ពីនេះ ពីនោះ
គ្រាន់តែដើមស្មៅ គែលលក អាចជាថ្នាំបង្ក្រាបបូសបាន
× ស្មៅគែលលក គឺជាឈ្មោះស្មៅមួយប្រភេទ មានដើមតូចៗ ស្លឹកវែងៗ និងមានគល់រឹង។ ស្មៅនេះ មានកម្ពស់ចាប់ពី ១០ ទៅ១៥ ស.ម. ដុះក្នុងព្រៃល្បោះឬតាមមាត់ផ្លូវ ឬ ក្នុងវាលស្មៅលើដីឧទ្ទាម(ឧទ្ទាម មានន័យថា ជាប្រភេទដីដែលគេបោះបង់ចោលទៅជាព្រៃខ្លះ)។ ដើមស្មៅប្រភេទនេះមានស្ទើរគ្រប់ប្រទេសក្ដៅក្នុងសកលលោក។ ចំពោះសារប្រយោជន៍ក្នុងការប្រើប្រាស់ វាមិនត្រឹមតែអាចជាអាហារសម្រាប់សត្វគោ ក្របី ប៉ុណ្ណោះទេ ប៉ុន្តែគ្រូផ្សំថ្នាំបុរាណខ្មែរ តែងយកមែកមានស្លឹក មកដាំធ្វើជាថ្នាំ ឲ្យស្ត្រីទើបសម្រាលកូនពិសារដើម្បីជួយលើកកម្លាំង។ ដោយឡែកដើមស្មៅនេះ គេតែងយកមកបុកឲ្យម៉ត់ សម្រាប់ធ្វើជាថ្នាំបំពោកលើបូស ដើម្បីបង្ក្រាប និងកាត់បន្ថយការឈឺចាប់។
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com