ពីនេះ ពីនោះ
ចង់បានស្រូវ ត្រូវជួយអ្នកស្រែ
× កំណាព្យបទ បថ្យាវដ្ត
-អាកាសប្រួលប្រែស្រូវស្រែបានតិច
ខាងកើតខាងលិចគេខ្លាំងគ្រាន់បើ
មានទឹកធ្វើស្រែបានផលប្រសើរ
សល់ពីទុកប្រើគេលក់លានតោន។
-ស្រុកយើងពឹងមេឃនៅទ្រឹងក្រញោន
ជួបមុខគេអោនព្រោះតែខ្មាស់គេ
លក់មួយលានតោនពេលណាបានទេ
បើមិនប្រឹងរេមុខតែមិនដល់។
-មន្ត្រីពាក់ព័ន្ធហាក់មិនសូវខ្វល់
ខ្លះចុះត្រឹមថ្នល់បែកវ៉ល់ត្រឹមផ្សារ
ជួបកសិករមិនសូវប្រាថ្នា
ខ្ពើមស្រែចំការប្រាថ្នានៅក្រុង។
-បើចង់បានស្រូវកុំនៅជាប់ផុង
ធ្វើតែក្នុងក្រុងចោលស្រែចំការ
គួរតែលកលៃបង្កើតសាលា
រៀបចំផែនការឲ្យបានប្រចាំ។
-បច្ចេកទេសធ្វើកសិកម្ម
ផ្តល់ទុនកុំចាំដល់អស់ដីស្រែ
មន្ត្រីជំនាញល្មមគិតគួរកែ
ចុះមើលអ្នកស្រែជួយកែបញ្ហា៕
© រក្សាសិទ្ធិដោយ thmeythmey.com