ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សេដ្ឋកិច្ច
ជប៉ុនត្រៀមជួយកម្ពុជាក្នុងការដាក់ឲ្យដំណើរការរថភ្លើងស្វ័យប្រវត្តិ Yurikamome
07, Sep 2016 ,
8:39 pm
រូបភាព
×
ដោយ:
អុឹង ចំរើន (Ung Chamroeun)
តូក្យូ-ជប៉ុន៖ Yurikamome គឺជារថភ្លើងស្វ័យប្រវត្តិដែលត្រូវបានដាក់ឲ្យដំណើរចាប់ពីឆ្នាំ១៩៩៥មកនៅលើកោះសិប្បនិម្មិត Odaiba ក្នុងទីក្រុងតូក្យូ ប្រទេសជប៉ុន។ មធ្យោបាយដ៏ធ្វើដំណើរដ៏ពេញនិយមមួយនេះ បានរួមចំណែកយ៉ាងខ្លាំងក្នុងការកាត់បន្ថយការកកស្ទះចរាចរណ៍ ហើយមន្ត្រីមួយរូបរបស់ជប៉ុនបានបង្ហើបឲ្យដឹងថា រដ្ឋាភិបាលជប៉ុនចង់ដាក់ដំណើរការរថភ្លើងប្រភេទនេះនៅកម្ពុជា។
រយៈពេលជាង២០ឆ្នាំចុងក្រោយនេះ រថភ្លើងដើរដោយស្វ័យប្រវត្តិ «Yurikamome» ដែលមានន័យជាភាសាខ្មែរថា «សត្វរំពេក្បាលខ្មៅ» ស្ថិតក្នុងចំណោមមធ្យោបាយធ្វើដំណើរផ្សេងទៀត ដែលរួមចំណែកកាត់បន្ថយការកកស្ទះចរាចរណ៍នៅក្នុងទីក្រុងតូក្យូ ប្រទេសជប៉ុន។
ផ្តួចផ្តើមគំនិតឡើងនៅឆ្នាំ១៩៨២ ដោយសាលាក្រុងតូក្យូ ក្រោមកិច្ចសហការជាមួយក្រុមហ៊ុន Yurikamome Inc., រថភ្លើងដែលដើរដោយស្វ័យប្រវត្តិ Yurikamome បានដំណើរក្រោមលើកដំបូងបំផុតនៅឆ្នាំ១៩៩៥ ក្រោមឈ្មោះថា «Tokyo Waterfront New Transit Waterfront Line» ហើយបានប្តូរឈ្មោះទៅជា «Yurikamome» ចាប់ពីឆ្នាំ១៩៩៨ មក។
Yurikamome ត្រូវបានសាងសង់ឡើងនៅកោះសិប្បនិម្មិត Odaiba ក្នុងទីក្រុងតូក្យូ ប្រទេសជប៉ុន ក្នុងរង្វង់ទឹកប្រាក់ ២១២.៧ពាន់លានយេន (ជាង២ពាន់លានដុល្លារអាមេរិក) ដោយមានការចូលរួមពីសាលាក្រុងតូក្យូ ១៤៣.៧ពាន់លានយេន (១.៤២ពាន់លានដុល្លារអាមេរិក) និងក្រុមហ៊ុន Yurikamome ៦៩ពាន់លានយេន (០.៦៨ពាន់លានដុល្លារអាមេរិក)។
កាលពីថ្ងៃទី២ ខែកញ្ញា អ្នកយកព័ត៌មានកម្ពុជា៥រូប ដែលទទួលបានការអញ្ជើញពី ក្រសួងការបរទេសជប៉ុន និងក្រុមហ៊ុនអាកាសចរណ៍ ANA បានទៅសិក្សាស្វែងយល់ពីដំណើរការរថភ្លើង Yurikamome ដ៏ទំនើបនេះ។ អ្នកកាសែតកម្ពុជា (ពីសារព័ត៌មានថ្មីៗ ភ្នំពេញប៉ុស្តិ៍ រស្មីកម្ពុជា កម្ពុជាថ្មី និងដើមអម្ពិល) បានធ្វើដំណើរដោយផ្ទាល់លើរថភ្លើង Yurikamome ដោយមានការពន្យល់បង្ហាញពីសំណាក់លោក Kawaguchi Izumi ប្រធានការិយាល័យផែនការដឹកជញ្ជូនក្នុងទីក្រុង នៃក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍របស់ជប៉ុន។
