ពីនេះ ពីនោះ
×![]()
ដោយ: ថ្មីៗ
ពាក្យ«រងចាំ» នៅមានសាធារណជនជាច្រើនបន្តសរសេរ នៅក្នុងអត្ថបទរបស់ខ្លួន ទាំងមិនដឹងថាពាក្យនេះគឺជាពាក្យដែលមិនត្រឹមត្រូវនោះទេ។ ប៉ុន្តែពាក្យដែលត្រឹមត្រូវតាមវចនានុក្រមខ្មែរ របស់សម្ដេចព្រះសង្ឃរាជ ជួន ណាត គឺពាក្យ «រង់ចាំ»។
ពាក្យ«រង់ចាំ» គឺជាពាក្យផ្សំចូលគ្នារវាងពាក្យ«រង់» និងពាក្យ«ចាំ» ដែលពាក្យ “រង់ មានន័យថា បង្អង់ចាំ, ឈប់បង្អង់ៈ រង់មួយស្របក់សិន, រង់ចាំបន្តិចសិន”។ ចំណែកពាក្យ “ចាំ មានន័យថា មិនភ្លេច,កត់ជាប់នៅក្នុងស្មារតី ឬក្នុងការនឹកឃើញមិនភ្លេចភ្លាំង”។ ប៉ុន្តែពាក្យ«រង់ និង ចាំ» នេះ គេនិយមនិយាយផ្សំគ្នាក្លាយជាពាក្យថា «រង់ចាំ» ក្នុងន័យថា ឈប់បង្អង់ចាំ ឬនៅចាំអ្នកណាម្នាក់ ឬអ្វីមួយមកដល់ ជាដើម។
ដោយឡែក ពាក្យ«រង» មិនមែនជាពាក្យដែលខុសនោះទេ ព្រោះពាក្យនេះក៏មានអត្ថន័យច្បាស់លាស់នៅក្នុងវចនានុក្រមខ្មែរ គ្រាន់តែបើសរសេរថា «រងចាំ» គឺមិនត្រឹមត្រូវនោះឡើយ។ ពាក្យ«រង» នេះមានថ្នាក់ជាកិរិយាសព្ទ មានន័យថា ទ្រពីក្រោម, ដាក់ទ្រពីក្រោម, ទទួលបន្ទុក, ទស់ទប់ការពារ “រងទុក្ខ, រងកម្ម, រងគ្រោះថ្នាក់”។ល។ ប្រសិនបើជានាម មានន័យថា ពំនូកដីដែលពូនជាភ្លឺដាំដំឡូង ដំណាំឪឡឹកជាដើម...៕
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com
