ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សេដ្ឋកិច្ច
«វិធីសាស្ត្រកម្លោចរូបគំនូរលើស្លឹកត្នោត»ជាស្នាដៃកូនខ្មែរលើកដំបូង ដែលទទួលចុះបញ្ជីតក្កកម្ម
19, Aug 2016 ,
9:59 pm
រូបភាព
×
ដោយ:
ភ្នំពេញ៖ ប្រកាសនីយបត្រតក្កកម្ម (Patent) គឺជាការទទួលចុះបញ្ជីពីរដ្ឋាភិបាល ចំពោះស្នាដៃ ដែលជាការរកឃើញនូវវិធីសាស្ត្រថ្មី ឬបច្ចេកវិទ្យាថ្មីណាមួយ។ វិធីសាស្ត្រកម្លោចរូបគំនូរលើស្លឹកត្នោត ដែលរកឃើញដោយវិចិត្រករ រឿម ប៊ុនហាក់ ត្រូវបានរដ្ឋាភិបាលទទួលចុះបញ្ជីនៅថ្ងៃម្សិលមិញនេះ។ បើតាមការអះអាងរបស់មន្ត្រីជាន់ខ្ពស់ក្រសួងឧស្សាហកម្ម និងសិប្បកម្ម ស្នាដៃនេះ គឺជាស្នាដៃកូនខ្មែរលើកដំបូង ដែលទទួលបានការចុះបញ្ជីតក្កកម្ម។
ក្រសួងឧស្សាហកម្ម និងសិប្បកម្ម នៅថ្ងៃទី១៨ខែសីហា បានរៀបចំពីធីប្រគល់វិញ្ញាបនបត្រប្រកាសនីយបត្រតក្កម្ម ជូនដល់លោក រឿម ប៊ុនហាក់ សម្រាប់ការរកឃើញ«វិធីសាស្ត្រគូររូបភាពដោយប្រើប្រាស់ដែកក្បាលមាន់ដុតឲ្យក្ដៅគូរលើស្លឹកត្នោត»។
រដ្ឋមន្ត្រីក្រសួងឧស្សាហកម្ម និងសិប្បកម្ម លោក ចម ប្រសិទ្ធ ឲ្យដឹងថា ការទទួលចុះបញ្ជីពីរដ្ឋាភិបាលចំពោះវិធីសាស្ត្រគូររូបបែបថ្មីនេះ នឹងផ្ដល់អត្ថប្រយោជន៍ដល់លោក រឿម ប៊ុនហាក់ ដែលជាម្ចាស់ស្នាដៃ ក្នុងរយៈពេល២០ឆ្នាំ។ លោកបន្ថែមថា លោក ប៊ុនហាក់ ជាម្ចាស់កម្មសិទ្ធិផ្ដាច់មុខលើស្នាដៃរបស់ខ្លួន ហើយបើបុគ្គលណាម្នាក់ចង់ប្រកបអាជីវកម្មគូររូប ដោយប្រើវិធីសាស្ត្រនេះ គឺត្រូវសុំសិទ្ធិពីម្ចាស់ដើមជាមុនសិន បើមិនដូច្នោះទេនឹងក្លាយជាអំពើរំលោកកម្មសិទ្ធិបញ្ញា ដែលត្រូវទទួលខុសត្រូវមុខច្បាប់។
លោក ចម ប្រសិទ្ធិ អះអាងថា វិធីសាស្ត្រគូគំនូរបែបថ្មី ដែលទើបទទួលបានការចុះបញ្ជីនេះ គឺជាស្នាដៃលើកដំបូងនៅលើសកលោក។
បើតាមអ្នកជំនាញក្នុងវិស័យនេះ ការរកឃើញវិធីសាស្ត្រថ្មី ដែលអាចចុះបញ្ជីតក្កកម្មបាន លុះត្រាតែវិធីសាស្ត្រនោះ មិនត្រូវបានបុគ្គលណាម្នាក់រកឃើញពីមុនមកនៅលើពិភពលោក។ ហើយស្នាដៃតក្កកម្មនេះ ត្រូវបានការពារនៅលើទឹកដីនៃប្រទេសដែលទទួលចុះបញ្ជី។
