ពីនេះ ពីនោះ
×![]()
ដោយ: ថ្មីៗ
«អេតចាយ», «អេតចាយ» គឺជាពាក្យដែលអ្នកទិញសម្ភារចាស់ៗស្រែកតាមដងផ្លូវជារៀងរាល់ថ្ងៃដើម្បីប្រាប់អ្នកលក់ថា ពួកគេបានមកដល់មុខផ្ទះហើយ។ អ្នកដើរទិញ«អេតចាយ»ភាគច្រើនជាជនជាតិ«វៀតណាម»ដែលស្រែកប៉ៃឡាំៗពាក្យ«អេតចាយ» ឬ«អែបចាយ»។ មានដែរជនជាតិខ្មែរដើរទិញ«អេតចាយ» តែភាគច្រើន គឺជាជនជាតិ«វៀតណាម»រស់នៅកម្ពុជា។
ប្រសិនបើគេស្តាប់ឲ្យច្បាស់, អ្នកទិញ«អេតចាយ»មិននិយាយចំពាក្យថា«អេតចាយ» ទេ។ តាមពិត តាមសំនៀងភាសាវៀតណាម គឺពាក្យ «វ៉ែ ចាយ» (Ve Chai)។ ពាក្យ«វ៉ែ ចាយ» នេះ គឺជាពាក្យវៀតណាមដែលមានន័យថា «អំបែងដប»។
បើតាមការពន្យល់របស់អ្នកចេះភាសាវៀតណាមមួយចំនួន ពាក្យ«អេតចាយ» ក្លាយមកពីពាក្យវៀតណាម «វ៉ែ ចាយ»(Ve Chai) ដែលវៀតណាមនៅស្រុកខ្មែរ ឬខ្មែរមិនហៅឲ្យចំពាក្យថា «វ៉ែ ចាយ» តែបែរជាហៅថា «អេតចាយ»ទៅវិញ។
ពាក្យ«អេតចាយ»នេះត្រូវបានប្រើប្រាស់ដោយជនជាតិខ្មែរជាច្រើនទសវត្សរ៍មកហើយ៕
© រក្សាសិទ្ធិដោយ thmeythmey.com
