«បុរសប៉ះដៃនារី នាំឲ្យមានផ្ទៃពោះ» បង្ហាញពីល្បិចបុរស និងការប្រៀនប្រដៅកូនស្រី

ជាតិ

សង្គមជាតិ

«បុរសប៉ះដៃនារី នាំឲ្យមានផ្ទៃពោះ» បង្ហាញពីល្បិចបុរស និងការប្រៀនប្រដៅកូនស្រី

03, Sep 2016 , 9:59 pm

រូបភាព

ដោយ:

ភ្នំពេញ៖ ឪពុកម្ដាយ និងមនុស្សចាស់សម័យមុនតែងតែ ប្រៀនប្រដៅកូនស្រីរបស់ខ្លួនថា«កុំឲ្យមនុស្សប្រុសកាន់ដៃ ប្រយ័ត្នមានផ្ទៃពោះ»។ ពាក្យប្រៀនប្រដៅនេះ ត្រូវបានលោក ប៉ាង រតនា មន្ត្រីស្រាវជ្រាវវិទ្យាស្ថានភាសាជាតិនៃរាជបណ្ឌិត្យសភាកម្ពុជាអះអាងជាល្បិចរបស់ឪពុកម្ដាយក្នុងការ ការពារកូនស្រីរបស់ខ្លួន ពីមនុស្សប្រុសដែលខិលខូច។

មន្ត្រីស្រាវជ្រាវនៃវិទ្យាស្ថានភាសាជាតិនៃរាជបណ្ឌិត្យសភាកម្ពុជារូបនេះ បានលើកឡើងថា បុរសខិលខូច គឺដឹងយ៉ាងច្បាស់ថា ស្ត្រីមានអារម្មណ៍ស្រើបស្រាលពីតិច ទៅអារម្មណ៍ស្រើបស្រាលខ្លាំង ហើយនោះគឺជារឿងងាយស្រួលសម្រាប់មនុស្សខិលខូច ដែលមានបំណងមិនល្អចំពោះស្ត្រី។ លោកបញ្ជាក់ថានៅក្នុងចិត្តសាស្ត្ររបស់ស្ត្រី តែកាលណាកើតមានអារម្មណ៍ស្រើបស្រាលខ្លាំងហើយ គឺជាដំណាក់កាលមួយដែលពិបាកនៅក្នុងការប្រកែក កត្តានេះហើយដែលធ្វើឲ្យស្ត្រី និងយុវវ័យមួយចំនួនឈានដល់ការបាត់បង់ព្រហ្មចារីរបស់ខ្លួន។

នៅក្នុងការបង្ហាញបាឋកថា ប្រចាំខែសីហា ឆ្នាំ២០១៦ នៅពុទ្ធសាសនបណ្ឌិត្យ លោក ប៉ាង រតនា សង្កត់ធ្ងន់ថា ស្ត្រីត្រូវតែចេះដាក់ព្រំដែន ចំពោះបុរស ឬក៏សង្សាររបស់ខ្លួនដើម្បីចៀសវាងការកើតមានអារម្មណ៍ដែលនាំឲ្យបាត់បងនូវកិត្តយសរបស់ខ្លួន និងគ្រួសារ។

សូមអញ្ជើញស្តាប់ការពន្យល់ខ្លីរបស់លោក ប៉ាង រតនា មន្ត្រីស្រាវជ្រាវនៃវិទ្យាស្ថានភាសាជាតិនៃរាជបណ្ឌិត្យសភាកម្ពុជាដូចតទៅ៖