ជាតិ
មេធាវី នឹងប្តឹងទៅតុលាការជាន់ខ្ពស់ ដើម្បីប្រឆាំងនឹងតុលាការជាន់ទាប ដែលសម្រេចឲ្យឯកឧត្តមកឹម សុខា ជាប់ពន្ធនាគារ៥ខែ
×![]()
ដោយ: ម៉ៅ សុផា
ភ្នំពេញ៖ នៅថ្ងៃទី ៩ ខែកញ្ញា ឆ្នាំ២០១៦នេះ សាលាដំបូងរាជធានីភ្នំពេញ បានសម្រេចឲ្យឯកឧត្តម កឹម សុខា អនុប្រធានគណបក្សសង្គ្រោះជាតិ ជាប់ពន្ធនាគាររយៈពេល៥ខែ និងពិន័យជាប្រាក់ចំនួន ៨សែន រៀល។ ឯកឧត្តម កឹម សុខា ត្រូវបានចោទពី «បដិសេធក្នុងការចូលខ្លួន» ដែលតុលាការចាត់ទុកថាជាបទល្មើសជាក់ស្តែង។
មិនយូរទេ សហមេធាវីរបស់ឯកឧត្តម កឹម សុខា អនុប្រធានគណបក្សសង្គ្រោះជាតិ នឹងដាក់បណ្តឹងទៅកាន់សាលាឧទ្ធរណ៍ ដើម្បីជំទាស់នឹងសាលក្រមរបស់សាលាដំបូងរាជធានីភ្នំពេញ ដែលសម្រេចឲ្យកូនក្តីរបស់ពួកគេ ជាប់ពន្ធនាគាររយៈពេល៥ខែ រួមទាំងពិន័យជាប្រាក់ចំនួន៨សែនរៀល។ ប៉ុន្តែសហមេធាវី ត្រូវពិភាក្សាគ្នាជាមុនសិន មុននឹងសម្រេចដាក់បណ្តឹងទៅសាលាឧទ្ធរណ៍។ នេះ ជាការអះអាងរបស់លោក ហែម សុជាតិ មេធាវី១រូប ក្នុងចំណោមមេធាវីទាំង៥រូបរបស់ឯកឧត្តម កឹម សុខា ដែលបានថ្លែងប្រាប់សារព័ត៌មានថ្មីៗ។
លោក ហែម សុជាតិ បញ្ជាក់ថា សមត្ថកិច្ច មិនអាចចាប់ខ្លួនឯកឧត្តម កឹម សុខា យកទៅឃុំឃាំង នោះទេ នៅក្នុងកំឡុងពេល ដែលសាលាឧទ្ធរណ៍កំពុងបន្តនីតិវិធី ចំពោះបណ្តឹងរបស់ក្រុមមេធាវី។ មេធាវីរូបនេះសង្កត់ធ្ងន់ៗថា៖«រយៈពេល១ខែ ទើបសាលក្រមស្ថាពរដាក់ឲ្យអនុវត្ត។ ដូច្នេះយើងនឹងដាក់លិខិតប្តឹងទៅសាលាឧទ្ធរណ៍ឲ្យបានលឿន មុនសាលក្រមសា្ថពរ ដាក់ឲ្យអនុវត្ត»។
ដោយយល់ថា ដំណើរការនៃការជំនុំជម្រះ ប្រព្រឹត្តទៅដោយខុសនីតិវិធី ឯកឧត្តម កឹម សុខា និងសហមេធាវីរបស់ខ្លួន បានសម្រេចមិនចូលរួមសវនាការនោះទេ។ អ្នកដែលចូលរួមក្នុងសវនាការនាពេលព្រឹកនេះ មានប្រមាណជា៥០នាក់ ដោយក្នុងនោះមានក្រុមអ្នកសារព័ត៌មាន និងអ្នកសង្កេតការណ៍ ដែលមកពីបណ្តាអង្គការជាតិនិងអន្តរជាតិមួយចំនួន។
ចៅក្រម ដែលកាន់សំណុំរឿង និងសម្រេចឲ្យឯកឧត្តម កឹម សុខា មានទោសកំហុស គឺលោក កែវ មុនី ហើយព្រះរាជអាជ្ញា ដែលដើរតួនាទីជាដើមបណ្តឹង គឺលោក សៀង សុខ។
