កីឡាជាតិ
ជាតិ
ចំបាប់រកឃើញកីឡាករជើងខ្លាំង១៦នាក់ពីកំពង់ឆ្នាំងដើម្បីត្រៀមប្រកួតកីឡាជាតិលើកទី១
រូបភាពពី៖ ហ្វេសប៊ុកសហព័ន្ធកីឡាចំបាប់កម្ពុជា
×![]()
សហព័ន្ធកីឡាចំបាប់កម្ពុជាកាលពីសប្តាហ៍មុនបានរកឃើញកីឡាករជើងខ្លាំងចំនួន១៦នាក់ទៀតពីខេត្តកំពង់ឆ្នាំង សម្រាប់ត្រៀមប្រកួតក្នុងព្រឹត្តិការណ៍កីឡាជាតិ National Games 2016 នាថ្ងៃទី២៥ តុលា ដល់ថ្ងៃទី៥ វិច្ឆិកា ខាងមុខនេះ។ លើសពីនេះសហព័ន្ធក៏ជ្រើសរើសបានយុវជនថ្នាលម្នាក់ ដើម្បីហ្វឹកហាត់ត្រៀមស៊ីហ្គេមឆ្នាំ២០២៣ ផងដែរ។ 
សម្រាប់យុទ្ធនាការស្វែងរកជើងខ្លាំងតាមបណ្តាខេត្ត ដើម្បីត្រៀមប្រកួតជើងឯកកីឡាជាតិលើកទី១ និងស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ។ សហព័ន្ធកីឡាចំបាប់កម្ពុជាក្រោមការដឹកនាំរបស់ លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជាបានស្វែងរកឃើញកីឡាករជើងខ្លាំងប្រចាំខេត្តកំពង់ឆ្នាំងចំនួន១៦នាក់ ព្រមទាំងយុវជនថ្នាលអាយុ១៦ឆ្នាំ១នាក់បន្ថែមទៀតកាលពីសប្តាហ៍មុន។
កីឡាករទាំង១៦នាក់ដែលសហព័ន្ធរកឃើញនេះ បន្ទាប់ពីពួកគេឆ្លងកាត់ការប្រកួតប្រជែងក្នុងកម្មវិធីប្រកួតកីឡាចំបាប់ជ្រើសរើសជើងឯកខេត្តកំពង់ឆ្នាំងប្រចាំឆ្នាំ២០១៦ ដែលមានកីឡាករ៥០នាក់ចូលរួមកាលពីសប្តាហ៍មុន។ លើសពីនេះពួកគេសុទ្ធសឹងជាកីឡាករជើងឯក និងជើងឯករងប្រចាំព្រឹត្តិការណ៍ ព្រមទាំងជាកីឡាករដែលឆ្លងកាត់ការសម្រិតសម្រាំងពីអ្នកជំនាញរបស់សហព័ន្ធ។
បើយោងតាម លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា ក្នុងចំណោមកីឡាករទាំង១៦នាក់ គឺ១០នាក់(ស្រី១នាក់)ជាកីឡាករកីឡាការិនីចំណាត់ថ្នាក់លេខ១ និងលេខ២ប្រចាំព្រឹត្តិការណ៍ជើងឯកប្រចាំខេត្តកំពង់ឆ្នាំង។ ចំណែកកីឡាករ៦នាក់ជាការសម្រិតសម្រាំងជ្រើសរើសឲ្យមកហ្វឹកហាត់នៅភ្នំពេញរបស់សហព័ន្ធ ហើយពួកគេនឹងដាក់ឲ្យលេងចំបាប់កូរ៉ូម៉ាំងប្រចាំខេត្តកំពង់ឆ្នាំង។
ក្នុងយុទ្ធនាការស្វែងរកជើងខ្លាំងនៅខេត្តកំពង់ឆ្នាំងនេះដែរ សហព័ន្ធកីឡាចំបាប់កម្ពុជា ក៏បានស្វែងរកឃើញកីឡាការិនីថ្នាល ស៊ឹម សុភាល័យ ម្នាក់ផងដែរ ដើម្បីហ្វឹកហាត់បណ្តុះបណ្តាលជាមួយយុវជនថ្នាលរបស់សហព័ន្ធ នៅសាលដំបូលទូកក្នុងពហុកីឡដ្ឋានជាតិ។ នេះជាលើកទី២ហើយដែលសហព័ន្ធជ្រើសរើសបានយុវជនថ្នាលពីការប្រកួតជើងឯកតាមខេត្ត បន្ទាប់ពីខេត្តពោធិ៍សាត់។
