ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
រដ្ឋមន្ត្រីអប់រំទទួលស្គាល់ថា ពេលខ្លះ លោកមិនបានដឹងពីភាពយឺតយ៉ាវនៃការផ្តល់ប្រាក់រង្វាន់ដល់កីឡាករ
04, Aug 2016 ,
7:39 pm
រូបភាព
×
ដោយ:
ក្រោយពីមានមតិមួយចំនួនរិះគន់តាមបណ្តាញសង្គមហ្វេសប៊ុកពាក់ព័ន្ធទៅនឹងភាពយឺតយ៉ាវក្នុងការផ្តល់ប្រាក់រង្វាន់លើកទឹកចិត្តដល់កីឡាករកីឡាការិនីដែលដណ្តើមមេដាយពីព្រឹត្តិការណ៍ Mekong Games និងជើងឯកអាស៊ីនៅមីយ៉ាន់ម៉ា នាពេលកន្លងមក ក្នុងពិធីប្រគល់ប្រាក់រង្វាន់លើកទឹកចិត្តនេះ រដ្ឋមន្ត្រីក្រសួងអប់រំ យុវជន និងកីឡា បានទទួលស្គាល់ពេលខ្លះលោកក៏មិនបានដឹងពីភាពយឺតយ៉ាវនេះដែរ ដោយសាររវល់នឹងការងារច្រើនពេក។
លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានឆ្លើយតបទៅនឹងការរិះគន់របស់មហាជនមួយចំនួនតាមបណ្តាញសង្គមហ្វេសប៊ុកពាក់ព័ន្ធទៅនឹងភាពយឺតយ៉ាវនៃការផ្តល់ប្រាក់រង្វាន់លើកទឹកចិត្តដល់កីឡាករកីឡាការិនីកម្ពុជាថា ដោយសារលោកមមាញឹកជាមួយការងារច្រើនពេក ហេតុដូច្នេះពេលខ្លះលោកក៏មិនបានដឹងពីយឺតយ៉ាវនៃការផ្តល់រង្វាន់នេះដែរ។
នាពិធីប្រគល់ប្រាក់រង្វាន់លើកទឹកចិត្តដល់កីឡាករកីឡាការិនីដែលដណ្តើមបានដាយពីព្រឹត្តិការណ៍ជើងឯកអាស៊ីនៅមីយ៉ាន់ម៉ា និង Mekong Games នៅខេត្តឈៀងម៉ៃ ប្រទេសថៃ កាលពីថ្ងៃទី៣ ខែសីហា នៅទីស្តីការក្រសួងអប់រំ លោករដ្ឋមន្ត្រីរូបនេះរៀបរាប់ដូច្នេះថា៖«ពេលខ្លះខ្ញុំក៏អត់ដឹងថារឿងនេះវាយឺតដែរ ដោយសារថាការងារវាច្រើន ដូច្នេះប្រសិនបើមានការងារអ្វីអាចផ្តល់ដំណឹងមកខ្ញុំផ្ទាល់ ខ្ញុំនឹងជួយពន្លឿនបន្ថែមទៀត តែប្រសិនបើខ្ញុំមិនធ្វើចាំផ្សព្វផ្សាយចុះ»។
លោកបានបន្ថែមថា ការយឺតនេះមិនមែនចំពោះតែកីឡាករកីឡាការិនីនេះប៉ុណ្ណោះទេ សូម្បីតែកីឡាករកីឡាការិនីប្រមូលផ្តុំជម្រើសជាតិក៏មានភាពយឺតយ៉ាវដែរ។ អាស្រ័យហេតុនេះ លោកបានស្នើរឲ្យមន្ត្រីពាក់ព័ន្ធត្រូវមានយន្តការច្បាល់លាស់ក្នុងផ្តល់ដំណឹង ឬអាចផ្តល់ដំណឹងតាមរយៈហ្វេសប៊ុករបស់លោក ដើម្បីបង្កភាពងាយស្រួលក្នុងការជួយពន្លឿនកុំឲ្យមានភាពយឺតយ៉ាវបែបនេះ។ ជាមួយគ្នានេះលោកក៏បានអបអរសាទរដល់កីឡាករកីឡាការិនីម្ចាស់លាភី និងជំរុញឲ្យកីឡាករទាំងនេះខិតខំប្រឹងប្រែងបន្ត ដើម្បីទទួលបានប្រាក់រង្វាន់កាន់តែច្រើនជាងនេះ។
បើយោងតាមរបាយការណ៍របស់នាយកដ្ឋានកីឡា វិញ្ញាសាដែលត្រូវទទួលបានរង្វាន់លើកទឹកចិត្តមានចំនួន៦វិញ្ញាសា គឺឈិនឡូន, បាល់ទាត់, សីប៉ាក់តាក្រ, វាយកូនឃ្លីលើតុ, ប៉េតង់ និងវាយសី។ ក្នុងនោះកីឡាករឈិនឡូនជើងឯកអាស៊ីមេដាយមាសទទួលបាន១៦លានរៀល, មេដាយសំរឹទ្ធ១១លានរៀល និងគ្រូបង្វឹកទទួលបានប្រាក់រង្វាន់ស្មើមេដាយមាស។ ចំណែកព្រឹត្តិការណ៍ Mekong Gams កីឡាករមេដាយមាសទទួលបាន៣លានរៀល, មេដាយប្រាក់២លានរៀល, មេដាយសំរឹទ្ធ១លានរៀល និងគ្រូបង្វឹកទទួលបានស្មើមេដាយមាស និងគ្រូជំនួយ៧០ភាគរយមេដាយមាស។ សរុរប្រាក់រង្វាន់ប្រមាណជាជាង ៥០០លានរៀល៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហង់ ជួនណារ៉ុន
ក្រសួងផ្តល់ប្រាក់រង្វាន់
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
3 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
4 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
5 ថ្ងៃ
តើពាក្យងារជា «សម្តេច» មានន័យដូចម្តេច?
1 សប្តាហ៍
«នាំអាត» និង«នាំអាទិ៍»មួយណាត្រឹមត្រូវ?
1 ម៉ោង
អត្ថបទពេញនិយមបន្ថែម