តទៅទៀត ។
កាលពីថ្ងៃទី៦ ខែកក្ដដាកន្លងមក ក៏មានពលករខ្មែរចំនួន ១៥៣នាក់ ត្រូវបានតម្រួតថៃបញ្ជូនមកកម្ពុជាតាមច្រកអន្តរជាតិដូង ស្រុកកំរៀងផងដែរ ក្រោយពីអាជ្ញាធរថៃ បានចាប់ផ្ដើមពង្រឹង ត្រួតពិនិត្យលើពលករចំណាកស្រុកខុសច្បាប់ ដែលទៅរស់នៅ និងធ្វើការងារក្នុងប្រទេសថៃ ៕
Tag:
ពលករ
© រក្សាសិទ្ធិដោយ thmeythmey.com
