ពីនេះ ពីនោះ
×![]()
ដោយ: ថ្មីៗ
ដីសព្រៃ, វល្លិស្ដំព្រៃ គឺជាឈ្មោះវល្លិវារលើដើមឈើមួយប្រភេទ ច្រើនដុះក្នុងព្រៃក្រាស់ និងព្រៃស្រោង។ 
វល្លិប្រភេទនេះ មានមើមទោលដុះឡើងមួយឆ្នាំម្ដង លើមើមចាស់ រាងមូល និងមានឫសខ្ចីៗ។ ចំណែកនៅគល់ស្លឹក លើបង្អស់ មានដុះពន្លកធាតុម្សៅ រាងពងក្រពើរ ឬរាងជាគោល។ ពន្លកគល់ស្លឹក ឬមើមក្នុងដី មានធាតុពុលម្យ៉ាង ត្រូវលាងទឹកច្រើនដង មុននឹងចម្អិន ទើបអាចបំបាត់ធាតុពុលនេះបាន។ ដើមវល្លិនេះ បើជា ដំណាំដែលគេដាំគ្មានជាតិពុលទេ គេអាចបរិភោគមើមបាន និងពន្លកគល់ស្លឹកបាន។
វល្លិដីសព្រៃនេះ មានដើមកំណើតក្នុងទ្វីបអាស៊ី គេនាំទៅដាំ ជាដំណាំគ្រប់ស្រុកក្ដៅលើសកលលោក។ ចំណែកគ្រូផ្សំថ្នាំ តែងយកពន្លកគល់ស្លឹក ដើមដីសព្រៃ នេះទៅធ្វើថ្នាំបំពោកលើដំបៅរលួយ ឲ្យឆាប់ជា។
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