ខណៈដែលសវនាការកំពុងតែបន្តនីតិវិធី ក្រុមប្រជាពលរដ្ឋ និងសកម្មជន រួមទាំងឥស្សជននយោបាយបក្សប្រឆាំងមួយចំនួន បាននាំគ្នាទៅតាមដាន ដំណើរការនៃការជំនុំជម្រះ នៅមុខសាលាដំបូងរាជធានីភ្នំពេញ។ ប្រជាពលរដ្ឋ និងសកម្មជនទាំងនោះ បានលើកបដា អមដោយការស្រែកតវ៉ា និងការរិះគន់ចំពោះ សាលាដំបូងរាជធានីភ្នំពេញ ថាមិនឯករាជ្យក្នុងការកាត់សេចក្តី។ បើទោះបីជាចៅក្រម និងព្រះរាជអាជ្ញា មិនឮក៏ដោយ ក៏ប្រជាពលរដ្ឋទាំងនោះ នៅតែស្រែកឲ្យតុលាការទម្លាក់ការចោទប្រកាន់ចំពោះ ឯកឧត្តម កឹម សុខា។
ការតវ៉ានេះ បានបណ្តាលឲ្យសមត្ថកិច្ច និងក្រុមប្រជាពលរដ្ឋទាំងនោះ ប៉ះទង្គិចគ្នាផងដែរ។ បន្ទាប់មក លោក អ៊ុំ ដារ៉ា ជាអ្នកគាំទ្របក្សប្រឆាំងមួយរូប ដែលស្រែកទិតៀន តុលាការ តាមឧគ្ឃោសនសព្ទ ត្រូវបានសមត្ថកិច្ច នាំខ្លួនទៅកាន់សាលាសង្កាត់៧មករា។ រហូតមកដល់ពេលនេះ សកម្មជនរូបនោះ មិនទាន់ត្រូវបានដោះលែង នៅឡើយទេ។
នៅម៉ោងប្រហែលជាង១០ព្រឹក ចៅក្រមជំនុំជម្រះ បានបិទសវនាការ ដោយមិនទាន់ប្រកាសសាលក្រមភ្លាមៗនោះទេ ហើយក្រោយមកបន្តិច ក្រុមប្រជាពលរដ្ឋនិងសកម្មជនទាំងនោះ ក៏បានចែកផ្លូវគ្នា ទៅកាន់លំនៅដ្ឋានវិញ ដោយអ្នកខ្លះបន្តដំណើរទៅកាន់ទីស្នាក់ការកណ្តាលគណបក្សសង្គ្រោះជាតិ។ រហូតដល់ម៉ោង២រសៀល ចៅក្រមជំនុំជម្រះក៏បន្ត បើកសវនាការម្តងទៀត ដើម្បីប្រកាសសាលក្រមរបស់ខ្លួន។ នៅទីបំផុត ចៅក្រមជំនុំជម្រះ ក៏បានសម្រេចឲ្យឯកឧត្តម កឹម សុខា ជាប់ពន្ធនាគាររយៈពេល៥ខែ និងតម្រូវឲ្យអនុប្រធានបក្សប្រឆាំងរូបនេះ បង់ប្រាក់ចំនួន៨សែនរៀល។
មាត្រា៥៣៨ នៃក្រមព្រហ្មទណ្ឌបានចែងថា៖«រាល់បុគ្គលណា ដែលត្រូវបានកោះហៅឲ្យមកឆ្លើយជាសាក្សី នៅមុខអយ្យការ ឬចៅក្រមស៊ើបសួរ ឬតុលាការព្រហ្មទណ្ឌ ហើយមិនព្រមចូលខ្លួនតាមដីកាកោះហៅនោះ ដោយគ្មានមូលហេតុសមស្រប ត្រូវផ្តន្ទាទោសដាក់ពន្ធនាគារពី ១ខែ ទៅ ៦ខែ និងពិន័យជាប្រាក់ពី ១សែនរៀល ទៅ ១លានរៀល»។
