បទយកការណ៍ / បទសម្ភាសន៍
តម្លៃស្រូវនៅថៃក៏ធ្លាក់ថ្លៃដែរ តែមិនប៉ះពាល់ខ្លាំងដល់កសិករថៃ ដូចកសិករខ្មែរទេ
×
អ្នកជំនាញផ្នែកស្រូវអង្ករ បានពន្យល់ពីមូលហេតុដែលនាំឲ្យស្រូវរបស់កសិករខ្មែរចុះថោកខ្លាំងកន្លងមកនេះ។ លោក សុង សារ៉ន ម្ចាស់រោងម៉ាស៊ីនកិនស្រូវ និងជាអគ្គនាយកក្រុមហ៊ុន អេមរុ រ៉ាយ (AMRU RICE CAMBODIA Co., LTD) បានមើលឃើញថា បញ្ហាដែលស្រូវកសិករខ្មែរធ្លាក់ធ្លាក់ថ្លៃខ្លាំង ដោយសារកត្តាគ្រោះរាំងស្ងួត ហើយនៅពេលដែលមានទឹកភ្លៀងធ្លាក់មក កសិករបាននាំគ្នាសម្រុកធ្វើស្រូវក្រអូបដ៏ច្រើនលើសលុប។ កត្តាទី ២ ដោយសារបញ្ហាប្រទេសដែលជាទីផ្សារបញ្ជាទិញ ជាពិសេសគឺប្រទេសចិនដែលជាទីផ្សារធំមួយរបស់កម្ពុជា បានងាកទៅទិញអង្ករពីប្រទេសផ្សេង ពោលគឺប្រទេសថៃតែម្តង នៅពេលដែលកម្ពុជាកំពុងជួបគ្រោះរាំងស្ងួត គ្មានស្រូវលក់។
លោក សុង សារ៉ន បញ្ជាក់ថា ចិនងាកទៅទិញអង្ករនៅថៃ ដោយសារអង្ករបស់ថៃ ក៏មានគុណភាពល្អដូចខ្មែរដែរ និងម្យ៉ាងរដ្ឋាភិបាលថៃបានទម្លាក់ថ្លៃផង។ ក៏ប៉ុន្តែកសិកររបស់ថៃ មិនប៉ះពាល់ ឬមានហានិភ័យខ្លាំង ដូចកសិករខ្មែរឡើយ។ នេះបើតាមលោក សុង សារ៉ន ដោយលោកបន្តលើកឡើងថា រដ្ឋាភិបាលថៃមានយន្តការច្បាស់លាស់ការពារកសិករ តែកម្ពុជាមិនមានលទ្ធភាពដូចរដ្ឋាភិបាលថៃទេ។«កសិករថៃ អាចយកឥណទានសឹងតែអត់យកការប្រាក់ ឯរោងមាស៊ីនកិនស្រូវយកកម្ចីការប្រាក់តិចពីធនាគាររបស់រដ្ឋាភិបាល។ រដ្ឋាភិបាលគេត្រៀមលុយបម្រុងនៅពេលដែលស្រូវសម្បូរធ្លាក់តម្លៃខ្លាំង ដើម្បីទិញពីកសិករស្តុបទុក។ ដូច្នេះគេ ការពារតាំងពីមូលដ្ឋាន កណ្តាល និងរហូតដល់ថ្នាក់ជាតិ តែម្តង»។ លោក សុង សារ៉ន បញ្ជាក់ដូច្នេះ នៅក្នុងបទសម្ភាសន៍ជាមួយនិពន្ធនាយករងនៃសារព័ត៌មានថ្មីៗ លោក ជា ធីរិទ្ធ។
សូមស្តាប់បទសម្ភាសន៍វគ្គទី ១ ដូចតទៅ៖
Tag:
កសិករ
ស្រូវអង្ករ
សុង សារ៉ន
© រក្សាសិទ្ធិដោយ thmeythmey.com