ពីនេះ ពីនោះ
×![]()
ដោយ: ថ្មីៗ
នរណាក៏យល់ពាក្យ«ខ្លាញ់»នេះដែរ។ ពាក្យ«ខ្លាញ់» មានន័យត្រង់ និងសាមញ្ញថា សារធាតុទឹករាវដែលគេអាចចំរាញ់ចេញពីសត្វត្រី គោ ជ្រូក មាន់ ទា។ល។ ឧទាហរណ៍ថា គេយក«ខ្លាញ់»ជ្រូកទៅឆាខ្ញីជាមួយសាច់គោដើម្បីពិសាជាមួយបាយកកនៅពេលល្ងាច។ តែអត្ថន័យអរូបីមួយទៀត គឺមានន័យទាក់ទងនឹងអំពើពុករលួយ។ សំណួរជាច្រើន ច្រើនសួរឡើងថា តើអ្នកធ្វើការនៅកន្លែង«ខ្លាញ់»ឬទេ? 
«ខ្លាញ់»នៅក្នុងន័យនេះ គឺទាក់ទងទៅនឹងការរកចំណូលបានច្រើន ឬអត់។ គ្មានការបញ្ជាក់ថា ពាក្យនេះ មានន័យអវិជ្ជមាន ឬវិជ្ជមានទេ។ តែគ្រាន់តែគេគិតជាទូទៅថា បើបុគ្គលនេះធ្វើការនៅកន្លែង«ខ្លាញ់» មនុស្សភាគច្រើនតែងយល់ថា ការរកចំណូលនៅកន្លែង«ខ្លាញ់»ច្រើនតែជាចំណូលមិនស្របច្បាប់។ តែពេលខ្លះ ក៏វាស្របច្បាប់ដែរ។ ពាក្យ«កន្លែងខ្លាញ់»នេះ ត្រូវបានគេសង្កេតឃើញថា វាបានកើតឡើងច្រើននៅក្នុងទសវត្សរ៍៩០ ហើយត្រូវបានគេប្រើតៗគ្នារហូតមកដល់ពេលនេះ។ មនុស្សវ័យចំណាស់យល់ច្បាស់ពីអត្ថន័យរបស់វា តែក្មេងៗដែលមានអាយុក្រោម១៥ឆ្នាំ មិនសូវយល់ពីន័យធៀបរបស់ពាក្យនេះទេ ប្រសិនបើមនុស្សចាស់ប្រើប្រាស់ពាក្យនេះ ជាលើកទី១ ទៅកាន់ក្មេងៗ៕
© រក្សាសិទ្ធិដោយ thmeythmey.com
