ជាតិ
នយោបាយជាតិ
×![]()
ដោយ: ម៉ៅ សុផា
អនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក គូយ ប៊ុនរឿន អះអាងថា ប្រធានគណបក្សសង្គ្រោះជាតិ ឯកឧត្តម សម រង្ស៊ី អាចមានសិទ្ធិចុះឈ្មោះបោះឆ្នោតបាន នៅអាណត្តិក្រោយនេះ។ តែលោក មិនបានលើកពីមាត្រានៃច្បាប់បោះឆ្នោត ដែលអាចបញ្ជាក់ពីអំណះអំណាងណាមួយឡើយ។
ថ្លែងនៅក្នុងសន្និសីទកាសែតព្រឹកនេះលោក គួយ ប៊ុនរឿន គ្រាន់តែបញ្ជាក់ដូច្នេះថា បើតាមគោលការណ៍ច្បាប់នោះឯកឧត្តម សម រង្ស៊ី អាចមានសិទ្ធិពេញលេញ ក្នុងការចុះឈ្មោះបោះឆ្នោត។ ប៉ុន្តែការចុះឈ្មោះនេះ គេអាចមានសិទ្ធិប្ដឹងជំទាស់ឯកឧត្តម សម រង្ស៊ី មិនឲ្យចុះឈ្មោះបាន បើសិនជាគេរកឃើញថា ការចុះឈ្មោះបោះឆ្នោតរបស់ប្រមុខបកសង្គ្រោះជាតិរូបនេះ មានភាពមិនប្រក្រតីនោះ។
ការលើកឡើងរបស់លោក គួយ ប៊ុនរឿន នេះធ្វើឡើងផ្ទុយពីការបកស្រាយរបស់ប្រធានគណកម្មាធិការរៀបចំការបោះឆ្នោត លោក ស៊ិក ប៊ុនហុក ដែលធ្លាប់បញ្ជាក់ថា ឯកឧត្តម សម រង្ស៊ី មិនអាចចុះឈ្មោះបោះឆ្នោត និងមិនអាចឈរឈ្មោះបោះឆ្នោតបានទេ ព្រោះតែប្រធានបក្សប្រឆាំងរូបនេះ មានឈ្មោះជា«ទណ្ឌិត» ដែលច្បាប់បោះឆ្នោតមិនអនុញ្ញាតឲ្យមានសិទ្ធិបោះឆ្នោតឡើយ៕
Tag:
សម រង្ស៊ី
គ.ជ.ប
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