កីឡាការិនី ស៊ឹម សុភាល័យ បច្ចុប្បន្នមានអាយុ១៦ ជាសិស្សថ្នាក់ទី៩នៃអនុវិទ្យាល័យមួយកន្លែងក្នុងខេត្តកំពង់ឆ្នាំង និងជាកីឡាការិនីដែលទទួលបានចំណាត់ថ្នាក់លេខ២លើវិញ្ញាសា៥៥គីឡូក្រាមនារីផ្នែកចំបាប់បុរាណ។ ហើយរូបគេត្រូវសហព័ន្ធកីឡាចំបាប់កម្ពុជាយកមកហ្វឹកហាត់ជាមួយក្រុមយុវជនថ្នាលជម្រើសជាតិកម្ពុជា។
ពាក់ព័ន្ធទៅនឹងបញ្ហាជ្រើសរើសនេះ លោក ធិន វិចិត្រ បានបកស្រាយថា ដោយសារកីឡាការិនីម្នាក់នេះមានទេពកោសល្យល្អក្នុងការលេងចំបាប់បុរាណ។ លោកបានបន្ថែមថា ប្រសិនបើកីឡាការិនីម្នាក់នេះមានសមត្ថភាពល្អក្នុងការហ្វឹកហាត់សហព័ន្ធនឹងដាក់ចូលជាយុវជនថ្នាលជាផ្លូវការ ព្រមទាំងផ្ទេរការសិក្សារបស់គេមកកាន់រាជធានីភ្នំពេញ។
ក្រោយបញ្ចប់បេសកកម្មនៅខេត្តកំពង់ឆ្នាំង យុទ្ធនាការស្វែងរកជើងឯកប្រចាំខេត្តក្រោមការឧបត្ថម្ភរបស់លោក Casey Barnett អនុប្រធានសហព័ន្ធកីឡាចំបាប់កម្ពុជា និងក្រោយការចង្អុលបង្ហាញរបស់ក្រសួងអប់រំ យុវជន និងកីឡាមួយនេះ នឹងបន្តដំណើរទៅកាន់ខេត្តកណ្តាល និងខេត្តព្រៃវែង នាចុងសប្តាហ៍នេះ។ គួរបញ្ជាក់ថា ការប្រកួតប្រចាំខេត្តទាំងពីរនឹងធ្វើរួមគ្នានៅវិហាសួគ៌៕
សម្រាប់យុទ្ធនាការស្វែងរកជើងខ្លាំងតាមបណ្តាខេត្ត ដើម្បីត្រៀមប្រកួតជើងឯកកីឡាជាតិលើកទី១ និងស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ។ សហព័ន្ធកីឡាចំបាប់កម្ពុជាក្រោមការដឹកនាំរបស់ លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជាបានស្វែងរកឃើញកីឡាករជើងខ្លាំងប្រចាំខេត្តកំពង់ឆ្នាំងចំនួន១៦នាក់ ព្រមទាំងយុវជនថ្នាលអាយុ១៦ឆ្នាំ១នាក់បន្ថែមទៀតកាលពីសប្តាហ៍មុន។
កីឡាករទាំង១៦នាក់ដែលសហព័ន្ធរកឃើញនេះ បន្ទាប់ពីពួកគេឆ្លងកាត់ការប្រកួតប្រជែងក្នុងកម្មវិធីប្រកួតកីឡាចំបាប់ជ្រើសរើសជើងឯកខេត្តកំពង់ឆ្នាំងប្រចាំឆ្នាំ២០១៦ ដែលមានកីឡាករ៥០នាក់ចូលរួមកាលពីសប្តាហ៍មុន។ លើសពីនេះពួកគេសុទ្ធសឹងជាកីឡាករជើងឯក និងជើងឯករងប្រចាំព្រឹត្តិការណ៍ ព្រមទាំងជាកីឡាករដែលឆ្លងកាត់ការសម្រិតសម្រាំងពីអ្នកជំនាញរបស់សហព័ន្ធ។
