ពីនេះ ពីនោះ
របៀបធ្វើពូទីនដ៏ងាយស្រួល
×
មនុស្សមួយចំនួនចូលចិត្តញ៉ាំបង្អែមពូទីននេះណាស់ ព្រោះវាមានរសជាតិឆ្ងាញ់។ ដូចនេះខាងក្រោមនេះយើងខ្ញុំនឹងប្រាប់អ្នកពីវិធីដែលងាយស្រួលបំផុតក្នុងការធ្វើ។ តើមានអ្វីខ្លះទៅ?
គ្រឿងផ្សំ ៖ ស្ករខ្មៅចំនួន៥០ក្រាម ទឹកចំនួន៥០ក្រាម ទឹកដោះគោចំនួន៤០០ក្រាម ស្ករសចំនួន៣០ក្រាម ពងមាន់ចំនួន៣គ្រាប់។
របៀបធ្វើ ៖
ដំបូងអ្នកត្រូវយកស្ករខ្មៅ និងទឹកដាក់ក្នុងកែវមួយ រួចកូរវាឲ្យសព្វ ទើបដាក់ចូលក្នុងម៉ៃក្រូវ៉ែយចំនួនមួយនាទីទើបយកចេញ។ ក្រោយពេលដែលយកចេញមករួច អ្នកអាចចាក់វាចូលទៅក្នុងកែវនីមួយៗ។
បន្ទាប់មកអ្នកអាចគោះពងមាន់ចូលទៅក្នុងចានមួយ រួចវ៉ៃវាឲ្យសព្វ ទើបចាក់ក្នុងសំណាញ់មួយដើម្បីត្រងយកកាកវាចេញចំនួន២ដង។
បន្ទាប់មកទៀតអ្នកអាចចាក់ទឹកដោះគោលាយជាមួយស្ករ ហើយដាក់ចូលក្នុងម៉ៃក្រូវ៉ែយចំនួនមួយនាទីកន្លះ ទើបចាក់ចូលទៅលាយជាមួយពងមាន់នោះ។
ក្រោយពេលដែលអ្នកលាយបញ្ចូលគ្នារួច អ្នកអាចចាក់ចូលទៅក្នុងកែវដែលមានស្ករខ្មៅ រួចយកវាទៅចំហុយចំនួន១៥នាទី ហើយទុកក្នុងឆ្នាំងចំនួន១០នាទីទើបអាចយកចេញមកញ៉ាំបាន។
ក្រោយពេលដែលអ្នកយកចេញពីឆ្នាំង អ្នកអាចយកវាទៅដាក់ក្លាសេក៏បាន ឬញ៉ាំក្តៅៗក៏បានទៅតាមចំណង់ចំណូលចិត្តអ្នក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com