ពីនេះ ពីនោះ
ព្រាបព្រៃមានសំឡេងរបៀបសំឡេងមនុស្សថ្ងូរ
× ព្រាបព្រៃ គឺជាឈ្មោះបក្សីមួយប្រភេទដែលមានសណ្ឋានផ្នែកខ្នងពណ៌បៃតងភ្លឺ លាយលឿងព្រឿងៗ ក្បាល ក ទ្រូង និងពោះពណ៌ប្រផេះ នៅក្រោមកន្ទុយពណ៌ច្រេះ។ បក្សីនេះ មានសំ ឡេងរបៀបសំឡេងមនុស្សថ្ងូរ ប៊ូ ប៊ូ ប៊ូ។ ជាទូទៅបក្សីនេះច្រើនរស់នៅតាមព្រៃស្រោង ពាក់កណ្ដាលស្រោង ព្រៃរបោះចំរុះ និងព្រៃកោងកាង។ ព្រាបព្រៃគឺជាប្រភេទបក្សីមួយប្រភេទដែលរកស៊ីផ្លែឈើជាអាហារ ហើយថែមទាំងបង្ហាញខ្លួនគ្រប់ទីកន្លែង នៅតាមតំបន់ដែលបានរៀបរាប់ខាងលើ និងមានវត្តមានពេញមួយឆ្នាំ។ រីឯរដូវបន្តពូជ គឺចាប់ពីខែមករា ដល់ខែឧសភា៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com