អន្តរជាតិ
Duterte នឹងជំរុញការគាំទ្រតំបន់«អាស៊ានគ្មានគ្រឿងញៀន»ក្នុងកិច្ចប្រជុំអាស៊ាននៅឡាវ
លោក Duterte នឹងជំរុញការគាំទ្រ«តំបន់អាស៊ានគ្មានគ្រឿងញៀន»ក្នុងកិច្ចប្រជុំកំពុលអាស៊ាននៅឡាវ
×![]()
លោក Rodrigo Duterte បានចេញដំណើរទៅប្រទេសឡាវដើម្បីចូលរួមកិច្ចប្រជុំកំពូលអាស៊ាននិងកិច្ចប្រជុំពាក់ព័ន្ធថ្ងៃចន្ទទី ៥កញ្ញានេះ ក្រោយលុបដំណើរទស្សនកិច្ច ២ថ្ងៃទៅប្រទេសព្រុយណេ។ ក្រៅពីចូលរួមកិច្ចប្រជុំ បុរសខ្លាំងរូបនេះអញ្ចើញទៅឡាវដើម្បីទទួលញញួរអាស៊ានពីឡាវដើម្បីត្រៀមធ្វើជាប្រធាននៃអង្គការតំបន់នេះនៅឆ្នាំក្រោយផង។ លោក Duturte ក៏នឹងលើកឡើងពីកង្វល់ជុំវិញបញ្ហាភេរវកម្ម រួមទាំងពន្យល់មេដឹកនាំឯទៀតពី «សង្គ្រាមប្រឆាំងគ្រឿងញៀន»ដ៏ចម្រូងចម្រាស ដែរ។ ហើយអ្វីដែលគួរឲ្យកត់សម្គាល់ លោកនឹងជំរុញឲ្យតំបន់ទាំងមូលលើកស្ទួយគោលនយោបាយ«អាស៊ានគ្មានគ្រឿងញៀន»ផងដែរ។
សូមស្តាប់ការបកស្រាយរបស់លោក សៅ ផលនិស្ស័យ៖
បុរសខ្លាំងហ្វីលីពីនលោក Rodrigo Duterte ចាប់ផ្តើមដំណើរទស្សនកិច្ចរបស់ផ្លូវការជាលើកដំបូងក្នុងនាមជាប្រមុខរដ្ឋហ្វីលីពីននៅថ្ងៃចន្ទទី ៥កញ្ញានេះ ដោយអញ្ជើញទៅចូលរួមកិច្ចប្រជុំកំពូលអាស៊ាននៅឡាវ។ យោងតាមសារព័ត៌មានហ្វីលីពីន Philippines Star លោក Duterte បានចេញដំណើរពីទីក្រុង Davao ឆ្ពោះត្រង់ទៅទីក្រុងវៀងចន្ទន៍តែម្តង។ គេរំពឹងថា លោកនឹងមានឱកាសជួបពិភាក្សាជាមួយបណ្តាមេដឹកនាំពិភពលោកផ្សេងទៀត រួមទាំងប្រធានាធិបតីអាមេរិកលោក បារ៉ាក់ អូបាម៉ាផងដែរ។
តាមពិតទៅ មុនចាកចេញទៅឡាវ លោក Duterte បានសម្រេចលុបចោលដំណើរទស្សនកិច្ចរយៈពេល ២ថ្ងៃ ទៅកាន់ប្រទេសព្រុយណេ។ កាលវិភាគនៃដំណើរដំបូងគឺ ទៅទស្សនកិច្ចនៅព្រុយណេនៅថ្ងៃអាទិត្យ ហើយថ្ងៃចន្ទលោកត្រូវចាកចេញពីព្រុយណេដើម្បីបន្តដំណើរទៅឡាវទៀត។ ការសម្រេចលុបចោលដំណើរទស្សនកិច្ចទៅកាន់ព្រុយណេនៅនាទីចុងក្រោយនេះ កើតឡើងដោយសារការបំផ្ទុះគ្រាប់នៅទីក្រុង Davao ដែលជាស្រុកកំណើតរបស់លោក។ ហើយហិង្សាប្រដាប់អាវុធនេះបានសម្លាប់មនុស្សមនុស្ស ១៤នាក់ និងធ្វើឲ្យមនុស្សច្រើននាក់ផ្សេងទៀតរងរបួស។ ក្រោយបំផ្ទុះគ្រាប់ ក្រុម Abu Sayyaf ដែលជាក្រុមឧទ្ទាមធំមួយនៅហ្វីលីពីននោះ បានប្រកាសថាខ្លួនជាអ្នកបង្កដែរ។ បច្ចុប្បន្ន ហ្វីលីពីនត្រូវស្ថិតក្រោមបទបញ្ញត្តិរដ្ឋធម្មនុញ្ញដែលប្រកាសដោយប្រធានាធិបតីដែលកំណត់ដាក់ប្រទេសក្នុង «ស្ថានភាពគ្មានច្បាប់គ្មានទម្លាប់»។ ប៉ូលិស ទាហាន និងកងកម្លាំងប្រដាប់អាវុធផ្សេងត្រូវបានគេពង្រាយទៅតាមទីតាំងសំខាន់ដើម្បីគ្រប់គ្រងស្ថានការណ៍ និងទប់ស្កាត់បញ្ហាហិង្សាប្រដាប់អាវុធនានាផងដែរ តែគ្មានការដាក់បម្រាមគោចរឡើយ។ ពេលលោក Duterte អវត្តមាន រដ្ឋមន្ត្រីទទួលបន្ទុកកិច្ចការងារប្រតិបត្តិ Salvador Medialdea នឹងទទួលបន្ទុកជាប្រធានាធិបតីស្តីទី ដើម្បីមើលការខុសត្រូវប្រទេសជាតិ។
ការអញ្ជើញទៅចូលរួមកិច្ចប្រជុំនៅឡាវនេះដែរ ក្រៅថាពីបង្ហាញខ្លួនក្នុងនាមជាមេដឹកនាំហ្វីលីពីនថ្មី លោក Duterte ក៏ពាំនាំបញ្ហាប្រឈមជាច្រើនរួមទាំងបញ្ហាភេរវកម្មដែលលងបន្លាច និងមានបញ្ហាតំបន់ផ្សេងទៀតជាច្រើនរួមទាំងបទឧក្រិដ្ឋជួញដូរគ្រឿងញៀនឆ្លងដែន ។ ហើយលោកក៏អញ្ជើញទៅទទួលញញួរអាស៊ានពីឡាវដើម្បីត្រៀមលក្ខណៈធ្វើជាប្រធានអាស៊ានប្តូរវេននៅឆ្នាំ ២០១៧ ខាងមុខដែរ។
១.លោក Duterte ត្រៀមខ្លួនធ្វើជាប្រធានាអាស៊ានប្តូរវេនឆ្នាំ ២០១៧
វត្តមានរបស់លោក Duterte នៅឡាវ ជារឿងដែលគួរឲ្យកត់សម្គាល់បំផុតព្រោះវាជាដំណើរទស្សនកិច្ចដំបូងបំផុតរបស់លោកផង ហើយវាជាពេលដែលលោកត្រូវតំណាងឲ្យហ្វីលីពីនដើម្បីបង្ហាញភាពជាអ្នកដឹកនាំក្នុងការធ្វើជាប្រធានអាស៊ាននៅឆ្នាំក្រោយ។ ហ្វីលីពីនឹងដឹកនាំអាស៊ានស្របពេលដែលបញ្ហាប្រឈមតំបន់ និងពិភពលោកកើនឡើងកាន់តែខ្លាំង។ ដូចឃើស្រាប់ ការគ្រោងចាកចេញពីសហភាពអឺរ៉ុបរបស់ចក្រភពអង់គ្លេសបង្ហាញពីការដើរថយក្រោយនៃសមាហរណកម្មតំបន់។ ការឃោសនាបោះឆ្នោតនៅអាមេរិកបង្ហាញឲ្យឃើញថា វានឹងមានភាពមិនច្បាស់លាស់ក្នុងគោលនយោបាយការបរទេស។ ភាពតានតឹងក្នុងជម្លោះសមុទ្រចិនខាងត្បូង និងការកើនឡើងចលនាភេរវកម្មក៏ បង្ហាញឲ្យឃើញពីភាពផុយស្រួយនៃសន្តិសុខតំបន់ផងដែរ។ ហើយអ្វីដែលសំខាន់ ហ្វីលីពីន ខ្លួនឯងដែលនឹងក្លាយជាមេដឹកនាំក៏កំពុងរងការរិះគន់ពីក្រុមសិទ្ធិមនុស្សរឿងបំពារបំពានសិទ្ធិមនុស្សធ្ងន់ធ្ងរ ដោយប្រើ«សង្គ្រាមប្រឆាំងឈ្មួញគ្រឿងញៀន»ដែរ។
