ជាតិ
×![]()
ដោយ: ថ្មីៗ
នៅថ្ងៃទី០១ ខែកញ្ញាឆ្នាំ២០១៦ខាងមុខនេះ គណៈកម្មាធិការជាតិរៀបចំការបោះឆ្នោត គ.ជ.ប នឹងដំណើរការរៀបចំបញ្ជីចុះឈ្មោះបោះឆ្នោត ឃុំ-សង្កាត់ នៅគ្រប់បណ្ដារាជធានី-ខេត្ត ដែលប្រព្រឹត្តិទៅមានរយៈពេល៣ខែ។ មុនការចុះឈ្មោះបោះឆ្នោតមកដល់នេះ មេដឹកនាំគណបក្សនយោបាយ បានអំពាវនាវឲ្យប្រជាពលរដ្ឋគ្រប់រូប នាំគ្នាចុះឈ្មោះបោះឆ្នោតឲ្យបានគ្រប់គ្នា ដើម្បីជ្រើសរើសថ្នាក់ដឹកនាំមូលដ្ឋានដែលខ្លួនពេញចិត្ត។
ថ្លែងក្នុងពិធីចាក់បេតុងតភ្ជាប់ស្ពានកោះធំ ឆ្លងកាត់ទន្លេបាសាក់ នៅខេត្តកណ្តាលព្រឹកនេះសម្ដេចនាយករដ្ឋមន្ត្រី ហ៊ុន សែន បានអំពាវនាវឲ្យប្រជាពលរដ្ឋទាំងអស់ត្រៀមខ្លួន ចូលរួមចុះឈ្មោះបោះឆ្នោតនៅថ្ងៃទី០១ កញ្ញា ខាងមុខនេះ។ ជាមួយគ្នានេះ ប្រមុខរដ្ឋាភិបាល ក៏បានបញ្ជាក់ប្រាប់ប្រជាពលរដ្ឋថា ពួកគេមិនចាំបាច់ទៅចុះឈ្មោះបោះឆ្នោតនៅតាមទីកន្លែងកំណើតរបស់ពួកគេឡើយ ពោលគឺប្រជាពលរដ្ឋមកពីខេត្តឆ្ងាយៗ ហើយមករស់នៅ និងធ្វើការនៅទីក្រុង ឬទីកន្លែងផ្សេងៗទៀតនោះ ពួកគេអាចមានសិទ្ធិចុះឈ្មោះបោះឆ្នោតនៅជិតកន្លែងដែលពួកគេរស់នៅ និងធ្វើការនោះបាន ដោយមិនចាំបាច់វិលទៅចុះឈ្មោះបោះឆ្នោតនៅទីកន្លែងដូចមុនឡើយ។
ទន្ទឹមនឹងការជំរុញឲ្យពលរដ្ឋចុះឈ្មោះបោះឆ្នោតនេះ សម្ដេច ហ៊ុន សែន ក៏បានរំឮកជាថ្មីឲ្យមន្ត្រីថ្នាក់មូលដ្ឋាន ដែលគ្រប់គ្រងលើអត្តសញ្ញាណប័ណ្ណប្រជាពលរដ្ឋ រួសរាន់យកអត្តសញ្ញាប័ណ្ណចែកជូនពលរដ្ឋ ដោយមិនត្រូវបំពេញការងារយឺតយ៉ាវឡើយ។
កន្លងមកមេដឹកនាំគណបក្សសង្គ្រោះជាតិ ឯកឧត្តម កឹម សុខា ក៏បានអំពាវនាវឲ្យប្រជាពលរដ្ឋចូលរួមចុះឈ្មោះបោះឆ្នោតទាំងអស់គ្នាដែរ។ ប្រធានស្តីទីបក្សប្រឆាំងដែលកំពុងឃុំខ្លួនឯងនៅទីស្នាក់ការគណបក្សរូបនេះ ក៏បានបង្គាប់ឲ្យមន្ត្រីតាមមូលដ្ឋាន ចុះជំរុញប្រជាពលរដ្ឋ ទៅធ្វើអត្តសញ្ញាណប័ណ្ណសម្រាប់ត្រៀមខ្លួនចុះឈ្មោះបោះឆ្នោត។ ក្រៅពីឯកឧត្តម កឹម សុខា ក៏បានដាក់លិខិតស្នើឲ្យ គ.ជ.