កីឡាជាតិ
ជាតិ
RIO៖ ចូវ សុធារ៉ា ប៉ះកីឡាការិនីកូឡុំប៊ីដែលជាអតីតលេខ៥ពិភពលោកនៅម៉ោង៨យប់នេះ
×![]()
កីឡាការិនីចំបាប់ ចូវ សុធារ៉ា ត្រូវប្រកួតជាមួយកីឡាការិនីកូឡុំប៊ី Castillo Hidalgo Carolina នាវេលាម៉ោង៨យប់នេះ (ម៉ោងនៅកម្ពុជា) នៅវគ្គ១/៨ផ្តាច់ព្រ័ត្រក្នុងប្រភេទទម្ងន់៤៨គីឡូក្រាមនៅសង្វៀន Carioca Arena 2 ក្រុង Rio de Janeiro។ សុធារ៉ា ជាអត្តពលិកទី៤របស់កម្ពុជាដែលត្រូវប្រជែងដណ្តើមយកមេដាយក្នុងព្រឹត្តិការណ៍អូឡាំពិកឆ្នាំ២០១៦ នៅប្រេស៊ីល បន្ទាប់ពីកីឡាករហែលទឹក ពូ សុវិជ្ជា កីឡាការិនីហែលទឹក ហែម ថុនវិទិនី និងកីឡាការិនីម៉ារ៉ាតុន លី ណារី។
កីឡាការិនី ចូវ សុធារ៉ា និងកីឡាការិនីកូឡុំប៊ី Castillo Hidalgo Carolina សុទ្ធតែឡើងមកកាន់វគ្គ១៦ក្រុមចុងក្រោយដោយស្វ័យប្រវត្តិ ដោយមិនចាំបាច់ប្រកួតនៅវគ្គជម្រុះ។ យោងតាមទំព័រហ្វេសប៊ុករបស់គណៈកម្មាធិការជាតិអូឡាំពិកកម្ពុជា (NOCC) កីឡាការិនីវៀតណាម Thi Hang Vu ដែលជាគូប្រជែងរបស់សុធារ៉ា នៅវគ្គជម្រុះ បានឡើងលើសទម្ងន់ ខណៈកីឡាការិនីហុងឌូរ៉ាស Brenda Yamyleth Bailey Gomez ដែលជាគូប្រជែងរបស់ Carolina មានបញ្ហារបួសនៅពេលហ្វឹកហាត់។
កីឡាការិនីសរុប១៨រូប បើកការប្រកួតដណ្តើមយកមេដាយលើប្រភេទទម្ងន់៤៨គីឡូក្រាមនៅសង្វៀន Carioca Arena 2 នារាត្រី។ សម្រាប់កីឡាការិនីចំបាប់កម្ពុជា ចូវ សុធារ៉ា ការប្រកួតនេះនឹងក្លាយជាអនុស្សាវរីយ៍ដ៏ចងចាំបំផុតរបស់ខ្លួនក្នុងព្រឹត្តិការណ៍កីឡាអូឡាំពិក នៅមុនខ្លួនចូលនិវត្តពីអាជីពជាកីឡាការិនី ដើម្បីបន្តការងារជាគ្រូចំបាប់ និងជាមន្ត្រីកីឡា។
សុធារ៉ា វ័យ៣២ឆ្នាំ ដែលរកបានមេដាយមាសចំនួន២សម្រាប់កម្ពុជាពីព្រឹត្តិការណ៍កីឡាស៊ីហ្គេម ទទួលបានសិទ្ធិអនុគ្រោះចូលរួមក្នុងព្រឹត្តិការណ៍អូឡាំពិកនៅ Rio រីឯកីឡាការិនី Castillo Hidalgo Carolina វ័យ២៥ឆ្នាំ ទទួលបានសិទ្ធិពេញលេញ។
Castillo Hidalgo Carolina ដែលជាគូប្រជែងរបស់ ចូវ សុធារ៉ា ធ្លាប់ជាប់ចំណាត់ថ្នាក់លេខ៥ពិភពលោកក្នុងទម្ងន់៤៨គីឡូក្រាម កាលពីឆ្នាំ២០១១ ហើយធ្លាក់នៅលេខ១០ កាលពីឆ្នាំ២០១៥។ ក្នុងឆ្នាំ២០១៥ កីឡាការិនីកូឡុំប៊ីរូបនេះ បានឈ្នះមេដាយអន្តរជាតិចំនួន៥ ក្នុងនោះ មេដាយមាសក្នុងព្រឹត្តិការណ៍ German Grand Prix និងមេដាយសំរឹទ្ធក្នុងព្រឹត្តិការណ៍ Pan American Games។ កាលពីព្រឹត្តិការណ៍អូឡាំពិកក្រុងឡុងដ៍ឆ្នាំ២០១២ Castillo Hidalgo Carolina បានប្រកួតចាញ់កីឡាការនីម៉ុងហ្គោលី Davaasükhiin Otgontsetseg នៅវគ្គជម្រុះ៕