កន្លងមក កញ្ញា ខុម ចាន់តារ៉ាទី ហៅស្រីមុំ ដែលគេសង្ស័យថាមានរឿងអាស្រូវស្នេហាលួចលាក់ជាមួយឯកឧត្តម កឹម សុខា បានដាក់លិខិត ទៅកាន់សាលាដំបូងរាជធានីភ្នំពេញ ដើម្បី ប្តឹងតំណាងរាស្ត្របក្សប្រឆាំងពីររូប គឺលោក ពិន រតនា និងលោក តុ វ៉ាន់ចាន់ ពីបទ «សញ្ចារកម្ម»។ ក្រោយមក សាលាដំបូងរាជធានីភ្នំពេញ បានចេញដីកាចំនួនពីរដង ដើម្បីកោះហៅឯកឧត្តម កឹម សុខា ឲ្យចូលបំភ្លឺក្នុងនាមជាសាក្សី ជុំវិញបណ្តឹងរបស់ ស្រីមុំ ខាងលើ។ ប៉ុន្តែឯកឧត្តម កឹម សុខា បានបដិសេធនឹងការកោះហៅទាំងពីរលើក។ មូលហេតុនេះហើយ ទើបឯកឧត្តម កឹម សុខា ត្រូវបានចោទពីបទ «បដិសេធក្នុងការចូលខ្លួន» ដែលតុលាការចាត់ទុក្ខថា ជាបទល្មើសជាក់ស្តែង។
យោងតាមាត្រា ២៨៤នៃក្រមព្រហ្មទណ្ឌ បទសញ្ចារកម្ម សំដៅលើអំពើទុច្ចរិតមួយចំនួន ដែលជនល្មើសបានប្រព្រឹត្ត រួមមាន៖«១. ទាញយកអត្ថប្រយោជន៍ហិរញ្ញវត្ថុពីអំពើពេស្យាចាររបស់អ្នកដទៃ។ ២. ជួយ ឬការពារអំពើពេស្យាចាររបស់អ្នកដទៃ ឬរៀបចំតាមគ្រប់មធ្យោបាយ នូវសកម្មភាពពេស្យាចារ។ ៣. ជ្រើសរើស ពង្រត់ ឬអូសទាញបុគ្គលណាមួយឱ្យធ្វើអំពើ ពេស្យាចារ។ ៤. ធ្វើការគាបសង្កត់លើបុគ្គលណាមួយ ដើម្បីឱ្យបុគ្គលនោះធ្វើ ពេស្យាចារ៕
មិនយូរទេ សហមេធាវីរបស់ឯកឧត្តម កឹម សុខា អនុប្រធានគណបក្សសង្គ្រោះជាតិ នឹងដាក់បណ្តឹងទៅកាន់សាលាឧទ្ធរណ៍ ដើម្បីជំទាស់នឹងសាលក្រមរបស់សាលាដំបូងរាជធានីភ្នំពេញ ដែលសម្រេចឲ្យកូនក្តីរបស់ពួកគេ ជាប់ពន្ធនាគាររយៈពេល៥ខែ រួមទាំងពិន័យជាប្រាក់ចំនួន៨សែនរៀល។ ប៉ុន្តែសហមេធាវី ត្រូវពិភាក្សាគ្នាជាមុនសិន មុននឹងសម្រេចដាក់បណ្តឹងទៅសាលាឧទ្ធរណ៍។ នេះ ជាការអះអាងរបស់លោក ហែម សុជាតិ មេធាវី១រូប ក្នុងចំណោមមេធាវីទាំង៥រូបរបស់ឯកឧត្តម កឹម សុខា ដែលបានថ្លែងប្រាប់សារព័ត៌មានថ្មីៗ។