ប រៀបចំឲ្យមានការចុះឈ្មោះបោះឆ្នោត នៅថ្ងៃឈប់សម្រាកបុណ្យភ្ជុំបិណ្ឌខាងមុខនេះ ដើម្បីបង្កលក្ខណៈងាយស្រួលដល់កម្មករ-កម្មការីនី និងពលករខ្មែរទាំងអស់ អាចចុះឈ្មោះបោះឆ្នោតបាន តាមកន្លែងដែលពួកគេមានបំណងបោះឆ្នោត។ ប៉ុន្ដែសំណើនេះ ត្រូវបានប្រធាន គ.ជ.ប បដិសេធ ក្រោមហេតុផល ការចុះឈ្មោះបោះឆ្នោតនៅថ្ងៃឈប់សម្រាកភ្ជុំបិណ្ឌនេះ វាអាចប៉ះពាល់ដល់សិទ្ធិមន្ត្រីរាជការ ដែលត្រូវឈប់សម្រាកនៅថ្ងៃបុណ្យជាតិ។
តែយ៉ាងណាលោក ស៊ិក ប៊ុនហុក ប្រធានគ.ជ.ប ជឿជាក់ថា ការចុះឈ្មោះបោះឆ្នោតឃុំ សង្កាត់ខាងមុខនេះ នឹងអាចប្រព្រឹត្តិទៅដោយរលូន។ បើតាមប្រធានគ.ជ.បរូបនេះ ប្រសិនបើការចុះឈ្មោះបោះឆ្នោត ប្រព្រឹត្តទៅដោយរលូន និងមានប្រសិទ្ធភាពខ្ពស់ ដូចការគ្រោងទុកមែននោះ គ.ជ.ប ហាក់ដូចជាទទួលបានជោគជ័យ ពី៦០ទៅ៧០ភាគរយរួចជាស្រេចហើយ ក្នុងការរៀបចំបោះឆ្នោតថ្នាក់ឃុំ-សង្កាត់ នាឆ្នាំ២០១៧។ ហើយ គ.ជ.ប ត្រូវតែបន្តសហការជាមួយនឹងភាគីពាក់ព័ន្ធផ្សេងៗទៀត ដើម្បីទទួលបានជោគជ័យក្នុងការរៀបចំបញ្ជីឈ្មោះបោះឆ្នោត និងការបោះឆ្នោតនាពេលខាងមុខ។
សូមបញ្ជាក់ថា គ.ជ.ប បានត្រៀមថវិកាចំនួន២៣លានដុល្លារ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នាឆ្នាំ២០១៧ ខាងមុខ៕
ថ្លែងក្នុងពិធីចាក់បេតុងតភ្ជាប់ស្ពានកោះធំ ឆ្លងកាត់ទន្លេបាសាក់ នៅខេត្តកណ្តាលព្រឹកនេះសម្ដេចនាយករដ្ឋមន្ត្រី ហ៊ុន សែន បានអំពាវនាវឲ្យប្រជាពលរដ្ឋទាំងអស់ត្រៀមខ្លួន ចូលរួមចុះឈ្មោះបោះឆ្នោតនៅថ្ងៃទី០១ កញ្ញា ខាងមុខនេះ។ ជាមួយគ្នានេះ ប្រមុខរដ្ឋាភិបាល ក៏បានបញ្ជាក់ប្រាប់ប្រជាពលរដ្ឋថា ពួកគេមិនចាំបាច់ទៅចុះឈ្មោះបោះឆ្នោតនៅតាមទីកន្លែងកំណើតរបស់ពួកគេឡើយ ពោលគឺប្រជាពលរដ្ឋមកពីខេត្តឆ្ងាយៗ ហើយមករស់នៅ និងធ្វើការនៅទីក្រុង ឬទីកន្លែងផ្សេងៗទៀតនោះ ពួកគេអាចមានសិទ្ធិចុះឈ្មោះបោះឆ្នោតនៅជិតកន្លែងដែលពួកគេរស់នៅ និងធ្វើការនោះបាន ដោយមិនចាំបាច់វិលទៅចុះឈ្មោះបោះឆ្នោតនៅទីកន្លែងដូចមុនឡើយ។
