ជាតិ
កម្ពុជាចង់រៀបចំប្រព័ន្ធចំណីអាហារស្តង់ដាHalalដើម្បីទាក់ទាញទេសចរឥស្លាម
រូបភាពពី៖ក្រសួងពាណិជ្ជកម្ម
×![]()
ប្រទេសកម្ពុជាកំពុងចាប់អារម្មណ៍ខ្លាំង លើការរៀបចំប្រព័ន្ធចំណីអាហារតាមបែបសាសនាឥស្លាម គឺស្តង់ដា ហាឡាល់ (Halal)។ កម្ពុជាបានជ្រើសរើសយកប្រទេសម៉ាឡេស៊ី ជាដៃគូដែលអាចរៀបចំស្តង់ដាហាឡាល់ ព្រោះថាម៉ាឡេស៊ីជាប្រទេសឥស្លាម ហើយមានបទពិសោធន៍ច្រើនលើការងារមួយនេះ។
រដ្ឋមន្ត្រីក្រសួងពាណិជ្ជកម្មកម្ពុជា លោក ប៉ាន សូរស័ក្ត បានឲ្យដឹងថា ជារឿងមួយដ៏ចាំបាច់ ដែលកម្ពុជាគួររៀបចំប្រព័ន្ធចំណីអាហារតាមស្តង់ដាហាឡាល់។ លោកបញ្ជាក់ថា ប្រសិនបើកម្ពុជាអាចរៀបចំស្តង់ដាហាឡាល់បានមែននោះ វាជាឳកាសមួយ ដើម្បីទាក់ទាញភ្ញៀវទេសចរឥស្លាម ដែលសព្វថ្ងៃមានចំនួនតិចតួចនៅឡើយនោះ។
ក្នុងបទសម្ភាសជាមួយអ្នកសារព័ត៌មានកាលពីថ្ងៃទី៩ សីហា គឺក្រោយពីកិច្ចប្រជុំទ្វេភាគីរវាងក្រសួងពាណិជ្ជកម្មកម្ពុជា និងក្រសួងពាណិជ្ជកម្មអន្តរជាតិ និងឧស្សាហកម្ម ម៉ាឡេស៊ី លោក ប៉ាន សូរស័ក្ត បានរៀបរាប់ត្រួសៗពីការរៀបចំស្តង់ដាហាឡាល់។ លោកពន្យល់ថា ហាឡាល់ គឺជាប្រព័ន្ធស្តង់ដាមួយ ដែលរៀបចំតាមបច្ចេកទេស និងមានអនាម័យ ដោយគោរពតាមគោលការណ៍ក្នុងច្បាប់សាសនាឥស្លាម ដែលមានចែងក្នុងគម្ពីសាសនា។ ក្នុងនោះដែរលោករដ្ឋមន្ត្រីបញ្ជាក់ថា ហាឡាល់ គឺមិនសំដៅតែលើអាហារមួយមុខប៉ុណ្ណោះទេ ក្នុងនោះទាក់ទងនឹងការស្លៀកពាក់ គ្រឿងតុបតែងខ្លួន។ល។ ដែលផ្តោតសំខាន់លើបញ្ហាអនាម័យជាធំ។
លោករដ្ឋមន្ត្រីបន្ថែមទៀតថា ទាំងរបៀបរបបនៃការសម្លាប់សត្វ គេធ្វើយ៉ាងណាឲ្យសត្វស្លាប់ទៅដោយងាយស្រួល និងមិនទទួលរងនូវទុក្ខវេទនាឡើយ ហើយការរៀបចំទុកដាក់ គឺត្រូវមានអនាម័យបំផុត។ លោករដ្ឋមន្ត្រីបន្តទៀតថា៖«ចំពោះខ្ញុំយល់ថា វាជាស្តង់ដាមួយល្អ ព្រោះកម្ពុជាអត់ទាន់មានស្តង់ដានេះទេ ជួលកាលម្ហូបអាហារមានជាតិពុល សត្វឈឺ តែពេលយើងមានស្តង់ដាបែបនេះចូលមក គឺយើងទុកចិត្ត និងអាចហូបបាន។ ថ្ងៃក្រោយយើងអាចបង្កើតស្តង់ដានេះដោយខ្លួនឯង»។
