អន្តរជាតិ
លោកស្រីស៊ូជី អំពាវនាវឲ្យពាណិជ្ជករទៅវិនិយោគនៅមីយ៉ាន់ម៉ាកាន់ច្រើន ក្រោយអាមេរិកសន្យាដកទណ្ឌកម្មទាំងអស់
ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី ជជែកជាមួយនឹងប្រធានាធិបតីអាមេរិក បារ៉ាក់ អូបាម៉ា នៅសេតវិមាន (ប្រភពរូបភាព៖ White House)
×![]()
ប្រមុខដឹកនាំ de facto មីយ៉ាន់ម៉ា លោកស្រី អ៊ុងសាន ស៊ូជី បានអំពាវនាវដល់ពាណិជ្ជករ និងក្រុមហ៊ុនធំៗឲ្យចូលវិនិយោគប្រទេសរបស់ខ្លួនដើម្បីជាការលើកស្ទួយដល់ដំណើរការឆ្ពោះទៅមុខនៃលទ្ធិប្រជាធិបតេយ្យ។ សេចក្តីអំពាវនាវនេះ ធ្វើឡើងក្រោយពីរដ្ឋាភិបាលក្រុងវ៉ាស៊ីនតោន សន្យាដកទណ្ឌកម្មប្រឆាំងនឹងមីយ៉ាន់ម៉ាដែលបានដាក់តាំងពីប្រទេសប្រជាធិបតេយ្យក្មេងខ្ចីអាស៊ីអាគ្នេយ៍មួយនេះ ត្រូវបានដឹកនាំដោយរបបយោធាច្រើនទសវត្សរ៍ហើយនោះ។ 
ពីក្រុងវ៉ាស៊ីនតោនក្នុងកម្មវិធីដែលរៀបចំដោយក្រុមប្រឹក្សាអ្នកជំនួញអាមេរិក-អាស៊ាន លោកស្រីអ៊ុងសាន ស៊ូជី បានថ្លែងប្រាប់ក្រុមពាណិជ្ជករយ៉ាងដូច្នេះថា «ជោគជ័យសេដ្ឋកិច្ច គឺជាមធ្យោបាយមួយដែលអាចឲ្យយើង(រដ្ឋាភិបាលលោកស្រី) បញ្ចុះបញ្ចូលគ្រប់គ្នានៅក្នុងប្រទេស ដែលរាប់បញ្ចូលទាំងយោធាផងដែរនោះ ថា លទ្ធិប្រជាធិបតេយ្យ គឺជាមាគ៌ាដ៏ល្អបំផុតសម្រាប់ដំណើរទៅមុខរបស់មីយ៉ាន់ម៉ា»។ នេះបើយោងតាមការដកស្រង់សម្តីរបស់ភ្នាក់ងារព័ត៌មាន Reuters នៅទីនោះ។
នាឱកាសដដែលនោះ លោកស្រីទីប្រឹក្សារដ្ឋ ក៏បានបន្ថែមដែរថា ដើម្បីធ្វើឲ្យដំណើរផ្លាស់ប្តូរនយោបាយ(ការវិវត្តនៃលទ្ធិប្រជាធិបតេយ្យ)អាចទៅមុខបាន រដ្ឋាភិបាលមីយ៉ាន់់ម៉ា ត្រូវផ្តល់ក្តីរពឹងសេដ្ឋកិច្ចសម្រាប់ប្រជាជនខ្លួនផងដែរ។ និយាយឲ្យខ្លីទៅ លោកស្រីស៊ូជី ដែលជាប្រមុខការទូតមីយ៉ាន់ម៉ាផងដែរនោះ ចង់ឲ្យពាណិជ្ជករ វិនិយោគក្នុងប្រទេសមីយ៉ាន់ម៉ាឲ្យកាន់តែច្រើន ខណៈ ប្រទេសមួយនេះ កំពុងតែដឹកនាំដោយរដ្ឋាភិបាលស៊ីវិល។ ជាលទ្ធផល ប្រជាជន និងយោធាដែលធ្លាប់ដឹកនាំប្រទេសជាច្រើនទសវត្សរ៍ហើយនោះ អាចជឿជាក់លើប្រព័ន្ធដឹកនាំបែបលទ្ធិប្រជាធិបតេយ្យ ថា អាចធ្វើឲ្យប្រទេសកាន់តែរីកចម្រើនជាងមុន។
អ្វីគួរកត់សម្គាល់នោះ ការណ៍ដែលអាចឲ្យលោកស្រី ស៊ូជី អាចមានទំនុកចិត្ត ឬភាសាសាមញ្ញហៅថា «ទឹកមាត់» ដើម្បីទាក់ទាញអ្នកវិនិយោគក៏ព្រោះតែ មីយ៉ាន់ម៉ា នឹងលែងជាប់ទណ្ឌកម្មសេដ្ឋកិច្ចរបស់អាមេរិក ដែលជារបាំងដ៏ធំក្នុងការផ្តល់ទំនុកចិត្តសម្រាប់អ្នកវិនិយោគក្នុងប្រទេសមីយ៉ាន់ម៉ា។
