ជាតិ
×![]()
សៀមរាប៖ ជាថ្មីម្តងទៀត រដ្ឋមន្ត្រីក្រសួងទេសចរណ៍នៅតែការពារ និងអះអាងថាគោលការណ៍ដំឡើងថ្លៃសំបុត្រចូលទស្សនារមណីយដ្ឋានអង្គរ មានហេតុផលសមស្រប។ តាមការបញ្ជាក់របស់លោក ថោង ខុន ភាពអស្ចារ្យរបស់ប្រាង្គប្រាសាទខ្មែរ ធ្វើឲ្យបរទេសស្ញប់ស្ញែង និងសរសើរពេញៗមាត់ ហើយវាត្រូវបានផ្សព្វផ្សាយពាសពេញពិភពលោក។ លោកបន្ថែមថា ពីមួយថ្ងៃទៅមួយថ្ងៃ ផលិតផលរបស់កម្ពុជា (ប្រាសាទអង្គរវត្ត) កាន់តែមានគុណភាពល្អ ហើយលោកថា មិនខ្លាចនឹងឡើងថ្លៃនោះដែរ។
លោក ថោង ខុន បានហៅការលក់សំបុត្រទស្សនារមណីយដ្ឋានអង្គរថ្មី ថាមិនមែនជាការដំឡើងថ្លៃទេ តែវាជាការសម្រួលតម្លៃ។ តម្លៃ ដែលលោក ថោង ខុន ពន្យល់ថា ២០ដុល្លារកាលពីឆ្នាំ៩៤ គឺវាស្មើនឹង ៣៥ឫ៣៧ដុល្លារ នាពេលបច្ចុប្បន្ននេះឯង ដោយសារហាងឆេងដុល្លារ មានការធ្លាក់ថ្លៃ។
ឆ្លើយតបនឹងការរិះគន់ពីការដំឡើងថ្លៃ ពីសំណាក់មហាជនមួយចំនួន លោក ថោង ខុន បញ្ជាក់ថា រាជរដ្ឋាភិបាលបានធ្វើការងារនេះដោយយកចិត្តទុកដាក់ និងបានសិក្សាតាមរយៈសួរយោបល់ពីសំណាក់ភ្ញៀវទេសចរបរទេសជាច្រើន។ អាជ្ញាធរជាតិអប្សរា ក៏ដូចជាក្រសួងទេសចរណ៍ បានធ្វើការសិក្សារយៈពេល៣ឆ្នាំ មុននឹងរដ្ឋាភិបាលសម្រេចដំឡើងថ្លៃនៅពេលនេះ។ នេះជាការបញ្ជាក់របស់លោក ថោង ខុន។
គួរបញ្ជាក់ថា រដ្ឋាភិបាលកម្ពុជាតាមរយៈគ្រឹះស្ថានអង្គរ បានចុះផ្សាយពីគោលការណ៍តម្លៃសំបុត្រទស្សនារមណីយដ្ឋានអង្គរថ្មី។ ក្នុងសេចក្តីសម្រេច ដែលនឹងចាប់ផ្តើមអនុវត្តន៍នៅខែកុម្ភៈ ឆ្នាំ២០១៧ គឺតម្លៃសំបុត្រមួយថ្ងៃ សម្រាប់ភ្ញៀវបរទេស ឡើងពី២០ ទៅ៣៧ដុល្លារ សំបុត្រដែលមានសុពលភាព៣ថ្ងៃ ឡើងពី៤០ទៅ៦២ដុល្លារ និងសុពលភាពមួយសប្តាហ៍ ឡើងពី៦០ ទៅ៧២ដុល្លារ។ ក្នុងសេចក្តីជូនដំណឹង ចេញផ្សាយនៅថ្ងៃទី៥ សីហាកន្លងទៅ ក៏បានបញ្ជាក់ដែរថា តម្លៃទាំងអស់ នឹងត្រូវបង់ចូលទៅមូលនិធិមន្ទីរពេទ្យគន្ធបុប្ផាចំនួន២ដុល្លារ ហើយវានឹងត្រូវដាក់បញ្ជាក់នៅផ្នែកខាងក្រោយខ្នងសំបុត្រ ដើម្បីបញ្ជាក់ប្រាប់ភ្ញៀវទេសចរ៕
