ពីនេះ ពីនោះ
កំណាព្យ៖ កុំភ្លេចឲ្យកូនរៀន!
× កំណាព្យបទ កាកគតិ
-ប្រាំបីកញ្ញា
ទិវាអក្ខរា
ទូទាំងសកល
រំលឹកគ្រប់គ្នា
ឲ្យនឹកនាដល់
រវល់បែកវ៉ល់
រៀនលេខអក្សរ
ចេះរួចបន្ត
បង្កើតបញ្ញា
ចេះច្នៃប្រឌិត
គិតរឿងអស្ចារ្យ
បម្រើរដ្ឋា
គ្រួសារសង្គម។
-ជំនាញទន់រឹង
រៀនតាំងចិត្តនឹង
រៀនចោលគំនុំ
រៀនដោះគំនាប
ខ្ពស់ទាបតូចធំ
រៀនជួយសង្គម
រៀនរស់ថ្លៃថ្នូរ។
-មាតាបិតា
រវល់យ៉ាងណា
កិច្ចការស្រែអូរ
រែកពុនលីសែង
ឬជាប់លក់ដូរ
កុំចេះតែកូរ
រំខានកូនរៀន។
-បែងចែកវេលា
ឲ្យកូនគ្រប់គ្នា
បានចេះរបៀន
កូននឹងរុងរឿង
បើគេបានរៀន
មិនថាក្រមាន
រៀនពិតសំខាន់៕
© រក្សាសិទ្ធិដោយ thmeythmey.com