អន្តរជាតិ
សារព័ត៌មានថ្មីៗ នឹងយកព័ត៌មានផ្ទាល់នៃជំនួបលោកអូបាម៉ាជាមួយយុវជនYSEALI ពីឡាវ លោក ទេពអ៊ី វិសាល (ឈរមុខ) ថតរូប selfies ជាមួយអ្នកកាសែតអាស៊ាន
× លួងប្រាបាង-ឡាវ៖ ប្រធានាធិបតីអាមេរិកលោក បារ៉ាក់ អូបាម៉ា នឹងបំពេញទស្សនកិច្ចទៅកាន់ក្រុងវប្បធម៌បុរាណLuang Prabang ដែលជាកន្លែងដែលលោកនឹងត្រូវជួបយុវជន និងមេដឹកនាំវ័យក្មេងអាស៊ានដែលជាសមាជិករបស់ YSEALI។ សារព័ត៌មានថ្មីៗ ជាសា្ថប័នព័ត៌មានតែមួយគត់នៅកម្ពុជាដែលត្រូវបានស្ថានទូតអាមេរិកប្រចាំកម្ពុជាជ្រើសរើសដើម្បីចូលរួមយកព័ត៌មានក្នុងជំនួបផ្ទាល់នៅទីនោះ។
លោក ទេពអ៊ី វិសាល អ្នកយកព័ត៌មានអន្តរជាតិ នៃសារព័ត៌មានអនឡាញថ្មីៗ រួមជាមួយនឹងអ្នកសារព័ត៌មាននៃអង្គភាពព័ត៌មានធំៗក្នុងតំបន់អាស៊ានមួយចំនួនផ្សេងទៀត ត្រូវបានអញ្ជើញឲ្យចូលរួមយកព័ត៌មានពាក់ព័ន្ធនឹងសកម្មភាពរបស់ យុវជន និងមេដឹកនាំវ័យក្មេងអាស៊ីអាគ្នេយ៍ប្រមាណជាងមួយរយនាក់ក្នុងក្របខណ្ឌ YSEALIរយៈពេលបីថ្ងៃ គឺថ្ងៃទី០៦-០៨ ខែកញ្ញា។
អ្នកសារព័ត៌មាន ដែលត្រូវបានអញ្ជើញឲ្យចូលរួមនោះ មិនត្រឹមមានឱកាសដើម្បីយកព័ត៌មានពីព្រឹត្តិការណ៍នៃជំនួបលើកចុងក្រោយរបស់លោក បារ៉ាក់ អូបាម៉ា ក្នុងនាមជាប្រធានាធិបតីអាមេរិកជាមួយនឹងយុវជនអាស៊ាននៅថ្ងៃទី០៧ ខែកញ្ញាប៉ុណ្ណោះនោះទេ អ្នកសារព័ត៌មាន ក៏មានឱកាសដើម្បីយកព័ត៌មានពីព្រឹត្តិការណ៍ផ្សេងទៀតក្នុងក្របខណ្ឌ YSEALI ដែលទាក់ទងសកម្មភាពរបស់យុវជន និងអ្នកជំំនាញ១៨០នាក់ ដែលចូលរួមក្នុងបណ្តុះបណ្តាល និងចែករំលែកពាក់ព័ន្ធនឹងបញ្ហានៃការអភិវឌ្ឍប្រកបដោយនិរន្តភាព និងការអភិវឌ្ឍនៅជនបទផងដែរ។
សូមជម្រាបផងដែរ YSEALI (Young Southeast Asian Leaderships initiative) គឺជាគំនិតផ្តួចផ្តើមមួយដែលចុះហត្ថលេខាដោយលោកប្រធានាធិបតីអាមេរិក បារ៉ាក់ អូបាម៉ា ក្នុងឆ្នាំ២០១៣។ គំនិតផ្តួចផ្តើម ដែលផ្តោតលើបញ្ហាអភិវឌ្ឍន៍សេដ្ឋកិច្ច បរិស្ថាន អប់រំ និងការផ្សារភ្ជាប់រវាងប្រជាជនស៊ីវិលនេះ មានទិសដៅពង្រឹងភាពជាដៃគូជាមួយនឹងមេដឹកនាំដែលមានសក្តានុពលរបស់អាស៊ីអាគ្នេយ៍, ពង្រីកជំនាញរបស់ពួកគេ(មេដឹកនាំ ឬយុវជនវ័យក្មេង)ឲ្យក្លាយទៅជាពលរដ្ឋដែលប្រកបដោយសក្តានុពល មេដឹកនាំផ្នែកសេដ្ឋកិច្ច និងក្រៅអង្គការដ្ឋាភិបាលក្នុងតំបន់ និងជាពិសេសនោះ ជំរុញឲ្យពួកគេធ្វើការួមគ្នាឆ្លងប្រទេសដើម្បីដោះស្រាយបញ្ហាប្រឈមក្នុងតំបន់៕
Tag:
អូបាម៉ា
YSEALI
Luang Prahbang
© រក្សាសិទ្ធិដោយ thmeythmey.com