កម្ពុជាកំពុងរកកិច្ចសហការគ្នាជាមួយប្រទេសម៉ាឡេស៊ី ដើម្បីឲ្យប្រទេសឥស្លាមមួយនេះ ជួយរៀបចំប្រព័ន្ធស្តង់ដាហាឡាល់។ រដ្ឋមន្ត្រីក្រសួងពាណិជ្ជកម្មទទួលស្គាល់ថា ផលិតផលហាឡាល់នាពេលបច្ចុប្បន្ន កំពុងមានទីផ្សារល្អ ជាពិសេសនៅប្រទេសអឺរ៉ុប ព្រោះគេឲ្យតម្លៃខ្ពស់លើស្តង់ដាមួយនេះ។ ប្រសិនបើប្រទេសកម្ពុជាអាចរៀបចំប្រព័ន្ធស្តង់ដាហាឡាល់បាននោះ កម្ពុជានឹងអាចទាក់ទាញអ្នកទេសចរឥស្លាមកាន់តែច្រើន ដែលបច្ចុប្បន្នតួលេខបង្ហាញថា នៅមានចំនួនតិចតួចនៅឡើយ។ ជាងនេះទៅទៀត វាអាចបង្កើតកម្លាំងពលកម្មជាច្រើន ដល់យុវជនកម្ពុជាផងដែរ។ នេះជាការបញ្ជាក់របស់លោក ប៉ាន សូរស័ក្ត។
យ៉ាងណាក៏ដោយ លោករដ្ឋមន្ត្រីបានឲ្យដឹងដែរថា គោលការណ៍រៀបចំប្រព័ន្ធស្តង់ដាហាឡាល់នេះ ត្រូវបានអនុញ្ញាតពីលោកនាយករដ្ឋមន្ត្រីរួចហើយ ប៉ុន្តែរាជរដ្ឋាភិបាលមានផលលំបាកក្នុងការរៀបចំអនុក្រិត្យ។ អនុក្រិត្យដែលលោក ប៉ាន សូរស័ក្ត អះអាងថា ត្រូវការប្រើពេលយូរ ព្រោះស្តង់ដាមួយនេះទាក់ទងច្បាប់សាសនា ដែលត្រូវការអ្នកចេះដឹងផ្នែកច្បាប់សាសនាឥស្លាមជាច្រើន ដើម្បីរៀបចំឲ្យបានត្រឹមត្រូវ៕
រដ្ឋមន្ត្រីក្រសួងពាណិជ្ជកម្មកម្ពុជា លោក ប៉ាន សូរស័ក្ត បានឲ្យដឹងថា ជារឿងមួយដ៏ចាំបាច់ ដែលកម្ពុជាគួររៀបចំប្រព័ន្ធចំណីអាហារតាមស្តង់ដាហាឡាល់។ លោកបញ្ជាក់ថា ប្រសិនបើកម្ពុជាអាចរៀបចំស្តង់ដាហាឡាល់បានមែននោះ វាជាឳកាសមួយ ដើម្បីទាក់ទាញភ្ញៀវទេសចរឥស្លាម ដែលសព្វថ្ងៃមានចំនួនតិចតួចនៅឡើយនោះ។
ក្នុងបទសម្ភាសជាមួយអ្នកសារព័ត៌មានកាលពីថ្ងៃទី៩ សីហា គឺក្រោយពីកិច្ចប្រជុំទ្វេភាគីរវាងក្រសួងពាណិជ្ជកម្មកម្ពុជា និងក្រសួងពាណិជ្ជកម្មអន្តរជាតិ និងឧស្សាហកម្ម ម៉ាឡេស៊ី លោក ប៉ាន សូរស័ក្ត បានរៀបរាប់ត្រួសៗពីការរៀបចំស្តង់ដាហាឡាល់។ លោកពន្យល់ថា ហាឡាល់ គឺជាប្រព័ន្ធស្តង់ដាមួយ ដែលរៀបចំតាមបច្ចេកទេស និងមានអនាម័យ ដោយគោរពតាមគោលការណ៍ក្នុងច្បាប់សាសនាឥស្លាម ដែលមានចែងក្នុងគម្ពីសាសនា។ ក្នុងនោះដែរលោករដ្ឋមន្ត្រីបញ្ជាក់ថា ហាឡាល់ គឺមិនសំដៅតែលើអាហារមួយមុខប៉ុណ្ណោះទេ ក្នុងនោះទាក់ទងនឹងការស្លៀកពាក់ គ្រឿងតុបតែងខ្លួន។ល។ ដែលផ្តោតសំខាន់លើបញ្ហាអនាម័យជាធំ។
