អន្តរជាតិ
×![]()
ដោយ: តន ចាន់រិទ្ធារ៉ា
ជនជាតិកាណាដាម្នាក់ ដែលត្រូវអាជ្ញាធរចិនចាប់ឃុំខ្លួនជាច្រើនឆ្នាំមកនោះ ត្រូវបានដោះលែងឲ្យមានសេរីភាពវិញហើយ។ ការដោះលែងនេះ ជាជោគជ័យមួយរបស់នាយករដ្ឋមន្ត្រីកាណាដា លោក Justin Trudeau ដែលបានមកអន្តរាគមន៍ដោយផ្ទាល់ជាមួយមេដឹកនាំចិន ក្នងពេលលោកទស្សនកិច្ចនៅក្រុងហាងចូវ ដើម្បីចូលរូមប្រជុំ G-20។
បុរសកាណាដា Kevin Garratt ដែលត្រូវចិនឃុំខ្លួនពីរឆ្នាំក្រោមការបទចោទលួចធ្វើចារកម្ម បានទៅដល់កាណាដាវិញហើយនៅថ្ងៃទី១៥ ខែកញ្ញា បន្ទាប់ពីត្រូវបានដោះលែង។ លោក Kevin Garratt ត្រូវដោះលែង ក្រោយពេលនាយករដ្ឋមន្ត្រី Justin Trudeau ស្នើទៅមេដឹកនាំចិនឲ្យលើកលែងទោសលោករួចមក។
នាយករដ្ឋមន្ត្រី Trudeau បានធ្វើទស្សនកិច្ចនៅចិនកាលពីដើមខខែកញ្ញា ដើម្បីចូលរួមកិច្ចប្រជុំប្រទេសជឿនលឿនទាំង២០ (G-20) ហើយលោកក៏ឆ្លៀតពេលនោះ លើកយកករណីលោក Kevin Garratt ឡើងមក។ ជាមួយគ្នានោះ លោកក៏លើកឡើងពីទំនាក់ទំនងជិតស្និទ្ធលើផ្នែកពាណិជ្ជកម្ម ក៏ដូចជាបញ្ហាសិទ្ធិមនុស្សដែរ។
ទីភ្នាក់ងារព័ត៌មាន Reuters ផ្សាយថា គ្រួសាររបស់លោក Kevin Garratt បានចេញសេចក្ដីប្រកាសពីការទៅដល់កាណាដារបស់លោក។ ចំណែករដ្ឋាភិបាលកាណាដាបញ្ជាក់ដែរថា លោក Garratt ត្រូវបានកាត់ទោសនៅដើមសប្ដាហ៍នេះ ហើយក៏ត្រូវលើកលែងទោសតែម្ដង។ បន្ទាប់មកលោកក៏ត្រូវបញ្ជូនទៅកាន់ទីក្រុង Vancouver ហើយលោកនាយករដ្ឋមន្ត្រី Trudeau ក៏អបអរការដោះលែងនេះដែរ។
Kevin Garratt និងប្រពន្ធរបស់លោក ត្រូវបានចាប់ខ្លួនកាលពីខែមេសា ឆ្នាំ២០១៤ នៅក្បែរព្រំដែនចិន និងកូរ៉េខាងជើង។ ប្រពន្ធរបស់លោក ត្រូវបានដោះលែង តែលោកត្រូវជាប់ចោទពីបទធ្វើចារកម្ម និងលួចព័ត៌មានជាតិរបស់ចិន។ តាមពិតទៅ ការដោះលែងរូបលោក បង្កការភ្ញាក់ផ្អើលយ៉ាងខ្លាំង ព្រោះគេមិននឹកស្មានថា ក្រុងប៉េកាំងអាចយល់ព្រមលើសំណើរបស់នាយករដ្ឋមន្ត្រី Trudeau ដែរ។
