ពីនេះ ពីនោះ
១៦ ហេតុផល ដែលពលរដ្ឋចាំបាច់ត្រូវទៅចុះឈ្មោះបោះឆ្នោត និងទៅបោះឆ្នោត
× ភ្នំពេញ៖ ការគិតបែបទុទ្ទិដ្ឋិនិយមថា «មិនថាបក្សណា ឬបក្សណាគឺដូចតែគ្នា ហេតុនេះ មិនចាំបាច់ទៅចុះឈ្មោះ ឬទៅបោះឆ្នោតទេ» គឺមិនត្រឹមត្រូវទាំងការគិត និងកាតព្វកិច្ច ក្នុងនាមជាប្រជាពលរដ្ឋដែលបានចែងក្នុងរដ្ឋធម្មនុញ្ញ។ ព្រោះការសម្រេចជ្រើសរើសថ្នាក់ដឹកនាំប្រទេស តាមរយៈការបោះឆ្នោត គឺជាមាគ៌ាសំខាន់បំផុត ក្នុងការកែប្រែមុខមាត់ប្រទេស។ ខាងក្រោមនេះ ជាហេតុផលដែលពលរដ្ឋចាំបាច់ត្រូវតែទៅចុះឈ្មោះ និងទៅបោះឆ្នោត៖
១.ការបោះឆ្នោត គឺបង្ហាញពីសង្គមមួយដែលមានរបៀបដឹកនាំតាមបែបប្រជាធិបតេយ្យ
២.ការបោះឆ្នោតបង្ហាញថា ប្រជាពលរដ្ឋមានសិទ្ធិ និងសេរីភាពគ្រប់គ្រាន់ដើម្បីជ្រើសរើសមេដឹកនាំរបស់ខ្លួន
៣.ការបោះឆ្នោត បញ្ជាក់ថាវាសនាជាតិស្ថិតនៅលើដៃរបស់ប្រជាជនជាអ្នកសម្រេច មិនមែនស្ថិតនៅលើការសម្រេចរបស់មនុស្សមួយក្រុម
៤.ការបោះឆ្នោត បង្ហាញថាអំណាចពលរដ្ឋមានឥទ្ធិពលខ្លាំងទៅលើក្រុមអ្នកដឹកនាំ
៥.ការបោះឆ្នោត អាចធ្វើឲ្យរបបដឹកនាំសង្គមមានការប្រែប្រួល
៦.ការបោះឆ្នោតបង្ហាញពីការទទួលខុសត្រូវជាចម្បងមួយរបស់ប្រជាពលរដ្ឋ
៧.ការបោះឆ្នោត ជាឱកាសដែលពលរដ្ឋអាច ជ្រើសរើសអ្នកមានសមត្ថភាពការងារ ទស្សនវិជា្ជក្នុងការដោះស្រាយបញ្ហាជាតិ និងការបេ្ដជ្ញាចិត្តបម្រើសុខុមាលភាព
របស់ប្រជាជន និងការខិតខំកសាងប្រទេសជាតិ
៨.ការបោះឆ្នោត ជាជំហ៊ានដើម្បីទៅ ពង្រឹងគុណភាពនៃការដឹកនាំគ្រប់លំដាប់ថ្នាក់
៩.ការបោះឆ្នោត ជាដំណើដ៏សន្តិភាពមួយ ដែលប្រជាពលរដ្ឋមានសិទ្ធិ និងឱកាសបញ្ចេញគំនិតរបស់ខ្លួនដោយសម្ងាត់លើសន្លឹកឆ្នោត
១០.ការបោះឆ្នោត មួយសន្លឹកឆ្នោតរបស់ម្ចាស់ឆ្នោត គឺជាការកំណត់ជោគវាសនារបស់ប្រទេសជាតិ មានសារៈប្រយោជន៍ដល់ជាតិ និងសារៈប្រយោជន៍ដល់ម្ចាស់ឆ្នោត
១១. ការបោះឆ្នោត ជាយុទ្ធសាស្ត្រផ្លាស់ប្តូរអ្នកដឹកនាំដោយសន្តិវិធី គ្មានការប្រើអំពើហិង្សា
១២.ការបោះឆ្នោត ជាសម្ពាធធ្វើអោយអ្នកដឹកនាំមានការទទួលខុសត្រូវផ្ទាល់ ចំពោះមុខប្រជាពលរដ្ឋ
១៣.ការបោះឆ្នោត ជាគោលការណ៍លើកស្ទួយជីវភាពរស់នៅរបស់ប្រជាពលរដ្ឋដោយប្រយោលមួយ ដើម្បីឲ្យកាន់តែល្អប្រសើរ
១៤.ការបោះឆ្នោត ជាការអនុវត្តន៍សិទ្ធិនយោបាយ និងលទ្ធិប្រជាធិបតេយ្យ
១៥.ការបោះឆ្នោត ជាវិធីធានាការពារការប្រតិបត្តិសិទ្ធិសេរីទាំងអស់របស់បុគ្គល
១៦.ការបោះឆ្នោត ដែលរើសបានមេដឹកនាំល្អ នឹងធ្វើឲ្យមានការអភិវឌ្ឍសេដ្ឋកិច្ចជាតិ។
ហេតុផលទាំង ១៦ខាងលើអាចមិនទាន់គ្រប់គ្រាន់ ទៅលើអត្ថប្រយោជន៍នៃទៅចុះឈ្មោះ និងបោះឆ្នោតរបស់ប្រជាពលរដ្ឋ។ ប៉ុន្តែវាគឺជាកត្ដាសំខាន់ៗដែល បញ្ជាក់ដល់ពលរដ្ឋ កុំឲ្យបោះបង់ឱកាសក្នុងការចូលរួម ជ្រើសរើសអ្នកដឹកនាំដែលខ្លួនពេញចិត្ត មានសមត្ថភាព មានទស្សនវិស័យវែងឆ្ងាយ ដើម្បីឲ្យកាន់ការងារប្រទេសជាតិ។ ព្រោះឱកាស ប្រាំឆ្នាំទើបមានម្ដង៕
© រក្សាសិទ្ធិដោយ thmeythmey.com