ប៉ុន្តែរដ្ឋមន្ត្រីហិរញ្ញវត្ថុ ហ្វីលីពីន Carlos Dominguez បានអះអាងថា វាជាពេលវេលាសំខាន់ ព្រោះ ហ្វីលីពីន នឹងដឹកនាំអាស៊ានក្នុងពេលដែលស្ថាប័ននេះមានអាយុ ៥០ឆ្នាំល្មម។ ហ្វីលីពីនត្រៀមលក្ខណៈជាស្រេចដើម្បីរៀបចំកិច្ចប្រជុំច្រើនកម្រិតដូចដែលឡាវនិងប្រទេសសមាជិកអាស៊ានផ្សេងទៀតបានធ្វើដែរ ហើយរដ្ឋាភិបាលបានបង្កើនថវិកាជាតិដើម្បីសម្រួលដល់ការរៀបចំកិច្ចប្រជុំនេះដែរ។
បន្ទាប់ពីចាកចេញពីឡាវ ក្រោយបញ្ចប់ការចូលរួមកិច្ចប្រជុំកំពូលអាស៊ាននិងកិច្ចប្រជុំពាក់ព័ន្ធ លោក Duterte នឹងបន្តដំណើរទៅទស្សនកិច្ចនៅឥណ្ឌូនេស៊ី ហើយលោកនឹងជួបពិភាក្សាជាមួយប្រធានធិបតីឥណ្ឌូនេស៊ី Joko Widodo និងចុះជួបសហគមន៍ប្រជាជនហ្វីលីពីននៅទីនោះផងដែរ។ បញ្ហាប្រឆាំងគ្រឿងញៀនអាចជាប្រធានបទនៃកិច្ចពិភាក្សារវាងមេដឹកនាំទាំងពីរដែរ ព្រោះឥណ្ឌូនេស៊ីក៏កំពុងរងគ្រោះដោយសារគ្រឿងញៀននេះខ្លាំងដែរ។ ប៉ុន្តែឥណ្ឌូនេស៊ីត្រឹមអនុវត្តទោសប្រហារជីវិតអ្នកជួញដូរគ្រឿងញៀនប៉ុណ្ណោះ មិនមាន«សង្គ្រាម»ដូចហ្វីលីពីនទេ។
២.លោក Duterte ត្រៀមបកស្រាយរឿង «សង្គ្រាមគ្រឿងញៀន»ចំពោះមុខមេដឹកនាំតំបន់
និយាយដល់កិច្ចប្រជុំនៅឡាវ មានមេដឹកនាំពិភពលោកនិងតំបន់អាស៊ានជាច្រើននាក់បង្ហាញបំណងចង់ជួបជជែកពិភាក្សាជាមួយលោក Duterte។ អ្វីដែលធ្វើឲ្យលោកល្បីល្បាញគឺ គោលនយោបាយកណ្តាប់ដៃដែកកម្ចាត់ឈ្មួញគ្រឿងញៀន និង អត្តចរិត របស់លោកតែម្តង។ តែសម្រាប់ប្រទេសមួយចំនួន ក៏ដូចជាអង្គការសិទ្ធិមនុស្សបានរិះគន់ សង្គ្រាមដែលលោកកំពុងអនុវត្តដែរ។
បើតាមសារព័ត៌មាន Rappler លោកប្រធានាធិបតីហ្វីលីពីន នឹងត្រៀមពន្យល់បណ្តាមេដឹកនាំអាស៊ាន និងមេដឹកនាំផ្សេងទៀតពាក់ព័ន្ធសង្គ្រាមគ្រឿងញៀនដ៏ចម្រូងចម្រាសនេះ។ អ្នកក្រៅមិនបានយល់ច្បាស់ពីបញ្ហាដែលកើតឡើងនៅហ្វីលីពីនឡើយ ហើយគេរំពឹងថា អ្វីដែលលោកបកស្រាយនឹងអាចជម្រះមន្ទិលសង្ស័យនិងក្តីបារម្ភកន្លងមកដែរ។
