ជាតិ
×![]()
សៀមរាប៖ ភ្ញៀវទេសចរជនជាតិចិនម្នាក់ ត្រូវបានភ្នាក់ងារជួយសង្គ្រោះនៅតំបន់អង្គរ បានសង្គ្រោះភ្លាមៗ ក្រោពេលស្ត្រីរូបនោះ បានរអិលជើងធ្លាក់ចូលស្រះមួយនៅលើកំពូលរូតបាកាណនៃប្រាសាទអង្គរវត្ត។
ហេតុការណ៍ខាងលើបានកើតឡើងនៅម៉ោងជាង៩ព្រឹក ថ្ងៃទី៤ សីហា ដោយបណ្តាលឲ្យស្ត្រីជាទេសចរជនជាតិចិនម្នាក់ មានវ័យ២៣ឆ្នាំរងរបួសធ្ងន់។ ប្រភពព័ត៌មានពីមន្ត្រីនៃអាជ្ញាធរជាតិអប្សរាដែលសុំមិនបញ្ចេញឈ្មោះ បានប្រាប់ឲ្យដឹងកាលពីម្សិលមិញថា ជនជាតិចិនម្នាក់នោះមានឈ្មោះ LI YUE នាងបានរងរបួសនៅត្រង់ចង្កេះ ត្រចៀក និងក្បាល។
យ៉ាងណាក៏ដោយសារព័ត៌មានលម្អិតពីស្ថានភាពជំងឺ និងការវិវត្តន៍ថ្មីៗរបស់ជនរងគ្រោះ នៅមិនទាន់បានដឹងនៅឡើយទេ។ មន្ត្រីនៃអាជ្ញាធរជាតិអប្សរាគ្រាន់តែបញ្ជាក់ថា នាងត្រូវបានបញ្ជូនទៅកាន់មន្ទីរពេទ្យ និងមានការត្រួតពិនិត្យយ៉ាងយកចិត្តទុកដាក់ពីក្រុមគ្រូពេទ្យ។
គួររម្លឹកថា ទីតាំងដែលភ្ញៀវទេសចរខាងលើ ដែលទំនងរអិលជើងធ្លាក់ចូលស្រះនៅរូតបាកាណនោះ មានកម្ពស់ ១,៣០ម៉ែត្រ ស្ថិតនៅខាងត្បូងឈាងខាងកើត។ នេះមិនមែនជាករណីទីមួយឡើយ ដែលបានកើតមានគ្រោះថ្នាក់ដល់ភ្ញៀវទេសចរបែបនេះ។ កន្លងមកមានភ្ញៀវទេសចរមួយចំនួន ធ្លាប់បានដួល និងរអិលជើងធ្លាក់ពីទីខ្ពស់នៅតំបន់ប្រាសាទ ដោយសារតែការមិនប្រុងប្រយ័ត្ន និងភាពទ្រុឌទ្រោមរបស់ប្រាសាទជាដើម។ល៕
ហេតុការណ៍ខាងលើបានកើតឡើងនៅម៉ោងជាង៩ព្រឹក ថ្ងៃទី៤ សីហា ដោយបណ្តាលឲ្យស្ត្រីជាទេសចរជនជាតិចិនម្នាក់ មានវ័យ២៣ឆ្នាំរងរបួសធ្ងន់។ ប្រភពព័ត៌មានពីមន្ត្រីនៃអាជ្ញាធរជាតិអប្សរាដែលសុំមិនបញ្ចេញឈ្មោះ បានប្រាប់ឲ្យដឹងកាលពីម្សិលមិញថា ជនជាតិចិនម្នាក់នោះមានឈ្មោះ LI YUE នាងបានរងរបួសនៅត្រង់ចង្កេះ ត្រចៀក និងក្បាល។
យ៉ាងណាក៏ដោយសារព័ត៌មានលម្អិតពីស្ថានភាពជំងឺ និងការវិវត្តន៍ថ្មីៗរបស់ជនរងគ្រោះ នៅមិនទាន់បានដឹងនៅឡើយទេ។ មន្ត្រីនៃអាជ្ញាធរជាតិអប្សរាគ្រាន់តែបញ្ជាក់ថា នាងត្រូវបានបញ្ជូនទៅកាន់មន្ទីរពេទ្យ និងមានការត្រួតពិនិត្យយ៉ាងយកចិត្តទុកដាក់ពីក្រុមគ្រូពេទ្យ។
គួររម្លឹកថា ទីតាំងដែលភ្ញៀវទេសចរខាងលើ ដែលទំនងរអិលជើងធ្លាក់ចូលស្រះនៅរូតបាកាណនោះ មានកម្ពស់ ១,៣០ម៉ែត្រ ស្ថិតនៅខាងត្បូងឈាងខាងកើត។ នេះមិនមែនជាករណីទីមួយឡើយ ដែលបានកើតមានគ្រោះថ្នាក់ដល់ភ្ញៀវទេសចរបែបនេះ។ កន្លងមកមានភ្ញៀវទេសចរមួយចំនួន ធ្លាប់បានដួល និងរអិលជើងធ្លាក់ពីទីខ្ពស់នៅតំបន់ប្រាសាទ ដោយសារតែការមិនប្រុងប្រយ័ត្ន និងភាពទ្រុឌទ្រោមរបស់ប្រាសាទជាដើម។ល៕
Tag:
អង្គរវត្ត
© រក្សាសិទ្ធិដោយ thmeythmey.com