ទន្ទឹមនឹងការជំរុញឲ្យពលរដ្ឋចុះឈ្មោះបោះឆ្នោតនេះ សម្ដេច ហ៊ុន សែន ក៏បានរំឮកជាថ្មីឲ្យមន្ត្រីថ្នាក់មូលដ្ឋាន ដែលគ្រប់គ្រងលើអត្តសញ្ញាណប័ណ្ណប្រជាពលរដ្ឋ រួសរាន់យកអត្តសញ្ញាប័ណ្ណចែកជូនពលរដ្ឋ ដោយមិនត្រូវបំពេញការងារយឺតយ៉ាវឡើយ។
កន្លងមកមេដឹកនាំគណបក្សសង្គ្រោះជាតិ ឯកឧត្តម កឹម សុខា ក៏បានអំពាវនាវឲ្យប្រជាពលរដ្ឋចូលរួមចុះឈ្មោះបោះឆ្នោតទាំងអស់គ្នាដែរ។ ប្រធានស្តីទីបក្សប្រឆាំងដែលកំពុងឃុំខ្លួនឯងនៅទីស្នាក់ការគណបក្សរូបនេះ ក៏បានបង្គាប់ឲ្យមន្ត្រីតាមមូលដ្ឋាន ចុះជំរុញប្រជាពលរដ្ឋ ទៅធ្វើអត្តសញ្ញាណប័ណ្ណសម្រាប់ត្រៀមខ្លួនចុះឈ្មោះបោះឆ្នោត។ ក្រៅពីឯកឧត្តម កឹម សុខា ក៏បានដាក់លិខិតស្នើឲ្យ គ.ជ.ប រៀបចំឲ្យមានការចុះឈ្មោះបោះឆ្នោត នៅថ្ងៃឈប់សម្រាកបុណ្យភ្ជុំបិណ្ឌខាងមុខនេះ ដើម្បីបង្កលក្ខណៈងាយស្រួលដល់កម្មករ-កម្មការីនី និងពលករខ្មែរទាំងអស់ អាចចុះឈ្មោះបោះឆ្នោតបាន តាមកន្លែងដែលពួកគេមានបំណងបោះឆ្នោត។ ប៉ុន្ដែសំណើនេះ ត្រូវបានប្រធាន គ.ជ.ប បដិសេធ ក្រោមហេតុផល ការចុះឈ្មោះបោះឆ្នោតនៅថ្ងៃឈប់សម្រាកភ្ជុំបិណ្ឌនេះ វាអាចប៉ះពាល់ដល់សិទ្ធិមន្ត្រីរាជការ ដែលត្រូវឈប់សម្រាកនៅថ្ងៃបុណ្យជាតិ។
តែយ៉ាងណាលោក ស៊ិក ប៊ុនហុក ប្រធានគ.ជ.ប ជឿជាក់ថា ការចុះឈ្មោះបោះឆ្នោតឃុំ សង្កាត់ខាងមុខនេះ នឹងអាចប្រព្រឹត្តិទៅដោយរលូន។ បើតាមប្រធានគ.ជ.បរូបនេះ ប្រសិនបើការចុះឈ្មោះបោះឆ្នោត ប្រព្រឹត្តទៅដោយរលូន និងមានប្រសិទ្ធភាពខ្ពស់ ដូចការគ្រោងទុកមែននោះ គ.ជ.ប ហាក់ដូចជាទទួលបានជោគជ័យ ពី៦០ទៅ៧០ភាគរយរួចជាស្រេចហើយ ក្នុងការរៀបចំបោះឆ្នោតថ្នាក់ឃុំ-សង្កាត់ នាឆ្នាំ២០១៧។ ហើយ គ.ជ.ប ត្រូវតែបន្តសហការជាមួយនឹងភាគីពាក់ព័ន្ធផ្សេងៗទៀត ដើម្បីទទួលបានជោគជ័យក្នុងការរៀបចំបញ្ជីឈ្មោះបោះឆ្នោត និងការបោះឆ្នោតនាពេលខាងមុខ។
សូមបញ្ជាក់ថា គ.ជ.ប បានត្រៀមថវិកាចំនួន២៣លានដុល្លារ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នាឆ្នាំ២០១៧ ខាងមុខ៕
Tag:
គជប
CPP
CNRP
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