លោក ហែម សុជាតិ បញ្ជាក់ថា សមត្ថកិច្ច មិនអាចចាប់ខ្លួនឯកឧត្តម កឹម សុខា យកទៅឃុំឃាំង នោះទេ នៅក្នុងកំឡុងពេល ដែលសាលាឧទ្ធរណ៍កំពុងបន្តនីតិវិធី ចំពោះបណ្តឹងរបស់ក្រុមមេធាវី។ មេធាវីរូបនេះសង្កត់ធ្ងន់ៗថា៖«រយៈពេល១ខែ ទើបសាលក្រមស្ថាពរដាក់ឲ្យអនុវត្ត។ ដូច្នេះយើងនឹងដាក់លិខិតប្តឹងទៅសាលាឧទ្ធរណ៍ឲ្យបានលឿន មុនសាលក្រមសា្ថពរ ដាក់ឲ្យអនុវត្ត»។
ដោយយល់ថា ដំណើរការនៃការជំនុំជម្រះ ប្រព្រឹត្តទៅដោយខុសនីតិវិធី ឯកឧត្តម កឹម សុខា និងសហមេធាវីរបស់ខ្លួន បានសម្រេចមិនចូលរួមសវនាការនោះទេ។ អ្នកដែលចូលរួមក្នុងសវនាការនាពេលព្រឹកនេះ មានប្រមាណជា៥០នាក់ ដោយក្នុងនោះមានក្រុមអ្នកសារព័ត៌មាន និងអ្នកសង្កេតការណ៍ ដែលមកពីបណ្តាអង្គការជាតិនិងអន្តរជាតិមួយចំនួន។
ចៅក្រម ដែលកាន់សំណុំរឿង និងសម្រេចឲ្យឯកឧត្តម កឹម សុខា មានទោសកំហុស គឺលោក កែវ មុនី ហើយព្រះរាជអាជ្ញា ដែលដើរតួនាទីជាដើមបណ្តឹង គឺលោក សៀង សុខ។
ខណៈដែលសវនាការកំពុងតែបន្តនីតិវិធី ក្រុមប្រជាពលរដ្ឋ និងសកម្មជន រួមទាំងឥស្សជននយោបាយបក្សប្រឆាំងមួយចំនួន បាននាំគ្នាទៅតាមដាន ដំណើរការនៃការជំនុំជម្រះ នៅមុខសាលាដំបូងរាជធានីភ្នំពេញ។ ប្រជាពលរដ្ឋ និងសកម្មជនទាំងនោះ បានលើកបដា អមដោយការស្រែកតវ៉ា និងការរិះគន់ចំពោះ សាលាដំបូងរាជធានីភ្នំពេញ ថាមិនឯករាជ្យក្នុងការកាត់សេចក្តី។ បើទោះបីជាចៅក្រម និងព្រះរាជអាជ្ញា មិនឮក៏ដោយ ក៏ប្រជាពលរដ្ឋទាំងនោះ នៅតែស្រែកឲ្យតុលាការទម្លាក់ការចោទប្រកាន់ចំពោះ ឯកឧត្តម កឹម សុខា។
ការតវ៉ានេះ បានបណ្តាលឲ្យសមត្ថកិច្ច និងក្រុមប្រជាពលរដ្ឋទាំងនោះ ប៉ះទង្គិចគ្នាផងដែរ។ បន្ទាប់មក លោក អ៊ុំ ដារ៉ា ជាអ្នកគាំទ្របក្សប្រឆាំងមួយរូប ដែលស្រែកទិតៀន តុលាការ តាមឧគ្ឃោសនសព្ទ ត្រូវបានសមត្ថកិច្ច នាំខ្លួនទៅកាន់សាលាសង្កាត់៧មករា។ រហូតមកដល់ពេលនេះ សកម្មជនរូបនោះ មិនទាន់ត្រូវបានដោះលែង នៅឡើយទេ។
