RIO៖ ស៊ន សៀវម៉ី ជើងឯកអាស៊ី២០១៤ នឹងប៉ះកីឡាការិនីហូឡង់ដែលជាជើងឯកអឺរ៉ុបឆ្នាំ២០០៥

កីឡាជាតិ

ជាតិ

RIO៖ ស៊ន សៀវម៉ី ជើងឯកអាស៊ី២០១៤ នឹងប៉ះកីឡាការិនីហូឡង់ដែលជាជើងឯកអឺរ៉ុបឆ្នាំ២០០៥

01, Aug 2016 , 9:19 pm

រូបភាព

ដោយ:

កីឡាការិនី ស៊ន សៀវម៉ី ដែលជាក្តីរំពឹងរបស់ថ្នាក់ដឹកនាំក្នុងការដណ្តើមមេដាយជូនជាតិកម្ពុជានឹងធ្វើការប្រជែងជាមួយកីឡាការិនីពីបណ្តាប្រទេស១៥ផ្សេងទៀតក្នុងព្រឹត្តិការណ៍កីឡាអូឡាំពិកនៅទីក្រុង Rio ប្រេសប្រេស៊ីល។ កីឡាការិនីតំណាងឲ្យកម្ពុជារូបនេះនឹងធ្វើការប្រកួតលើវិញ្ញាសាតេក្វាន់ដូក្នុងប្រភេទទម្ងន់៧៣គីឡូក្រាមជាមួយកីឡាការិនីហូឡង់ Reshimie Oogink នាថ្ងៃទី២០ ខែសីហា ខាងមុខនេះ។

កីឡាការិនី ស៊ន សៀវម៉ី ដែលប្រកួតលើវិញ្ញាសាតេក្វាន់ដូក្នុងប្រភេទទម្ងន់៧៣គីឡូក្រាម នឹងធ្វើការប្រកួតប្រជែងជាមួយបណ្តាប្រទេសដែលមកពីទូទាំងពិភពលោកចំនួន១៥ផ្សេងទៀតក្នុងព្រឹត្តិការណ៍កីឡាអូឡាំពិកនៅទីក្រុង RIO ប្រទេសប្រេស៊ីលនាខែសីហា ខាងមុខនេះ។ បណ្តាប្រទេសទាំង១៥នោះរួមមាន ចិន, សែប៊ី, អង់គ្លេស, អាមេរិក, បារាំង, ម៉ិកស៊ិក, ន័រវែស, ហូឡង់, ម៉ារ៉ុក, ប៉ាពូអាស៊ីនូវែលហ្គីណេ, សាធារដ្ឋដូមិនីក, ព័រតូរីកូ, ហ្វីលីពីន, ណេប៉ាល់ និងកូតឌីវរ។

បើយោងតាមទំព័រហ្វេសប៊ុករបស់គណៈកម្មាធិការជាតិអូឡាំពិកកម្ពុជា ក្នុងចំណោមប្រទេសទាំង១៥នេះកីឡាការិនី ស៊ន សៀវម៉ី ដែលបានឈ្នះមេដាយមាសអាស៊ីឆ្នាំ២០១៤ ត្រូវជួបប្រកួតបើកឆាកជាមួយកីឡាការិនីសញ្ជាតិហូឡង់ Reshimie Oogink ម្ចាស់មេដាយមាសអឺរ៉ុបឆ្នាំ២០០៥ នាថ្ងៃទី២០ ខែសីហា ។

គួរបញ្ជាក់ថា សម្រាប់ការប្រកួតកីឡាអូឡាំពិក Olympic Games 2016 នៅទីក្រុង RIO ប្រទេសប្រេស៊ីល នេះ មានប្រទេសចូលរួមជាង២០០ប្រទេស និងមានអត្តពិលសរុបជាង១ម៉ឺននាក់ ដែលចាប់ផ្តើមប្រកួតចាប់ពីថ្ងៃទី៥ ដល់ថ្ងៃទី២១ ខែសីហា៕