កីឡាជាតិ
ជាតិ
ថ្នាក់ដឹកនាំនិងកីឡាករល្បីៗកម្ពុជានឹងចូលរួមបើកកីឡាជាតិលើកទី១ដែលមានលំនាំកីឡាអូឡាំពិក
×![]()
ថ្នាក់ដឹកនាំប្រទេសព្រមទាំងកីឡាករកីឡាការិនីល្បីៗរបស់កម្ពុជានឹងមកជួបជុំគ្នានៅពហុកីឡាជាតិ ដើម្បីចូលរួមបើកការប្រកួតកីឡាជាតិលើកទី១ National Games 2016 ដែលជាការប្រកួតមួយដ៏ធំបំផុតសម្រាប់កម្ពុជា។ ការប្រកួតនេះនឹងប្រព្រឹត្តទៅនៅរាជធានីភ្នំពេញចាប់ពីថ្ងៃទី២៥ ខែតុលា ដល់ថ្ងៃទី៥ ខែវិច្ឆិកា ប៉ុន្តែកម្មវិធីបើកការប្រកួតគ្រោងធ្វើឡើងនៅថ្ងៃទី២៨ ខែតុលា ខាងមុខនេះ។
សម្តេចនាយករដ្ឋមន្ត្រី ហ៊ុន សែន រួមជាមួយកីឡាករកីឡាការិនី និងព្រឹទ្ធាចារ្យល្បីៗព្រមទាំងថ្នាក់ដឹកនាំកីឡាកម្ពុជា នឹងបង្ហាញវត្តមាន ដើម្បីអបអរក្នុងថ្ងៃបើកការប្រកួតកីឡាជាតិ National Games ជាលើកដំបូងរបស់កម្ពុជានាថ្ងៃទី២៨ ខែតុលា ខាងមុខនេះ។ កីឡាជាតិ វាជាការប្រកួតមួយដែលមានកម្រិតបច្ចេកទេសខ្ពស់បំផុតសម្រាប់កម្ពុជាក្នុងការឈានទៅរកការធ្វើជាម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។
បើយោងតាម លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា ការបើកការប្រកួតកីឡាជាតិជាលើកទី១នេះ ដោយធ្វើលំនាំតាមរូបមន្តដូចទៅនឹងការប្រកួតលក្ខណៈអន្តរជាតិ និងពិភពលោក ពោលគឺធ្វើលំនាំដូចការបើកការប្រកួតស៊ីហ្គេម អាស៊ានហ្គេម និងអូឡាំពិកហ្គេម។
ក្នុងសន្និសីទសារព័ត៌មានកីឡាជាតិលើកទី១នៅទីស្នាក់ការ NOCC កាលពីព្រឹកមិញ លោក វ៉ាត់ ចំរើន អគ្គលេខាធិការ NOCC បានរៀបរាប់ពីដំណើរការនៃការបើកការប្រកួតយ៉ាងដូច្នេះថា៖«ដើម្បីបើកម្មវិធីប្រកួតនេះដំបូងគឺយើងធ្វើការដង្ហែប្រតិភូកីឡារួមជាមួយកីឡាករកីឡាការិនី ដែលតំណាងឲ្យក្រសួង និងខេត្តនៅកម្ពុជា។ បន្ទាប់មកធ្វើការដង្ហែទង់ជាតិកម្ពុជា ទង់ជាតិកីឡាជាតិ និងទង់ជាតិគណៈកម្មាធិការជាតិអូឡាំពិកកម្ពជា ដែលកាន់ដោយកងទ័ព កីឡាករកីឡាការិនីឆ្នើម និងព្រឹទ្ធាចារ្យកីឡាកម្ពុជាចូលមកកាន់ទីលាននៃអង្គពិធី»។
លោកអគ្គលេខាធិការ NOCC រូបនេះបានបន្តទៀតថា៖«បន្ទាប់មកទៀតយើងធ្វើពិធីរត់ភ្លើងគប់ ដោយយើងរត់ពីព្រះបរមរាជវាំង ដែលភ្លើងនេះត្រូវបានប្រទានដោយព្រះមហាក្សត្រកម្ពុជា។ ក្រោយពីទទួលបានភ្លើងគប់រួចយើងនឹងជ្រើសរើសអតីតកីឡាករអត្តពលកម្មកាន់ភ្លើងនេះរត់បណ្តាក់គ្នារហូតដល់ពហុកីឡាជាតិ បន្ទាប់មកប្រគល់ភ្លើងគប់នេះបន្តទៅកីឡាករកីឡាការិនីឆ្នើមៗបច្ចុប្បន្នរបស់កម្ពុជាជាបន្តបន្ទាប់ ដើម្បីដុតភ្លើងគប់បើកកម្មវិធីប្រកួតនេះតែម្តង»។