សូមស្តាប់សំឡេងលោក ថោង ខុន ទាក់ទងនឹងបញ្ហានេះ ដែលលោកបានលើកឡើងក្នុងកិច្ចប្រជុំការងារទេសចរណ៍ត្រីមាសទី២ ឆ្នាំ២០១៦ ជាមួយផ្នែកឯកជនក្នុងវិស័យទេសចរណ៍ ដែលធ្វើឡើងនៅព្រឹកថ្ងៃទី៩ សីហា នៅសាលាខេត្តសៀមរាបដូចតទៅ
លោក ថោង ខុន បានហៅការលក់សំបុត្រទស្សនារមណីយដ្ឋានអង្គរថ្មី ថាមិនមែនជាការដំឡើងថ្លៃទេ តែវាជាការសម្រួលតម្លៃ។ តម្លៃ ដែលលោក ថោង ខុន ពន្យល់ថា ២០ដុល្លារកាលពីឆ្នាំ៩៤ គឺវាស្មើនឹង ៣៥ឫ៣៧ដុល្លារ នាពេលបច្ចុប្បន្ននេះឯង ដោយសារហាងឆេងដុល្លារ មានការធ្លាក់ថ្លៃ។
ឆ្លើយតបនឹងការរិះគន់ពីការដំឡើងថ្លៃ ពីសំណាក់មហាជនមួយចំនួន លោក ថោង ខុន បញ្ជាក់ថា រាជរដ្ឋាភិបាលបានធ្វើការងារនេះដោយយកចិត្តទុកដាក់ និងបានសិក្សាតាមរយៈសួរយោបល់ពីសំណាក់ភ្ញៀវទេសចរបរទេសជាច្រើន។ អាជ្ញាធរជាតិអប្សរា ក៏ដូចជាក្រសួងទេសចរណ៍ បានធ្វើការសិក្សារយៈពេល៣ឆ្នាំ មុននឹងរដ្ឋាភិបាលសម្រេចដំឡើងថ្លៃនៅពេលនេះ។ នេះជាការបញ្ជាក់របស់លោក ថោង ខុន។
គួរបញ្ជាក់ថា រដ្ឋាភិបាលកម្ពុជាតាមរយៈគ្រឹះស្ថានអង្គរ បានចុះផ្សាយពីគោលការណ៍តម្លៃសំបុត្រទស្សនារមណីយដ្ឋានអង្គរថ្មី។ ក្នុងសេចក្តីសម្រេច ដែលនឹងចាប់ផ្តើមអនុវត្តន៍នៅខែកុម្ភៈ ឆ្នាំ២០១៧ គឺតម្លៃសំបុត្រមួយថ្ងៃ សម្រាប់ភ្ញៀវបរទេស ឡើងពី២០ ទៅ៣៧ដុល្លារ សំបុត្រដែលមានសុពលភាព៣ថ្ងៃ ឡើងពី៤០ទៅ៦២ដុល្លារ និងសុពលភាពមួយសប្តាហ៍ ឡើងពី៦០ ទៅ៧២ដុល្លារ។ ក្នុងសេចក្តីជូនដំណឹង ចេញផ្សាយនៅថ្ងៃទី៥ សីហាកន្លងទៅ ក៏បានបញ្ជាក់ដែរថា តម្លៃទាំងអស់ នឹងត្រូវបង់ចូលទៅមូលនិធិមន្ទីរពេទ្យគន្ធបុប្ផាចំនួន២ដុល្លារ ហើយវានឹងត្រូវដាក់បញ្ជាក់នៅផ្នែកខាងក្រោយខ្នងសំបុត្រ ដើម្បីបញ្ជាក់ប្រាប់ភ្ញៀវទេសចរ៕
សូមស្តាប់សំឡេងលោក ថោង ខុន ទាក់ទងនឹងបញ្ហានេះ ដែលលោកបានលើកឡើងក្នុងកិច្ចប្រជុំការងារទេសចរណ៍ត្រីមាសទី២ ឆ្នាំ២០១៦ ជាមួយផ្នែកឯកជនក្នុងវិស័យទេសចរណ៍ ដែលធ្វើឡើងនៅព្រឹកថ្ងៃទី៩ សីហា នៅសាលាខេត្តសៀមរាបដូចតទៅ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
