រូបត្លុក
ស្រូវចុះថោក ធ្វើឲ្យកសិករទឹកភ្នែក ឯអ្នកនយោបាយរវល់ឈ្លោះគ្នា
×
ក្នុងរយៈពេលមួយអាណត្តិ អ្នកនយោបាយ បានចំណាយពេលវេលាភាគច្រើន សម្រាប់ការឈ្លោះប្រកែកគ្នាស្ទើរតែ ៥ ឆ្នាំទៅហើយ។ ជម្លោះរបស់ពួកគេ ត្រូវគេមើលឃើញថា អាចកើតឡើងពីគំនុំផ្ទាល់ខ្លួនច្រើនជាងបញ្ហាជាតិ។ ការណ៍នេះ ធ្វើឲ្យអ្នកនយោបាយទាំងនោះ មិនសូវមានពេលវេលាគិតរកយុទ្ធសាស្ត្រ ឬគោលនយោបាយល្អៗ ដើម្បីអភិវឌ្ឍន៍ប្រទេស និងជួយឲ្យជីវភាពពលរដ្ឋ ជាពិសេសកសិករ បានរស់នៅសមរម្យ។ ជាក់ស្តែងថ្មីៗនេះ អ្នកនយោបាយបក្សម្ខាង បានប្រកាសនាំប្រជាពលរដ្ឋធ្វើមហាបាតុកម្ម ឯអ្នកនយោបាយបក្សម្ខាងទៀត ប្រកាសត្រៀមកម្លាំងប្រដាប់អាវុធទប់ស្កាត់បាតុកម្មនោះ ខណៈដែលកសិករកំពុងជួបវិបត្តិ ព្រោះស្រូវធ្លាក់ថ្លៃ ដែលធ្វើឲ្យពួកគេខាត និងខ្លះជំពាក់លុយធនាគារទៀត។
© រក្សាសិទ្ធិដោយ thmeythmey.com