ក្នុងថ្ងៃបើកការប្រកួតកីឡាជាតិលើកទី១នេះ ក៏មានការសម្តែងក្បាច់គុនរួមគ្នារវាងក្បាច់គុនបុរាណខ្មែរ ជាមួយក្បាច់គុនកងទ័ព ដែលសម្តែងដោយកីឡាករកីឡាការិនីកម្ពុជា និងកងយោធពលខេមរភូមិន្ទ។ លើសពីនេះមានការសម្តែងផ្ទាំងទស្សនីយភាពដែលឆ្លុះបញ្ចាំងពីសន្តិភាព សេរីភាព និងទំនាក់ទំនងរវាងសិល្បៈនិងកីឡាដែលរៀបចំដោយក្រសួងវប្បធម៌ និងវិចិត្រសិល្បៈ។ ជាមួយគ្នានេះ ក៏មានការប្រគំសម្តែងស្គរធំរបស់ក្រុមស្គរធំមកពីវិទ្យាស្ថានអប់រំកាយ និងកីឡា ព្រមទាំងមានការសម្តែងក្បាច់គុនល្បុក្កតោដោយក្រុមកីឡាករដែលមានអាយុក្រោម១៥ឆ្នាំផងដែរ។
បើយោងតាម លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) ការប្រកួតកីឡាជាតិលើកទី១ National Games ដែលធ្វើឡើងដើម្បីពង្រឹងបច្ចេកទេសធនធានមនុស្ស និងដកស្រង់បទពិសោធន៍ ដើម្បីត្រៀមប្រកួតកីឡាស៊ីហ្គេមឆ្នា២០២៣ នឹងធ្វើឡើងនៅថ្ងៃទី២៥ ខែតុលា ដោយគ្រោងនឹងបញ្ចប់នៅថ្ងៃទី៥ ខែវិច្ឆិកា។ ហើយការប្រកួតនេះតម្រូវឲ្យកីឡាករកីឡាការិនីបង់ម្នាក់១០ម៉ឺនរៀលសម្រាប់សិទ្ធចូលរួមប្រកួត។
គួរបញ្ជាក់ថា កាលពី ថ្ងៃទី២១ ខែកញ្ញា នៅទីស្នាក់ការ NOCC លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកបានចុះអនុសារណៈនៃការយោគយល់គ្នាជាមួយក្រុមហ៊ុនខេមប្រ៊ូ និងក្រុមហ៊ុនស្មាតរយៈពេល៨ឆ្នាំក្នុងរៀបចំការប្រកួតកីឡាជាតិនេះផងដែរ៕
សម្តេចនាយករដ្ឋមន្ត្រី ហ៊ុន សែន រួមជាមួយកីឡាករកីឡាការិនី និងព្រឹទ្ធាចារ្យល្បីៗព្រមទាំងថ្នាក់ដឹកនាំកីឡាកម្ពុជា នឹងបង្ហាញវត្តមាន ដើម្បីអបអរក្នុងថ្ងៃបើកការប្រកួតកីឡាជាតិ National Games ជាលើកដំបូងរបស់កម្ពុជានាថ្ងៃទី២៨ ខែតុលា ខាងមុខនេះ។ កីឡាជាតិ វាជាការប្រកួតមួយដែលមានកម្រិតបច្ចេកទេសខ្ពស់បំផុតសម្រាប់កម្ពុជាក្នុងការឈានទៅរកការធ្វើជាម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។
បើយោងតាម លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា ការបើកការប្រកួតកីឡាជាតិជាលើកទី១នេះ ដោយធ្វើលំនាំតាមរូបមន្តដូចទៅនឹងការប្រកួតលក្ខណៈអន្តរជាតិ និងពិភពលោក ពោលគឺធ្វើលំនាំដូចការបើកការប្រកួតស៊ីហ្គេម អាស៊ានហ្គេម និងអូឡាំពិកហ្គេម។
