ព័ត៍មានសុខភាព
សុខភាព៖ ការពិតខ្លះៗ អំពីអាការៈក្តៅខ្លួន
× ការក្តៅខ្លួន ត្រូវបានគេស្គាល់ថា រាងកាយមានការឡើងកម្តៅ ដោយការឡើងកម្តៅនេះ មិនមែនកើតឡើងដោយខ្លួនឯងទេ តែជាជំងឺ។ ភាគច្រើន វាគឺជារោគសញ្ញា របស់ជំងឺណាផ្សេង ហើយច្រើនតែជាការបង្ករោគតែម្តង។
ការក្តៅខ្លួន តែងតែជាប់ទាក់ទង នឹងការមិនមានផាសុកភាពលើរាងកាយ ហើយអ្នកជំងឺជាច្រើន អាចនឹងធូស្រាលវិញ ក្រោយពីទទួលបានការព្យាបាល។ ប៉ុន្តែ ដោយយោងទៅតាមអាយុ អាការៈរាងកាយ និងមូលហេតុរបស់វា អ្នកប្រហែលជាមិនបាច់ នឹងត្រូវការការព្យាបាលដើម្បីដោះស្រាយការក្តៅខ្លួននេះនោះទេ។ អ្នកជំនាញជាច្រើនជឿថា ការក្តៅខ្លួន គឺជាយន្តការការពាររាងកាយបែបធម្មជាតិមួយ ដែលធ្វើឡើងដើម្បីប្រឆាំងនឹងការបង្ករោគ។
ជាទូទៅ ការក្តៅខ្លួន មិនត្រូវបានគិតថាគ្រោះថ្នាក់ទេ ប៉ុន្តែ បើក្តៅខ្លាំងទើបគ្រោះថ្នាក់។ រឿងនេះអាចដោយសារតែការក្តៅខ្លួន ដោយសារកម្តៅពីមជ្ឈដ្ឋានខាងក្រៅខ្លាំង ផលរំខាននៃការប្រើថ្នាំ និងជំងឺណាផ្សេងទៀត។
ចំពោះក្មេងក្តៅខ្លួនវិញ វាអាចនឹងមានរោគសញ្ញា ពាក់ព័ន្ធដូចជា ល្ហិតល្ហៃ មិនឃ្លានអាហារ ឈឺបំពង់ក ក្អក ឈឺក្នុងត្រចៀក ក្អួត និងរាករូសជាដើម ហើយក៏ត្រូវការនាំទៅពេទ្យដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com