ពីនេះ ពីនោះ
×![]()
ដោយ: ថ្មីៗ
ពាក្យ«កា, ការ និង ការណ៍» ជាពាក្យដែលមានសទិសសូរដូចគ្នា ប៉ុន្តែមានអត្ថន័យ និងការប្រើប្រាស់មិនដូចគ្នាទេ។ តើពាក្យទាំងបីនេះមានអត្ថន័យ និងការប្រើខុសគ្នាយ៉ាងដូចម្ដេច?
វចនានុក្រមខ្មែររបស់សម្ដេចព្រះសង្ឃរាជ ជួន ណាត បានពន្យល់ថា៖
ពាក្យ«កា»មានថ្នាក់ពាក្យជានាម មានន័យថា បំពង់សម្រាប់ដាក់ទឹក ធ្វើដោយលោហៈធាតុផ្សេងៗ ឬដោយដីលាយពណ៌“កាទឹក”។ ប៉ុន្តែបើជាកិរិយាសព្ទ មានន័យថា សរសេរអាសយដ្ឋាន គឺសរសេរចុះឈ្មោះលំនៅអ្នកដែលនឹងទទួលសំបុត្រ នៅស្រោមសំបុត្រដែល ផ្ញើទៅ “ការស្រោមសំបុត្រ” សរសេរថែមសេចក្ដីផ្សេងៗ លើខ្នងសំបុត្រជាសញ្ញា។
ចំណែកពាក្យ«ការ» មានន័យថា មូរសរសៃសូត្រ, សរសៃអំបោះជាដើមដោយខ្នារ “ការសូត្រ,ការអំបោះ...”។ ន័យម្យ៉ាងទៀតគឺ “បិទបាំង, រាំងរា, ឃាត់ខាំង, ការមិនឲ្យសត្រូវចូលមក, ការខ្លួន មេមាន់ការកូន...។” រីឯន័យមួយផ្សេងទៀតគឺ “រៀបចំផ្សំផ្គុំបុរសស្ត្រីឲ្យបានជាគូស្វាមីភរិយាៈ ការកូន, ការក្មួយ...”។
ដោយឡែកពាក្យ«ការណ៍» មានថ្នាក់ពាក្យជានាម មានន័យហេតុ, ដំណើរ “ទាស់ការណ៍ហើយឯង, សេចក្ដីរាយការណ៍។
យោងតាមការឲ្យនិយមន័យ របស់ពាក្យទាំងបីខាងលើនេះ អាចបង្ហាញឲ្យឃើញថា ពាក្យទាំងនេះ មិនមែនចេះតែប្រើបាននោះទេ។ ប៉ុន្តែនៅក្នុងការប្រើប្រាស់ ត្រូវប្រើឲ្យត្រូវតាមអត្ថន័យដើមរបស់ពាក្យ៕
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជជួន ណាត
វចនានុក្រមខ្មែររបស់សម្ដេចព្រះសង្ឃរាជ ជួន ណាត បានពន្យល់ថា៖
ពាក្យ«កា»មានថ្នាក់ពាក្យជានាម មានន័យថា បំពង់សម្រាប់ដាក់ទឹក ធ្វើដោយលោហៈធាតុផ្សេងៗ ឬដោយដីលាយពណ៌“កាទឹក”។ ប៉ុន្តែបើជាកិរិយាសព្ទ មានន័យថា សរសេរអាសយដ្ឋាន គឺសរសេរចុះឈ្មោះលំនៅអ្នកដែលនឹងទទួលសំបុត្រ នៅស្រោមសំបុត្រដែល ផ្ញើទៅ “ការស្រោមសំបុត្រ” សរសេរថែមសេចក្ដីផ្សេងៗ លើខ្នងសំបុត្រជាសញ្ញា។
ចំណែកពាក្យ«ការ» មានន័យថា មូរសរសៃសូត្រ, សរសៃអំបោះជាដើមដោយខ្នារ “ការសូត្រ,ការអំបោះ...”។ ន័យម្យ៉ាងទៀតគឺ “បិទបាំង, រាំងរា, ឃាត់ខាំង, ការមិនឲ្យសត្រូវចូលមក, ការខ្លួន មេមាន់ការកូន...។” រីឯន័យមួយផ្សេងទៀតគឺ “រៀបចំផ្សំផ្គុំបុរសស្ត្រីឲ្យបានជាគូស្វាមីភរិយាៈ ការកូន, ការក្មួយ...”។
ដោយឡែកពាក្យ«ការណ៍» មានថ្នាក់ពាក្យជានាម មានន័យហេតុ, ដំណើរ “ទាស់ការណ៍ហើយឯង, សេចក្ដីរាយការណ៍។
យោងតាមការឲ្យនិយមន័យ របស់ពាក្យទាំងបីខាងលើនេះ អាចបង្ហាញឲ្យឃើញថា ពាក្យទាំងនេះ មិនមែនចេះតែប្រើបាននោះទេ។ ប៉ុន្តែនៅក្នុងការប្រើប្រាស់ ត្រូវប្រើឲ្យត្រូវតាមអត្ថន័យដើមរបស់ពាក្យ៕
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជជួន ណាត
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