ក្នុងសន្និសីទសារព័ត៌មានកីឡាជាតិលើកទី១នៅទីស្នាក់ការ NOCC កាលពីព្រឹកមិញ លោក វ៉ាត់ ចំរើន អគ្គលេខាធិការ NOCC បានរៀបរាប់ពីដំណើរការនៃការបើកការប្រកួតយ៉ាងដូច្នេះថា៖«ដើម្បីបើកម្មវិធីប្រកួតនេះដំបូងគឺយើងធ្វើការដង្ហែប្រតិភូកីឡារួមជាមួយកីឡាករកីឡាការិនី ដែលតំណាងឲ្យក្រសួង និងខេត្តនៅកម្ពុជា។ បន្ទាប់មកធ្វើការដង្ហែទង់ជាតិកម្ពុជា ទង់ជាតិកីឡាជាតិ និងទង់ជាតិគណៈកម្មាធិការជាតិអូឡាំពិកកម្ពជា ដែលកាន់ដោយកងទ័ព កីឡាករកីឡាការិនីឆ្នើម និងព្រឹទ្ធាចារ្យកីឡាកម្ពុជាចូលមកកាន់ទីលាននៃអង្គពិធី»។
លោកអគ្គលេខាធិការ NOCC រូបនេះបានបន្តទៀតថា៖«បន្ទាប់មកទៀតយើងធ្វើពិធីរត់ភ្លើងគប់ ដោយយើងរត់ពីព្រះបរមរាជវាំង ដែលភ្លើងនេះត្រូវបានប្រទានដោយព្រះមហាក្សត្រកម្ពុជា។ ក្រោយពីទទួលបានភ្លើងគប់រួចយើងនឹងជ្រើសរើសអតីតកីឡាករអត្តពលកម្មកាន់ភ្លើងនេះរត់បណ្តាក់គ្នារហូតដល់ពហុកីឡាជាតិ បន្ទាប់មកប្រគល់ភ្លើងគប់នេះបន្តទៅកីឡាករកីឡាការិនីឆ្នើមៗបច្ចុប្បន្នរបស់កម្ពុជាជាបន្តបន្ទាប់ ដើម្បីដុតភ្លើងគប់បើកកម្មវិធីប្រកួតនេះតែម្តង»។
ក្នុងថ្ងៃបើកការប្រកួតកីឡាជាតិលើកទី១នេះ ក៏មានការសម្តែងក្បាច់គុនរួមគ្នារវាងក្បាច់គុនបុរាណខ្មែរ ជាមួយក្បាច់គុនកងទ័ព ដែលសម្តែងដោយកីឡាករកីឡាការិនីកម្ពុជា និងកងយោធពលខេមរភូមិន្ទ។ លើសពីនេះមានការសម្តែងផ្ទាំងទស្សនីយភាពដែលឆ្លុះបញ្ចាំងពីសន្តិភាព សេរីភាព និងទំនាក់ទំនងរវាងសិល្បៈនិងកីឡាដែលរៀបចំដោយក្រសួងវប្បធម៌ និងវិចិត្រសិល្បៈ។ ជាមួយគ្នានេះ ក៏មានការប្រគំសម្តែងស្គរធំរបស់ក្រុមស្គរធំមកពីវិទ្យាស្ថានអប់រំកាយ និងកីឡា ព្រមទាំងមានការសម្តែងក្បាច់គុនល្បុក្កតោដោយក្រុមកីឡាករដែលមានអាយុក្រោម១៥ឆ្នាំផងដែរ។
បើយោងតាម លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) ការប្រកួតកីឡាជាតិលើកទី១ National Games ដែលធ្វើឡើងដើម្បីពង្រឹងបច្ចេកទេសធនធានមនុស្ស និងដកស្រង់បទពិសោធន៍ ដើម្បីត្រៀមប្រកួតកីឡាស៊ីហ្គេមឆ្នា២០២៣ នឹងធ្វើឡើងនៅថ្ងៃទី២៥ ខែតុលា ដោយគ្រោងនឹងបញ្ចប់នៅថ្ងៃទី៥ ខែវិច្ឆិកា។ ហើយការប្រកួតនេះតម្រូវឲ្យកីឡាករកីឡាការិនីបង់ម្នាក់១០ម៉ឺនរៀលសម្រាប់សិទ្ធចូលរួមប្រកួត។
គួរបញ្ជាក់ថា កាលពី ថ្ងៃទី២១ ខែកញ្ញា នៅទីស្នាក់ការ NOCC លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកបានចុះអនុសារណៈនៃការយោគយល់គ្នាជាមួយក្រុមហ៊ុនខេមប្រ៊ូ និងក្រុមហ៊ុនស្មាតរយៈពេល៨ឆ្នាំក្នុងរៀបចំការប្រកួតកីឡាជាតិនេះផងដែរ៕
Tag:
កីឡាជាតិលើកទី១
វ៉ាត់ ចំរើន
National Games
© រក្សាសិទ្ធិដោយ thmeythmey.com