លោក Kawaguchi Izumi បានបញ្ជាក់ថា Yurikamome ដែលប្រតិបត្តិការលើចម្ងាយផ្លូវ១៥គីឡូម៉ែត្រ និងមានស្ថានីយ៍គោលដៅចំនួន១៦ ទទួលបានអ្នកដំណើរជាមធ្យម១១ម៉ឺននាក់ក្នុងមួយថ្ងៃ ហើយរត់បានល្បឿន៦០គីឡូម៉ែត្រក្នុង១ម៉ោង។
មន្ត្រីជប៉ុនរូបនេះ បានអះអាងថា៖ «Yurikamome ជាមធ្យោបាយធ្វើដំណើរដ៏ពេញនិយម ដោយគ្មានការព្រួយបារម្ភចំពោះការកកស្ទះចរាចរណ៍។ វាមានកង់កៅស៊ូ ដូចជារថយន្តដែលអាចបត់បែនឡើងភ្នំ ចុះភ្នំ បាន។ នៅតាមស្ថានីយ៍របស់ Yurikamome ពោរពេញទៅដោយអាគារ ការិយាល័យ សហគ្រាស ទីផ្សារធំៗ រួមទាំងមានការរៀបចំព្រឹត្តិការណ៍ ការតាំងពិព័រណ៌ និងពិធីបុណ្យញឹកញាប់»។
លោក Izumi បានគូសបញ្ជាក់ថា រាល់ពេលមានការរៀបចំព្រឹត្តិការណ៍ ឬពិធីបុណ្យនានា Yurikamome ទទួលបានអ្នកដំណើររហូតដល់ទៅជិត៣០ម៉ឺននាក់ក្នុងមួយថ្ងៃ។ រថភ្លើងមួយគ្រឿង មាន៦ទូ ដែលអាចផ្ទុកអ្នកដំណើរ៣០៦នាក់។
លោក Izumi បានអះអាងប្រាប់អ្នកកាសែតកម្ពុជាថា រដ្ឋាភិបាលរបស់លោកត្រៀមជួយកម្ពុជាជានិច្ចក្នុងការដាក់ឲ្យដំណើរការរថភ្លើងប្រភេទ Yurikamome នេះ ពីកណ្តាលរាជធានីភ្នំពេញទៅអាកាសយានដ្ឋានអន្តរជាតិភ្នំពេញ។
«យើងបានពិភាក្សាជាមួយរដ្ឋមន្ត្រីក្រសួងសាធារណការ និងដឹកជញ្ជូន រួមទាំងអភិបាលរាជធានីភ្នំពេញផងដែរ។ បច្ចុប្បន្ន ភ្នាក់ងារ JICA កំពុងតែសិក្សា ហើយខ្ញុំរំពឹងថា អ្វីៗនឹងដំណើរការទៅមុខ ដើម្បីរួមចំណែកកាត់បន្ថយការកកស្ទះចរាចរណ៍នៅរាជធានីភ្នំពេញ»។ នេះបើតាមការលើកឡើងរបស់លោក Kawaguchi Izumi ។ ទាក់ទងនឹងទឹកប្រាក់វិនិយោគ អ្នកជំនាញជប៉ុនរូបនេះ មិនមានវាយតម្លៃយ៉ាងណានោះឡើយ ពីព្រោះលោកចាំមើលផែនការមេ និងការស្ទង់មតិជាមុនសិន។
សូមបញ្ជាក់ផងដែរថា កាលពីពេលថ្មីកន្លងមកនេះ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក៏បានបង្ហើបផងដែរថា ជប៉ុនតាមរយៈទីភ្នាក់ងារ JICA កំពុងសិក្សាលើគម្រោង «
រថភ្លើងស្វ័យប្រវត្តិ»ពីភ្នំពេញទៅព្រលានយន្តហោះអន្តរជាតិ
»។
លោកបានមានប្រសាសន៍ថា រដ្ឋាភិបាលចង់សម្រួលការធ្វើដំណើររបស់ពលរដ្ឋ និងភ្ញៀវទេសចរ ក្នុងរាជធានីដែលកាន់តែកើនឡើង។ ទោះបីយ៉ាងណា រដ្ឋាភិបាលពុំមានផែនការប្រាកដថា ត្រូវតែកសាងរថភ្លើងស្វ័យប្រវត្តិនេះនោះទេ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
រថភ្លើងស្វ័យប្រវត្តិ
Yurikamome
JapanTour
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
អត្ថបទពេញនិយមបន្ថែម