នៅម៉ោងប្រហែលជាង១០ព្រឹក ចៅក្រមជំនុំជម្រះ បានបិទសវនាការ ដោយមិនទាន់ប្រកាសសាលក្រមភ្លាមៗនោះទេ ហើយក្រោយមកបន្តិច ក្រុមប្រជាពលរដ្ឋនិងសកម្មជនទាំងនោះ ក៏បានចែកផ្លូវគ្នា ទៅកាន់លំនៅដ្ឋានវិញ ដោយអ្នកខ្លះបន្តដំណើរទៅកាន់ទីស្នាក់ការកណ្តាលគណបក្សសង្គ្រោះជាតិ។ រហូតដល់ម៉ោង២រសៀល ចៅក្រមជំនុំជម្រះក៏បន្ត បើកសវនាការម្តងទៀត ដើម្បីប្រកាសសាលក្រមរបស់ខ្លួន។ នៅទីបំផុត ចៅក្រមជំនុំជម្រះ ក៏បានសម្រេចឲ្យឯកឧត្តម កឹម សុខា ជាប់ពន្ធនាគាររយៈពេល៥ខែ និងតម្រូវឲ្យអនុប្រធានបក្សប្រឆាំងរូបនេះ បង់ប្រាក់ចំនួន៨សែនរៀល។
មាត្រា៥៣៨ នៃក្រមព្រហ្មទណ្ឌបានចែងថា៖«រាល់បុគ្គលណា ដែលត្រូវបានកោះហៅឲ្យមកឆ្លើយជាសាក្សី នៅមុខអយ្យការ ឬចៅក្រមស៊ើបសួរ ឬតុលាការព្រហ្មទណ្ឌ ហើយមិនព្រមចូលខ្លួនតាមដីកាកោះហៅនោះ ដោយគ្មានមូលហេតុសមស្រប ត្រូវផ្តន្ទាទោសដាក់ពន្ធនាគារពី ១ខែ ទៅ ៦ខែ និងពិន័យជាប្រាក់ពី ១សែនរៀល ទៅ ១លានរៀល»។
កន្លងមក កញ្ញា ខុម ចាន់តារ៉ាទី ហៅស្រីមុំ ដែលគេសង្ស័យថាមានរឿងអាស្រូវស្នេហាលួចលាក់ជាមួយឯកឧត្តម កឹម សុខា បានដាក់លិខិត ទៅកាន់សាលាដំបូងរាជធានីភ្នំពេញ ដើម្បី ប្តឹងតំណាងរាស្ត្របក្សប្រឆាំងពីររូប គឺលោក ពិន រតនា និងលោក តុ វ៉ាន់ចាន់ ពីបទ «សញ្ចារកម្ម»។ ក្រោយមក សាលាដំបូងរាជធានីភ្នំពេញ បានចេញដីកាចំនួនពីរដង ដើម្បីកោះហៅឯកឧត្តម កឹម សុខា ឲ្យចូលបំភ្លឺក្នុងនាមជាសាក្សី ជុំវិញបណ្តឹងរបស់ ស្រីមុំ ខាងលើ។ ប៉ុន្តែឯកឧត្តម កឹម សុខា បានបដិសេធនឹងការកោះហៅទាំងពីរលើក។ មូលហេតុនេះហើយ ទើបឯកឧត្តម កឹម សុខា ត្រូវបានចោទពីបទ «បដិសេធក្នុងការចូលខ្លួន» ដែលតុលាការចាត់ទុក្ខថា ជាបទល្មើសជាក់ស្តែង។
យោងតាមាត្រា ២៨៤នៃក្រមព្រហ្មទណ្ឌ បទសញ្ចារកម្ម សំដៅលើអំពើទុច្ចរិតមួយចំនួន ដែលជនល្មើសបានប្រព្រឹត្ត រួមមាន៖«១. ទាញយកអត្ថប្រយោជន៍ហិរញ្ញវត្ថុពីអំពើពេស្យាចាររបស់អ្នកដទៃ។ ២. ជួយ ឬការពារអំពើពេស្យាចាររបស់អ្នកដទៃ ឬរៀបចំតាមគ្រប់មធ្យោបាយ នូវសកម្មភាពពេស្យាចារ។ ៣. ជ្រើសរើស ពង្រត់ ឬអូសទាញបុគ្គលណាមួយឱ្យធ្វើអំពើ ពេស្យាចារ។ ៤. ធ្វើការគាបសង្កត់លើបុគ្គលណាមួយ ដើម្បីឱ្យបុគ្គលនោះធ្វើ ពេស្យាចារ៕
Tag:
កឹម សុខា
តុលាការ
មេធាវី
© រក្សាសិទ្ធិដោយ thmeythmey.com
