USAID បន្តការលើកកម្ពស់ការព្យាបាល និងផ្សះផ្សាឡើងវិញ ដល់ជនរងគ្រោះពីរបបខ្មែរក្រហម

ជាតិ

សង្គមជាតិ

USAID បន្តការលើកកម្ពស់ការព្យាបាល និងផ្សះផ្សាឡើងវិញ ដល់ជនរងគ្រោះពីរបបខ្មែរក្រហម

16, Aug 2016 , 10:19 pm

រូបភាព

ដោយ: ថ្មីៗ

រដ្ឋាភិបាលសហរដ្ឋអាមេរិក តាមរយៈទីភ្នាក់ងារសហរដ្ឋអាមេរិកសម្រាប់អភិវឌ្ឃន៏អន្តរជាតិ (USAID) បានប្រកាសគម្រោងថ្មីមួយ ដល់អង្គការចិត្តសាស្ត្រសង្គម អន្តរវប្បធម៌ (TPO)នៅកម្ពុជា ដើម្បីផ្តល់ការព្យាបាលសុខភាពផ្លូវចិត្តតាមបែបថ្មី សម្រាប់បុគ្គល និងសហគមន៍នៅក្នុងខេត្តចំនួន១៥ ដែលនៅតែប្រឈមមុខនឹងការប៉ះទង្គិចផ្លូវចិត្ត ដោយសារការឆ្លងកាត់របបខ្មែរក្រហម ។

បើតាមសេចក្តីប្រកាសព័ត៌មានស្ថានទូតអាមេរិកប្រចាំកម្ពុជា ការងារនេះ នឹងត្រូវអនុវត្តន៍ដោយសហការជាមួយអង្គការក្តីករុណា។ គម្រោងថ្មីនេះ បញ្ជាក់ពីការប្តេជ្ញាចិត្តជាបន្ត របស់រដ្ឋាភិបាលសហរដ្ឋអាមេរិក ក្នុងការគាំទ្រដល់ការធ្វើអន្តរកាលយុត្តិធម៌ សេរីភាព និងការផ្សះផ្សានៅកម្ពុជា។

លោក Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានមានប្រសាសន៍ថា៖«ផលវិបាកនៃរបបខ្មែរក្រហម នៅតែញាំញីដល់ប្រជាជនកម្ពុជាជាច្រើន ដែលបានឆ្លងកាត់សម័យកាលដ៏អាក្រក់មួយនេះ»។ បើតាមលោក Heidt គម្រោងនេះ នឹងជួយប្រជាជនកម្ពុជារាប់ពាន់អ្នក ដែលកំពុងរងគ្រោះ ពីការចងចាំនៃសម័យកាលនោះ ឲ្យទទួលបានសេវាកម្មសុខភាពផ្លូវចិត្តសំខាន់ៗ ដែលនឹងជួយឲ្យពួកគេ រស់ដោយសុភមង្គល និងអាចបំពេញការងារបានល្អ៕