លោករដ្ឋមន្ត្រីបន្ថែមទៀតថា ទាំងរបៀបរបបនៃការសម្លាប់សត្វ គេធ្វើយ៉ាងណាឲ្យសត្វស្លាប់ទៅដោយងាយស្រួល និងមិនទទួលរងនូវទុក្ខវេទនាឡើយ ហើយការរៀបចំទុកដាក់ គឺត្រូវមានអនាម័យបំផុត។ លោករដ្ឋមន្ត្រីបន្តទៀតថា៖«ចំពោះខ្ញុំយល់ថា វាជាស្តង់ដាមួយល្អ ព្រោះកម្ពុជាអត់ទាន់មានស្តង់ដានេះទេ ជួលកាលម្ហូបអាហារមានជាតិពុល សត្វឈឺ តែពេលយើងមានស្តង់ដាបែបនេះចូលមក គឺយើងទុកចិត្ត និងអាចហូបបាន។ ថ្ងៃក្រោយយើងអាចបង្កើតស្តង់ដានេះដោយខ្លួនឯង»។
កម្ពុជាកំពុងរកកិច្ចសហការគ្នាជាមួយប្រទេសម៉ាឡេស៊ី ដើម្បីឲ្យប្រទេសឥស្លាមមួយនេះ ជួយរៀបចំប្រព័ន្ធស្តង់ដាហាឡាល់។ រដ្ឋមន្ត្រីក្រសួងពាណិជ្ជកម្មទទួលស្គាល់ថា ផលិតផលហាឡាល់នាពេលបច្ចុប្បន្ន កំពុងមានទីផ្សារល្អ ជាពិសេសនៅប្រទេសអឺរ៉ុប ព្រោះគេឲ្យតម្លៃខ្ពស់លើស្តង់ដាមួយនេះ។ ប្រសិនបើប្រទេសកម្ពុជាអាចរៀបចំប្រព័ន្ធស្តង់ដាហាឡាល់បាននោះ កម្ពុជានឹងអាចទាក់ទាញអ្នកទេសចរឥស្លាមកាន់តែច្រើន ដែលបច្ចុប្បន្នតួលេខបង្ហាញថា នៅមានចំនួនតិចតួចនៅឡើយ។ ជាងនេះទៅទៀត វាអាចបង្កើតកម្លាំងពលកម្មជាច្រើន ដល់យុវជនកម្ពុជាផងដែរ។ នេះជាការបញ្ជាក់របស់លោក ប៉ាន សូរស័ក្ត។
យ៉ាងណាក៏ដោយ លោករដ្ឋមន្ត្រីបានឲ្យដឹងដែរថា គោលការណ៍រៀបចំប្រព័ន្ធស្តង់ដាហាឡាល់នេះ ត្រូវបានអនុញ្ញាតពីលោកនាយករដ្ឋមន្ត្រីរួចហើយ ប៉ុន្តែរាជរដ្ឋាភិបាលមានផលលំបាកក្នុងការរៀបចំអនុក្រិត្យ។ អនុក្រិត្យដែលលោក ប៉ាន សូរស័ក្ត អះអាងថា ត្រូវការប្រើពេលយូរ ព្រោះស្តង់ដាមួយនេះទាក់ទងច្បាប់សាសនា ដែលត្រូវការអ្នកចេះដឹងផ្នែកច្បាប់សាសនាឥស្លាមជាច្រើន ដើម្បីរៀបចំឲ្យបានត្រឹមត្រូវ៕
Tag:
ប្រព័ន្ធស្តង់ដាហាឡាល់
ប៉ាន សូរស័ក្ត
© រក្សាសិទ្ធិដោយ thmeythmey.com
