ពីនេះ ពីនោះ
រឿងងាយៗគួរធ្វើពេលភ្ជុំ កុំឲ្យពុលចំណីអាហារ!
× កំណាព្យបទ ជាប់ទង
និពន្ធដោយ ប៉ាកកាខ្មៅ!
-រដូវភ្ជុំ កុំភ្លេចភ្លាំង គាំងភ្លឹកភ្លាត់
ម្ហូបទៅវត្ត ភ្លាត់មិនស្អាត ខាតខូចការ
កើតមានរោគ លោកអាចពុល ខ្ពុលមុខតា
ទាំងអាចារ្យ ថាឲ្យចាំ ផ្តាំកូនចៅ។
-ជំនាញផ្តាំ ចាំគ្រប់គ្នា ជាក្បួនខ្នាត
ប្រើទឹកស្អាត ស្អាតទាំងម្ហូម ម្ហូបមិនឆៅ
ដៃត្រូវលាង ជាងហើយលុះ ទោះក្នុងក្រៅ
ប្រាប់កូនចៅ ទៅដល់ណា ថាត្រូវស្អាត។
-រឿងបន្លែ ផ្លែឈើផង បងប្អូនត្រូវ
ជូនម៉ែឪ ត្រូវលៃលក យកសម្អាត
លាងជាមុន មុនពិសារ ណាមិនខាត
ផល្លាស្អាត ស្អាតបន្លែ ថែសុខភាព។
-ទាំងចានឆ្នាំង តាំងដាក់ទូ យូរគួរយក
លាងលៃលក មកមុនប្រើ ធ្នើខ្ពស់ទាប
ស្លាបព្រាស្រាក់ ដាក់មិនស្អាត ខាតសូមជ្រាប
រោគមានលាភ គាបសប្បាយ កាយចុះខ្សោយ។
-គួរចាត់ចែង បែងចែកដាច់ សាច់ឆៅឆ្អិន
ម្ហូមខ្មែរចិន មិនអាចចាក់ ដាក់បណ្តោយ
លាយឡំគ្នា ជាគ្រោះថ្នាក់ ជាក់ខាងក្រោយ
ពេទ្យផ្តាំឲ្យ ឲ្យគ្រប់គ្នា ជាដំណឹង។
-រឿងគួរខ្លាច អាចជួបគ្រោះ នោះមានដែរ
គឺថ្ងៃខែ ខែហួសប្រើ បើមិនដឹង
អ្នកទិញលក់ ជក់ចំណេញ ចេញចូលប្រឹង
ភ្លេចថ្លែងថ្លឹង ដឹងខូចដែរ តែខ្លាចខាត៕
© រក្សាសិទ្ធិដោយ thmeythmey.com