ក្រៅពីនេះ លោកក៏នឹងតស៊ូមតិដោយជំរុញឲ្យមានការធានាឲ្យបាននូវតំបន់«គ្មានគ្រឿងញៀន»នៅទូទាំងអាស៊ានទាំងមូលផង។ អ្នកនាំពាក្យក្រសួងការបរទេសហ្វីលីពីន Charles Jose បានលើកឡើងថា ហ្វីលីពីននឹងជំរុញឲ្យមានការលើកកម្ពស់ចំណុចអាទិភាពមួយចំនួនក្នុងកិច្ចប្រជុំកំពូលអាស៊ាន ក្នុងនោះមាន «តំបន់អាស៊ានគ្មានគ្រឿងញៀន»ដែរ៕
សូមស្តាប់ការបកស្រាយរបស់លោក សៅ ផលនិស្ស័យ៖
បុរសខ្លាំងហ្វីលីពីនលោក Rodrigo Duterte ចាប់ផ្តើមដំណើរទស្សនកិច្ចរបស់ផ្លូវការជាលើកដំបូងក្នុងនាមជាប្រមុខរដ្ឋហ្វីលីពីននៅថ្ងៃចន្ទទី ៥កញ្ញានេះ ដោយអញ្ជើញទៅចូលរួមកិច្ចប្រជុំកំពូលអាស៊ាននៅឡាវ។ យោងតាមសារព័ត៌មានហ្វីលីពីន Philippines Star លោក Duterte បានចេញដំណើរពីទីក្រុង Davao ឆ្ពោះត្រង់ទៅទីក្រុងវៀងចន្ទន៍តែម្តង។ គេរំពឹងថា លោកនឹងមានឱកាសជួបពិភាក្សាជាមួយបណ្តាមេដឹកនាំពិភពលោកផ្សេងទៀត រួមទាំងប្រធានាធិបតីអាមេរិកលោក បារ៉ាក់ អូបាម៉ាផងដែរ។
តាមពិតទៅ មុនចាកចេញទៅឡាវ លោក Duterte បានសម្រេចលុបចោលដំណើរទស្សនកិច្ចរយៈពេល ២ថ្ងៃ ទៅកាន់ប្រទេសព្រុយណេ។ កាលវិភាគនៃដំណើរដំបូងគឺ ទៅទស្សនកិច្ចនៅព្រុយណេនៅថ្ងៃអាទិត្យ ហើយថ្ងៃចន្ទលោកត្រូវចាកចេញពីព្រុយណេដើម្បីបន្តដំណើរទៅឡាវទៀត។ ការសម្រេចលុបចោលដំណើរទស្សនកិច្ចទៅកាន់ព្រុយណេនៅនាទីចុងក្រោយនេះ កើតឡើងដោយសារការបំផ្ទុះគ្រាប់នៅទីក្រុង Davao ដែលជាស្រុកកំណើតរបស់លោក។ ហើយហិង្សាប្រដាប់អាវុធនេះបានសម្លាប់មនុស្សមនុស្ស ១៤នាក់ និងធ្វើឲ្យមនុស្សច្រើននាក់ផ្សេងទៀតរងរបួស។ ក្រោយបំផ្ទុះគ្រាប់ ក្រុម Abu Sayyaf ដែលជាក្រុមឧទ្ទាមធំមួយនៅហ្វីលីពីននោះ បានប្រកាសថាខ្លួនជាអ្នកបង្កដែរ។ បច្ចុប្បន្ន ហ្វីលីពីនត្រូវស្ថិតក្រោមបទបញ្ញត្តិរដ្ឋធម្មនុញ្ញដែលប្រកាសដោយប្រធានាធិបតីដែលកំណត់ដាក់ប្រទេសក្នុង «ស្ថានភាពគ្មានច្បាប់គ្មានទម្លាប់»។ ប៉ូលិស ទាហាន និងកងកម្លាំងប្រដាប់អាវុធផ្សេងត្រូវបានគេពង្រាយទៅតាមទីតាំងសំខាន់ដើម្បីគ្រប់គ្រងស្ថានការណ៍ និងទប់ស្កាត់បញ្ហាហិង្សាប្រដាប់អាវុធនានាផងដែរ តែគ្មានការដាក់បម្រាមគោចរឡើយ។ ពេលលោក Duterte អវត្តមាន រដ្ឋមន្ត្រីទទួលបន្ទុកកិច្ចការងារប្រតិបត្តិ Salvador Medialdea នឹងទទួលបន្ទុកជាប្រធានាធិបតីស្តីទី ដើម្បីមើលការខុសត្រូវប្រទេសជាតិ។
