ទ័ពរំពឹងបាន៣ពិន្ទុដើម្បីបន្តប្រជែងបឹងកេតអង្គរនាជំនួបជាមួយវេស្ទើនភ្នំពេញល្ងាចនេះ

កីឡាជាតិ

ជាតិ

ទ័ពរំពឹងបាន៣ពិន្ទុដើម្បីបន្តប្រជែងបឹងកេតអង្គរនាជំនួបជាមួយវេស្ទើនភ្នំពេញល្ងាចនេះ

24, Jul 2016 , 12:45 pm

រូបភាព

រូបភាពពី៖ ហ្វេសប៊ុក ក្លិបកីឡាក្រសួងការពារជាតិ

ដោយ: ថ្មីៗ

ក្រុមបាល់ទាត់ជើងខ្លាំងដែលកំពុងឈរលំដាប់លេខ២ក្នុងតារាងក្រសួងការពារជាតិ(ទ័ព) រំពឹងបាន៣ពិន្ទុបន្ថែមដើម្បីបន្តការប្រជែងជាមួយក្រុមបឹងកេតអង្គរដែលកំពុងឈរលំដាប់លេខ១ក្នុងតារាង នាជំនួបជាមួយក្រុមវេស្ទើនភ្នំពេញ នៅកីឡដ្ឋានកងយោធពលខេមរភូមិន្ទ(ស្តាតចាស់)ល្ងាចនេះ នៃពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦។

ក្រុមជើងខ្លាំងក្រសួងការពារជាតិដែលកំពុងឈរលំដាប់លេខ២ក្នុងតារាងជាមួយ២៨ពិន្ទុរំពឹងបាន៣ពិន្ទុបន្ថែមនាជំនួបជាមួយក្រុមឈរបាតតារាងវេស្ទើនភ្នំពេញនៅកីឡដ្ឋានកងយោធពលខេមរភូមិន្ទនាវេលាម៉ោង៣និង៣០នាទីល្ងាចនេះ ដើម្បីបន្តប្រជែងជាមួយក្រុមបឹងកេតអង្គរដែលកំពុងឈរលេខ១ជាមួយ៣៤ពិន្ទុ។ ចំណែកក្រុមវេស្ទើនភ្នំពេញក៏ត្រូវការឈ្នះផងដែរ ដើម្បីសាងជ័យជម្នះជាលើកដំបូងរបស់ខ្លួនក្នុងពានរង្វាន់ក្របខណ្ឌមិត្តហ្វូនខេមបូឌានលីកប្រចាំំឆាំ២០១៦នេះ។

គួរបញ្ជាក់ថា សម្រាប់ការប្រកួតក្នុងសប្តាហ៍ទី១៣ នៃពានរង្វាន់ក្របខណ្ឌមិត្តហ្វូនខេមបូឌានលីកកាលពីថ្ងៃទី១៦ ខែកក្កដា នៅកីឡដ្ឋាន RSN នាពេលកន្លងទៅក្រុមក្រសួងការពារជាតិបានត្រឹមស្មើ ២-២ ជាមួយក្រុមបឹងកេតអង្គរ ដែលជាគូរប្រជែងរបស់ខ្លួនប៉ុណ្ណោះ៕

*ការប្រកួតពានរង្វាន់ក្របខណ្ឌមិត្តហ្វូនខេមបូឌានលីកនៅស្តាតចាស់ល្ងាចនេះ
- ម៉ោង១៥:៣០នាទី៖ ក្រសួងការពារជាតិ ជួប វេស្ទើនភ្នំពេញ