បើយោងតាម លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា ក្នុងចំណោមកីឡាករទាំង១៦នាក់ គឺ១០នាក់(ស្រី១នាក់)ជាកីឡាករកីឡាការិនីចំណាត់ថ្នាក់លេខ១ និងលេខ២ប្រចាំព្រឹត្តិការណ៍ជើងឯកប្រចាំខេត្តកំពង់ឆ្នាំង។ ចំណែកកីឡាករ៦នាក់ជាការសម្រិតសម្រាំងជ្រើសរើសឲ្យមកហ្វឹកហាត់នៅភ្នំពេញរបស់សហព័ន្ធ ហើយពួកគេនឹងដាក់ឲ្យលេងចំបាប់កូរ៉ូម៉ាំងប្រចាំខេត្តកំពង់ឆ្នាំង។
ក្នុងយុទ្ធនាការស្វែងរកជើងខ្លាំងនៅខេត្តកំពង់ឆ្នាំងនេះដែរ សហព័ន្ធកីឡាចំបាប់កម្ពុជា ក៏បានស្វែងរកឃើញកីឡាការិនីថ្នាល ស៊ឹម សុភាល័យ ម្នាក់ផងដែរ ដើម្បីហ្វឹកហាត់បណ្តុះបណ្តាលជាមួយយុវជនថ្នាលរបស់សហព័ន្ធ នៅសាលដំបូលទូកក្នុងពហុកីឡដ្ឋានជាតិ។ នេះជាលើកទី២ហើយដែលសហព័ន្ធជ្រើសរើសបានយុវជនថ្នាលពីការប្រកួតជើងឯកតាមខេត្ត បន្ទាប់ពីខេត្តពោធិ៍សាត់។
កីឡាការិនី ស៊ឹម សុភាល័យ បច្ចុប្បន្នមានអាយុ១៦ ជាសិស្សថ្នាក់ទី៩នៃអនុវិទ្យាល័យមួយកន្លែងក្នុងខេត្តកំពង់ឆ្នាំង និងជាកីឡាការិនីដែលទទួលបានចំណាត់ថ្នាក់លេខ២លើវិញ្ញាសា៥៥គីឡូក្រាមនារីផ្នែកចំបាប់បុរាណ។ ហើយរូបគេត្រូវសហព័ន្ធកីឡាចំបាប់កម្ពុជាយកមកហ្វឹកហាត់ជាមួយក្រុមយុវជនថ្នាលជម្រើសជាតិកម្ពុជា។
ពាក់ព័ន្ធទៅនឹងបញ្ហាជ្រើសរើសនេះ លោក ធិន វិចិត្រ បានបកស្រាយថា ដោយសារកីឡាការិនីម្នាក់នេះមានទេពកោសល្យល្អក្នុងការលេងចំបាប់បុរាណ។ លោកបានបន្ថែមថា ប្រសិនបើកីឡាការិនីម្នាក់នេះមានសមត្ថភាពល្អក្នុងការហ្វឹកហាត់សហព័ន្ធនឹងដាក់ចូលជាយុវជនថ្នាលជាផ្លូវការ ព្រមទាំងផ្ទេរការសិក្សារបស់គេមកកាន់រាជធានីភ្នំពេញ។
ក្រោយបញ្ចប់បេសកកម្មនៅខេត្តកំពង់ឆ្នាំង យុទ្ធនាការស្វែងរកជើងឯកប្រចាំខេត្តក្រោមការឧបត្ថម្ភរបស់លោក Casey Barnett អនុប្រធានសហព័ន្ធកីឡាចំបាប់កម្ពុជា និងក្រោយការចង្អុលបង្ហាញរបស់ក្រសួងអប់រំ យុវជន និងកីឡាមួយនេះ នឹងបន្តដំណើរទៅកាន់ខេត្តកណ្តាល និងខេត្តព្រៃវែង នាចុងសប្តាហ៍នេះ។ គួរបញ្ជាក់ថា ការប្រកួតប្រចាំខេត្តទាំងពីរនឹងធ្វើរួមគ្នានៅវិហាសួគ៌៕
Tag:
ចំបាប់
National Games
កំពង់ឆ្នាំង
© រក្សាសិទ្ធិដោយ thmeythmey.com