ដោយឡែកយោងសេចក្ដីប្រកាសរបស់ក្រសួងការបរទេសចិន Kevin Garratt ត្រូវបានកាត់ក្ដីដោយតុលាការក្រុង Dandong នៅថ្ងៃទី១៣ ខែកញ្ញា។ សេចក្ដីប្រកាសដដែលបន្តថា ចិន គឺជាប្រទេសដែលគោរពគោរពនីតិរដ្ឋ ហើយចិនដោះស្រាយករណីនេះ យ៉ាងដិតដល់ និងយោងតាមច្បាប់ ដោយគោរពសិទ្ធិជនជាប់ចោទ៕
បុរសកាណាដា Kevin Garratt ដែលត្រូវចិនឃុំខ្លួនពីរឆ្នាំក្រោមការបទចោទលួចធ្វើចារកម្ម បានទៅដល់កាណាដាវិញហើយនៅថ្ងៃទី១៥ ខែកញ្ញា បន្ទាប់ពីត្រូវបានដោះលែង។ លោក Kevin Garratt ត្រូវដោះលែង ក្រោយពេលនាយករដ្ឋមន្ត្រី Justin Trudeau ស្នើទៅមេដឹកនាំចិនឲ្យលើកលែងទោសលោករួចមក។
នាយករដ្ឋមន្ត្រី Trudeau បានធ្វើទស្សនកិច្ចនៅចិនកាលពីដើមខខែកញ្ញា ដើម្បីចូលរួមកិច្ចប្រជុំប្រទេសជឿនលឿនទាំង២០ (G-20) ហើយលោកក៏ឆ្លៀតពេលនោះ លើកយកករណីលោក Kevin Garratt ឡើងមក។ ជាមួយគ្នានោះ លោកក៏លើកឡើងពីទំនាក់ទំនងជិតស្និទ្ធលើផ្នែកពាណិជ្ជកម្ម ក៏ដូចជាបញ្ហាសិទ្ធិមនុស្សដែរ។
ទីភ្នាក់ងារព័ត៌មាន Reuters ផ្សាយថា គ្រួសាររបស់លោក Kevin Garratt បានចេញសេចក្ដីប្រកាសពីការទៅដល់កាណាដារបស់លោក។ ចំណែករដ្ឋាភិបាលកាណាដាបញ្ជាក់ដែរថា លោក Garratt ត្រូវបានកាត់ទោសនៅដើមសប្ដាហ៍នេះ ហើយក៏ត្រូវលើកលែងទោសតែម្ដង។ បន្ទាប់មកលោកក៏ត្រូវបញ្ជូនទៅកាន់ទីក្រុង Vancouver ហើយលោកនាយករដ្ឋមន្ត្រី Trudeau ក៏អបអរការដោះលែងនេះដែរ។
Kevin Garratt និងប្រពន្ធរបស់លោក ត្រូវបានចាប់ខ្លួនកាលពីខែមេសា ឆ្នាំ២០១៤ នៅក្បែរព្រំដែនចិន និងកូរ៉េខាងជើង។ ប្រពន្ធរបស់លោក ត្រូវបានដោះលែង តែលោកត្រូវជាប់ចោទពីបទធ្វើចារកម្ម និងលួចព័ត៌មានជាតិរបស់ចិន។ តាមពិតទៅ ការដោះលែងរូបលោក បង្កការភ្ញាក់ផ្អើលយ៉ាងខ្លាំង ព្រោះគេមិននឹកស្មានថា ក្រុងប៉េកាំងអាចយល់ព្រមលើសំណើរបស់នាយករដ្ឋមន្ត្រី Trudeau ដែរ។
ដោយឡែកយោងសេចក្ដីប្រកាសរបស់ក្រសួងការបរទេសចិន Kevin Garratt ត្រូវបានកាត់ក្ដីដោយតុលាការក្រុង Dandong នៅថ្ងៃទី១៣ ខែកញ្ញា។ សេចក្ដីប្រកាសដដែលបន្តថា ចិន គឺជាប្រទេសដែលគោរពគោរពនីតិរដ្ឋ ហើយចិនដោះស្រាយករណីនេះ យ៉ាងដិតដល់ និងយោងតាមច្បាប់ ដោយគោរពសិទ្ធិជនជាប់ចោទ៕
Tag:
ចិន
កាណាដា
© រក្សាសិទ្ធិដោយ thmeythmey.com