លោក ចម ប្រសិទ្ធិ បញ្ជាក់ថា កម្ពុជាបានផ្ដល់ Patent ដល់ស្នាដៃចំនួន៥ តែស្នាដៃ ៤ក្នុងចំណោមនោះ គឺជាស្នាដៃបរទេស ដែលសុំចុះបញ្ជីនៅកម្ពុជា ដើម្បីទទួលការកាពាលើទឹកដីកម្ពុជា។ ហើយស្នាដៃរបស់លោក រឿម ប៊ុនហាក់ គឺជាស្នាដៃកូនខ្មែរទី១ ដែលទទួលបានការចុះបញ្ជីតក្កកម្ម។
រដ្ឋមន្ត្រីក្រសួងឧស្សាហកម្ម និងសិប្បកម្មរូបនេះ បន្ថែមថា មានការដាក់ពាក្យសុំចុះបញ្ជីតក្កកម្មច្រើន តែកម្ពុជានៅខ្វះធនធានមនុស្ស ដើម្បីពិនិត្យផ្នែកបច្ចេកទេសលើស្នាដៃ ដែលសុំចុះបញ្ជីទាំងនោះ។ លោកបន្តថា ក្រៅពីនោះនៅកម្ពុជាមានស្នាដៃប្រភេទតក្កកម្ម ឬប្រភេទផ្សេង ជាច្រើនទៀត តែម្ចាស់ស្នាដៃ មិនមកដាក់ពាក្យសុំចុះបញ្ជី។
វិចិត្រករ រឿម ប៊ុនហាក់ ថ្លែងថា លោកមានគំនិតបង្កើតវិធីសាស្ត្រគូររូបបែបថ្មីនេះ នៅឆ្នាំ២០០៧ ។ «ពេលខ្ញុំប្រមូលសំរាមដុត ដែលមានទាំងស្លឹកត្នោតផងនោះ ខ្ញុំមើលស្លឹកត្នោតដែលកំពុងឆេះ ឃើញជារូបភាពផ្សេងៗ ទើបខ្ញុំនឹកឃើញយកដែកក្បាលមាន់មកដុត រួចគូរលើស្លឹកត្នោត»។ នេះជាបញ្ជាក់របស់លោក ប៊ុនហាក់ ។
លោករៀបទៀតថា៖«យើងយកស្លឹកត្នោតស្ងួតមកបិតលើបន្ទះឈើកុងផ្លាកេ រួចយកដែកក្បាលមាន់មកគូរពីលើស្លឹកត្នោតនោះ។ កន្លែងដែលត្រូវការខ្មៅដិតខ្លាំង យើងប្រើដែកក្នុងកម្ដៅខ្លាំង ឯកន្លែងស្រាលៗ កម្ដៅដែកទៅតាមនោះ»។
រូបគំនូរ ដែលប្រើវិធីសាស្ត្រថ្មីនេះ លោក ប៊ុនហាក់ លក់ក្នុងតម្លៃចាប់ពី១០ដុល្លារ រហូតដល់៨០ដុល្លារ តាមរូបតូចធំ តែសម្រាប់អតិថិជនបរទេសលោកលក់ជូនក្នុងតម្លៃផ្សេង។ លោកអាចផលិតរូបគំនូរបាន៣ផ្ទាំងក្នុងមួយថ្ងៃ សម្រាប់គំនូរតូច តែបើជាគំនូរផ្ទាំងធំ លោក ប៊ុនហាក់ ត្រូវចំណាយពេលបីបួនថ្ងៃឯណោះ។
ការចុះបញ្ជីតក្កកម្ម សម្រាប់ស្នាដៃលោក ប៊ុនហាក់ ត្រូវចំណាយថវិកា ១លាននិង៤ម៉ឺនរៀល តែប្រាក់នេះ លោក ចម ប្រសិទ្ធ បានជួយបង់ជូនរដ្ឋទាំងអស់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
គំនូរ
រឿម ប៊ុនហាក់
patent
© រក្សាសិទ្ធិដោយ thmeythmey.com
អត្ថបទពេញនិយម
«មជ្ឈការ»មានន័យខុសពី«វិមជ្ឈការ»ដូចម្តេច?
7 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
1 ថ្ងៃ
«ប្រេសិត»មានន័យដូចម្តេច?
1 សប្តាហ៍
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
អត្ថបទពេញនិយមបន្ថែម