ពីនេះ ពីនោះ
តើហេតុអ្វីបានជាអ្នកមិនគួរសរសេរពាក្យថា«តំលៃ»ជាព្យាង្គរាយបែបនេះ?
× ពាក្យថា«តំលៃ» ត្រូវបានគេសរសេរយ៉ាងពេញនិយមនៅក្នុងអត្ថបទសំណេរនានា។ ការសរសេរបែបនេះ មិនមែនចោទថា ជាកំហុស ហើយមិនត្រឹមត្រូវនោះទេ ព្រោះបើតាមសូរអានពាក្យនេះមិនខុស ទេ។
ប៉ុន្តែ ប្រសិនបើការសរសេរគោរពតាមវចនានុក្រមខ្មែរ របស់សម្ដេចព្រះសង្ឃរាជ ជួន ណាត ពាក្យនេះមិនគួរសរសេរទេ ព្រោះគ្មាននៅក្នុងវចនានុក្រមខ្មែរទេ។ ចំណែកពាក្យដែលគួរសរសេរគឺពាក្យថា «តម្លៃ»ជាព្យាង្គតម្រួតវិញ។
ពាក្យ«តម្លៃ»នេះ មានថ្នាក់ពាក្យជានាម មានន័យថា អ្វីៗដែលថ្លៃ ប្រាក់ដែលត្រូវសងដល់អ្នកដទៃដោយខ្លួនបានទិញវត្ថុអ្វីមួយពីគេ “របស់មានតម្លៃ, អស់តម្លៃ, ចុះតម្លៃ, សងតម្លៃ”៕
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជជួន ណាត
© រក្សាសិទ្ធិដោយ thmeythmey.com