ជាតិ
×![]()
ដោយ: ថ្មីៗ
បេក្ខជនប្រឡងជាប់សញ្ញាបត្រទុតិយសភូមិ (បាក់ឌុប) នៅឆ្នាំនេះ មានចំនួន ៥៥ ៧៥៣នាក់ ត្រូវជា ៦២,១៨% នៃបេក្ខជនវត្តមានចំនួន ៨៩ ៦៦១នាក់ ។ នេះបើតាមហ្វេសប៊ុកផ្លូវការរបស់ក្រសួងអប់រំ យុវជន និងកីឡា។
ក្នុងនោះ បេក្ខជនប្រឡងជាប់ថ្នាក់វិទ្យាសាស្ត្រ មានចំនួន ៣៨ ៤១៥នាក់ ត្រូវជា ៥៧,២៨% នៃបេក្ខជនចំនួន ៦៧ ០៧១នាក់ និងបេក្ខជនប្រឡងជាប់ថ្នាក់វិទ្យាសាស្ត្រសង្គម មានចំនួន ១៧ ៣៣៨នាក់ ត្រូវជា ៧៦,៧៥% នៃបេក្ខជនចំនួន ២២ ៥៩០នាក់ ។
កន្លងមកអ្នកនាំពាក្យក្រសួងអប់រំ យុវជន និងកីឡាលោក រស់ សាលីន ធ្លាប់អះអាងប្រាប់សារព័ត៌មានថ្មីៗថា ដំណើការបូក និងផ្ទៀងផ្ទាត់ពិន្ទុបេក្ខជនមានតម្លាភាព សុក្រឹតភាព និងយុត្តិធម៌ដូចសម័យប្រឡងឆ្នាំកន្លងទៅ។
លោកនិយាយថា ក្រសួងបានសហការជាមួយអង្គភាពប្រឆាំងអំពើពុករលួយ បានបំពាក់កាមេរ៉ាសុវត្ថិភាព ព្រមទាំងមន្ត្រី ACUប្រចាំការដើម្បីតាមដានប្រក្រតីភាពការងារបូកពិន្ទុនៅក្នុងការិយាល័យប្រឡងនាយកដ្ឋានមធ្យមសិក្សាចំណេះទូទៅ។
ពាក់ព័ន្ធនឹងការកំណែបាក់ឌុបឆ្នាំនេះ លោក រស់ សាលីន កត់សម្គាល់ឃើញថា បេក្ខជនប្រឡងបាក់ឌុប ក្រោមវិធានការរឹតបន្តឹង «អ្នកចេះគឺជាប់» សរសេរចម្លើយលើវិញ្ញាសារបានប្រសើក្នុងឆ្នាំនេះ ធៀបនឹងឆ្នាំមុន។ នោះក៏ព្រោះ ពួកគេបានសិក្សារៀនត្រៀមខ្លួន បញ្ចេញសមត្ថភាពក្នុងការប្រឡងគ្រប់គ្រាន់។
គួរបញ្ជាក់ផងដែរ កាលពីដំណើរការរឹតបន្តឹងការប្រឡងលើកទី១ ក្នុងឆ្នាំ២០១៤ បេក្ខជនជាប់បាក់ឌុបទូទាំងប្រទេសក្នុងការប្រឡងទាំងពីរលើកមានចំនួនជាង ៣ម៉ឺននាក់ក្នុងចំណោមបេក្ខជនប្រឡងសរុបជាង ៧ម៉ឺននាក់ក្នុងនោះ បេក្ខជនជាប់និទ្ទេសមាន A ចំនួន ១១ នាក់។ រីឯ លទ្ធផលបាក់ឌុបឆ្នាំ ២០១៥បេក្ខជនប្រឡងជាប់មានចំនួន ៤៦ ៥៦០ នាក់ស្មើនឹង ៥៥,៨៨ ភាគរយចំណោមបេក្ខជនមានវត្តមានក្នុងការប្រឡងសរុប ៨៣ ៣២៥ នាក់ ក្នុងនោះ បេក្ខជនជាប់និទ្ទេស A មានដល់ទៅ ១០៨ នាក់ ៕
Tag:
លទ្ធផលបាក់ឌុប២០១៦
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