ក្នុងជំនួបលើកដំបូងផ្លូវការក្នុងនាមជាមេដឹកនាំប្រទេសនៅសេតវិមាន លោកប្រធានាធិបតីអាមេរិក បារ៉ាក់ អូបាម៉ា បានអនុម័តលើសេចក្តីថ្លែងការណ៍ជាមួយនឹងលោកស្រីទីប្រឹក្សារដ្ឋមីយ៉ាន់ម៉ា អ៊ុងសាន ស៊ូជី ដោយអាមេរិក នឹងលុបចោលទណ្ឌកម្មដែលប្រឆាំងនឹងមីយ៉ាន់ម៉ាទាំងអស់ដែលបានដាក់ប្រឆាំងនឹងការដឹកនាំរបបយោធាមីយ៉ាន់ម៉ាកន្លងមក។ បន្ថែមពីនេះ ក្រុងវ៉ាស៊ីនតោន ក៏បានសន្យាជួយជំរុញ និងបង្កើនទំនាក់ទំនងសេដ្ឋកិច្ច និងពាណិជ្ជកម្មទ្វេភាគីជាមួយនឹងមីយ៉ាន់ម៉ាទៀងផង៕
ពីក្រុងវ៉ាស៊ីនតោនក្នុងកម្មវិធីដែលរៀបចំដោយក្រុមប្រឹក្សាអ្នកជំនួញអាមេរិក-អាស៊ាន លោកស្រីអ៊ុងសាន ស៊ូជី បានថ្លែងប្រាប់ក្រុមពាណិជ្ជករយ៉ាងដូច្នេះថា «ជោគជ័យសេដ្ឋកិច្ច គឺជាមធ្យោបាយមួយដែលអាចឲ្យយើង(រដ្ឋាភិបាលលោកស្រី) បញ្ចុះបញ្ចូលគ្រប់គ្នានៅក្នុងប្រទេស ដែលរាប់បញ្ចូលទាំងយោធាផងដែរនោះ ថា លទ្ធិប្រជាធិបតេយ្យ គឺជាមាគ៌ាដ៏ល្អបំផុតសម្រាប់ដំណើរទៅមុខរបស់មីយ៉ាន់ម៉ា»។ នេះបើយោងតាមការដកស្រង់សម្តីរបស់ភ្នាក់ងារព័ត៌មាន Reuters នៅទីនោះ។
នាឱកាសដដែលនោះ លោកស្រីទីប្រឹក្សារដ្ឋ ក៏បានបន្ថែមដែរថា ដើម្បីធ្វើឲ្យដំណើរផ្លាស់ប្តូរនយោបាយ(ការវិវត្តនៃលទ្ធិប្រជាធិបតេយ្យ)អាចទៅមុខបាន រដ្ឋាភិបាលមីយ៉ាន់់ម៉ា ត្រូវផ្តល់ក្តីរពឹងសេដ្ឋកិច្ចសម្រាប់ប្រជាជនខ្លួនផងដែរ។ និយាយឲ្យខ្លីទៅ លោកស្រីស៊ូជី ដែលជាប្រមុខការទូតមីយ៉ាន់ម៉ាផងដែរនោះ ចង់ឲ្យពាណិជ្ជករ វិនិយោគក្នុងប្រទេសមីយ៉ាន់ម៉ាឲ្យកាន់តែច្រើន ខណៈ ប្រទេសមួយនេះ កំពុងតែដឹកនាំដោយរដ្ឋាភិបាលស៊ីវិល។ ជាលទ្ធផល ប្រជាជន និងយោធាដែលធ្លាប់ដឹកនាំប្រទេសជាច្រើនទសវត្សរ៍ហើយនោះ អាចជឿជាក់លើប្រព័ន្ធដឹកនាំបែបលទ្ធិប្រជាធិបតេយ្យ ថា អាចធ្វើឲ្យប្រទេសកាន់តែរីកចម្រើនជាងមុន។
អ្វីគួរកត់សម្គាល់នោះ ការណ៍ដែលអាចឲ្យលោកស្រី ស៊ូជី អាចមានទំនុកចិត្ត ឬភាសាសាមញ្ញហៅថា «ទឹកមាត់» ដើម្បីទាក់ទាញអ្នកវិនិយោគក៏ព្រោះតែ មីយ៉ាន់ម៉ា នឹងលែងជាប់ទណ្ឌកម្មសេដ្ឋកិច្ចរបស់អាមេរិក ដែលជារបាំងដ៏ធំក្នុងការផ្តល់ទំនុកចិត្តសម្រាប់អ្នកវិនិយោគក្នុងប្រទេសមីយ៉ាន់ម៉ា។
ក្នុងជំនួបលើកដំបូងផ្លូវការក្នុងនាមជាមេដឹកនាំប្រទេសនៅសេតវិមាន លោកប្រធានាធិបតីអាមេរិក បារ៉ាក់ អូបាម៉ា បានអនុម័តលើសេចក្តីថ្លែងការណ៍ជាមួយនឹងលោកស្រីទីប្រឹក្សារដ្ឋមីយ៉ាន់ម៉ា អ៊ុងសាន ស៊ូជី ដោយអាមេរិក នឹងលុបចោលទណ្ឌកម្មដែលប្រឆាំងនឹងមីយ៉ាន់ម៉ាទាំងអស់ដែលបានដាក់ប្រឆាំងនឹងការដឹកនាំរបបយោធាមីយ៉ាន់ម៉ាកន្លងមក។ បន្ថែមពីនេះ ក្រុងវ៉ាស៊ីនតោន ក៏បានសន្យាជួយជំរុញ និងបង្កើនទំនាក់ទំនងសេដ្ឋកិច្ច និងពាណិជ្ជកម្មទ្វេភាគីជាមួយនឹងមីយ៉ាន់ម៉ាទៀងផង៕
Tag:
មីយ៉ាន់ម៉ា
អាមេរិក
អាស៊ាន
© រក្សាសិទ្ធិដោយ thmeythmey.com