ការអញ្ជើញទៅចូលរួមកិច្ចប្រជុំនៅឡាវនេះដែរ ក្រៅថាពីបង្ហាញខ្លួនក្នុងនាមជាមេដឹកនាំហ្វីលីពីនថ្មី លោក Duterte ក៏ពាំនាំបញ្ហាប្រឈមជាច្រើនរួមទាំងបញ្ហាភេរវកម្មដែលលងបន្លាច និងមានបញ្ហាតំបន់ផ្សេងទៀតជាច្រើនរួមទាំងបទឧក្រិដ្ឋជួញដូរគ្រឿងញៀនឆ្លងដែន ។ ហើយលោកក៏អញ្ជើញទៅទទួលញញួរអាស៊ានពីឡាវដើម្បីត្រៀមលក្ខណៈធ្វើជាប្រធានអាស៊ានប្តូរវេននៅឆ្នាំ ២០១៧ ខាងមុខដែរ។
១.លោក Duterte ត្រៀមខ្លួនធ្វើជាប្រធានាអាស៊ានប្តូរវេនឆ្នាំ ២០១៧
វត្តមានរបស់លោក Duterte នៅឡាវ ជារឿងដែលគួរឲ្យកត់សម្គាល់បំផុតព្រោះវាជាដំណើរទស្សនកិច្ចដំបូងបំផុតរបស់លោកផង ហើយវាជាពេលដែលលោកត្រូវតំណាងឲ្យហ្វីលីពីនដើម្បីបង្ហាញភាពជាអ្នកដឹកនាំក្នុងការធ្វើជាប្រធានអាស៊ាននៅឆ្នាំក្រោយ។ ហ្វីលីពីនឹងដឹកនាំអាស៊ានស្របពេលដែលបញ្ហាប្រឈមតំបន់ និងពិភពលោកកើនឡើងកាន់តែខ្លាំង។ ដូចឃើស្រាប់ ការគ្រោងចាកចេញពីសហភាពអឺរ៉ុបរបស់ចក្រភពអង់គ្លេសបង្ហាញពីការដើរថយក្រោយនៃសមាហរណកម្មតំបន់។ ការឃោសនាបោះឆ្នោតនៅអាមេរិកបង្ហាញឲ្យឃើញថា វានឹងមានភាពមិនច្បាស់លាស់ក្នុងគោលនយោបាយការបរទេស។ ភាពតានតឹងក្នុងជម្លោះសមុទ្រចិនខាងត្បូង និងការកើនឡើងចលនាភេរវកម្មក៏ បង្ហាញឲ្យឃើញពីភាពផុយស្រួយនៃសន្តិសុខតំបន់ផងដែរ។ ហើយអ្វីដែលសំខាន់ ហ្វីលីពីន ខ្លួនឯងដែលនឹងក្លាយជាមេដឹកនាំក៏កំពុងរងការរិះគន់ពីក្រុមសិទ្ធិមនុស្សរឿងបំពារបំពានសិទ្ធិមនុស្សធ្ងន់ធ្ងរ ដោយប្រើ«សង្គ្រាមប្រឆាំងឈ្មួញគ្រឿងញៀន»ដែរ។
ប៉ុន្តែរដ្ឋមន្ត្រីហិរញ្ញវត្ថុ ហ្វីលីពីន Carlos Dominguez បានអះអាងថា វាជាពេលវេលាសំខាន់ ព្រោះ ហ្វីលីពីន នឹងដឹកនាំអាស៊ានក្នុងពេលដែលស្ថាប័ននេះមានអាយុ ៥០ឆ្នាំល្មម។ ហ្វីលីពីនត្រៀមលក្ខណៈជាស្រេចដើម្បីរៀបចំកិច្ចប្រជុំច្រើនកម្រិតដូចដែលឡាវនិងប្រទេសសមាជិកអាស៊ានផ្សេងទៀតបានធ្វើដែរ ហើយរដ្ឋាភិបាលបានបង្កើនថវិកាជាតិដើម្បីសម្រួលដល់ការរៀបចំកិច្ចប្រជុំនេះដែរ។