កីឡាការិនី ចូវ សុធារ៉ា និងកីឡាការិនីកូឡុំប៊ី Castillo Hidalgo Carolina សុទ្ធតែឡើងមកកាន់វគ្គ១៦ក្រុមចុងក្រោយដោយស្វ័យប្រវត្តិ ដោយមិនចាំបាច់ប្រកួតនៅវគ្គជម្រុះ។ យោងតាមទំព័រហ្វេសប៊ុករបស់គណៈកម្មាធិការជាតិអូឡាំពិកកម្ពុជា (NOCC) កីឡាការិនីវៀតណាម Thi Hang Vu ដែលជាគូប្រជែងរបស់សុធារ៉ា នៅវគ្គជម្រុះ បានឡើងលើសទម្ងន់ ខណៈកីឡាការិនីហុងឌូរ៉ាស Brenda Yamyleth Bailey Gomez ដែលជាគូប្រជែងរបស់ Carolina មានបញ្ហារបួសនៅពេលហ្វឹកហាត់។
កីឡាការិនីសរុប១៨រូប បើកការប្រកួតដណ្តើមយកមេដាយលើប្រភេទទម្ងន់៤៨គីឡូក្រាមនៅសង្វៀន Carioca Arena 2 នារាត្រី។ សម្រាប់កីឡាការិនីចំបាប់កម្ពុជា ចូវ សុធារ៉ា ការប្រកួតនេះនឹងក្លាយជាអនុស្សាវរីយ៍ដ៏ចងចាំបំផុតរបស់ខ្លួនក្នុងព្រឹត្តិការណ៍កីឡាអូឡាំពិក នៅមុនខ្លួនចូលនិវត្តពីអាជីពជាកីឡាការិនី ដើម្បីបន្តការងារជាគ្រូចំបាប់ និងជាមន្ត្រីកីឡា។
សុធារ៉ា វ័យ៣២ឆ្នាំ ដែលរកបានមេដាយមាសចំនួន២សម្រាប់កម្ពុជាពីព្រឹត្តិការណ៍កីឡាស៊ីហ្គេម ទទួលបានសិទ្ធិអនុគ្រោះចូលរួមក្នុងព្រឹត្តិការណ៍អូឡាំពិកនៅ Rio រីឯកីឡាការិនី Castillo Hidalgo Carolina វ័យ២៥ឆ្នាំ ទទួលបានសិទ្ធិពេញលេញ។
Castillo Hidalgo Carolina ដែលជាគូប្រជែងរបស់ ចូវ សុធារ៉ា ធ្លាប់ជាប់ចំណាត់ថ្នាក់លេខ៥ពិភពលោកក្នុងទម្ងន់៤៨គីឡូក្រាម កាលពីឆ្នាំ២០១១ ហើយធ្លាក់នៅលេខ១០ កាលពីឆ្នាំ២០១៥។ ក្នុងឆ្នាំ២០១៥ កីឡាការិនីកូឡុំប៊ីរូបនេះ បានឈ្នះមេដាយអន្តរជាតិចំនួន៥ ក្នុងនោះ មេដាយមាសក្នុងព្រឹត្តិការណ៍ German Grand Prix និងមេដាយសំរឹទ្ធក្នុងព្រឹត្តិការណ៍ Pan American Games។ កាលពីព្រឹត្តិការណ៍អូឡាំពិកក្រុងឡុងដ៍ឆ្នាំ២០១២ Castillo Hidalgo Carolina បានប្រកួតចាញ់កីឡាការនីម៉ុងហ្គោលី Davaasükhiin Otgontsetseg នៅវគ្គជម្រុះ៕
Tag:
RIO2016
ចូវ សុធារ៉ា
ចំបាប់
© រក្សាសិទ្ធិដោយ thmeythmey.com