បន្ទាប់ពីចាកចេញពីឡាវ ក្រោយបញ្ចប់ការចូលរួមកិច្ចប្រជុំកំពូលអាស៊ាននិងកិច្ចប្រជុំពាក់ព័ន្ធ លោក Duterte នឹងបន្តដំណើរទៅទស្សនកិច្ចនៅឥណ្ឌូនេស៊ី ហើយលោកនឹងជួបពិភាក្សាជាមួយប្រធានធិបតីឥណ្ឌូនេស៊ី Joko Widodo និងចុះជួបសហគមន៍ប្រជាជនហ្វីលីពីននៅទីនោះផងដែរ។ បញ្ហាប្រឆាំងគ្រឿងញៀនអាចជាប្រធានបទនៃកិច្ចពិភាក្សារវាងមេដឹកនាំទាំងពីរដែរ ព្រោះឥណ្ឌូនេស៊ីក៏កំពុងរងគ្រោះដោយសារគ្រឿងញៀននេះខ្លាំងដែរ។ ប៉ុន្តែឥណ្ឌូនេស៊ីត្រឹមអនុវត្តទោសប្រហារជីវិតអ្នកជួញដូរគ្រឿងញៀនប៉ុណ្ណោះ មិនមាន«សង្គ្រាម»ដូចហ្វីលីពីនទេ។
២.លោក Duterte ត្រៀមបកស្រាយរឿង «សង្គ្រាមគ្រឿងញៀន»ចំពោះមុខមេដឹកនាំតំបន់
និយាយដល់កិច្ចប្រជុំនៅឡាវ មានមេដឹកនាំពិភពលោកនិងតំបន់អាស៊ានជាច្រើននាក់បង្ហាញបំណងចង់ជួបជជែកពិភាក្សាជាមួយលោក Duterte។ អ្វីដែលធ្វើឲ្យលោកល្បីល្បាញគឺ គោលនយោបាយកណ្តាប់ដៃដែកកម្ចាត់ឈ្មួញគ្រឿងញៀន និង អត្តចរិត របស់លោកតែម្តង។ តែសម្រាប់ប្រទេសមួយចំនួន ក៏ដូចជាអង្គការសិទ្ធិមនុស្សបានរិះគន់ សង្គ្រាមដែលលោកកំពុងអនុវត្តដែរ។
បើតាមសារព័ត៌មាន Rappler លោកប្រធានាធិបតីហ្វីលីពីន នឹងត្រៀមពន្យល់បណ្តាមេដឹកនាំអាស៊ាន និងមេដឹកនាំផ្សេងទៀតពាក់ព័ន្ធសង្គ្រាមគ្រឿងញៀនដ៏ចម្រូងចម្រាសនេះ។ អ្នកក្រៅមិនបានយល់ច្បាស់ពីបញ្ហាដែលកើតឡើងនៅហ្វីលីពីនឡើយ ហើយគេរំពឹងថា អ្វីដែលលោកបកស្រាយនឹងអាចជម្រះមន្ទិលសង្ស័យនិងក្តីបារម្ភកន្លងមកដែរ។
ក្រៅពីនេះ លោកក៏នឹងតស៊ូមតិដោយជំរុញឲ្យមានការធានាឲ្យបាននូវតំបន់«គ្មានគ្រឿងញៀន»នៅទូទាំងអាស៊ានទាំងមូលផង។ អ្នកនាំពាក្យក្រសួងការបរទេសហ្វីលីពីន Charles Jose បានលើកឡើងថា ហ្វីលីពីននឹងជំរុញឲ្យមានការលើកកម្ពស់ចំណុចអាទិភាពមួយចំនួនក្នុងកិច្ចប្រជុំកំពូលអាស៊ាន ក្នុងនោះមាន «តំបន់អាស៊ានគ្មានគ្រឿងញៀន»ដែរ៕
Tag:
Rodrigo Duterte
កិច្ចប្រជុំកំពូលអាស៊ាន
ហ្វីលីពីន
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
